ESTER 9:30 - Allah Wene Fano Wene Hupla Inane

³⁰ A'nogo palhukwasik he lisu palek a'nogo afuni Yahudi mene werek kwe mondogat wulafukwasik, palek a'nogo kwelakhigik palhukwa mene re o Persia kweang andiba nen propinsi 127 nen omanogo bene mondogat wulafukwa. Surat andiba re, ”It afuni Yahudi mene inebe fanorogo nek logolik, inailo legengge logouwak,” iluk palogo wulafukwa.

ESTER 9:30 ပူးပေါင်းရင်းမြစ်များ

KEJADIAN 23:1

He Sara a'nogo umur 127 tahun welagaikhesik o Hebron Kanaan kweang oba andoma nen wa'lagaikhemo, hun Abraham agwe wa'lagaikhe mene a'nogo faget endawi ou en he, le agu welagaikhe.

ESTER 1:1

O Susan andi re it afuni Persia mene inaiba kota sili hokho mene were'ma at Ahasyweros ebe raja mendek logolik melalinafu welagaikhe. Nen, aren melalinafi lagaikhe kwe andoma o sili propinsi omanogo ebe 127 nen hilingi'mo re o ebe re India huli nen he o Sudan huli andomaba hilingik welagaikhe.

ESTER 8:9

A'nogo yagaisasikhemo re linggene a'nogo sambul enek, tugi henaganek mene enu Siwan andiba tanggal 23 werek kwelek Mordekhai nen he it ap raja obaget lisu palhi lagaukwa inap omanogo inoba re, ”Ap gubernur inom, bupati inom it ap yi kain ti kain inom o 127 propinsi, o India nen he Sudan huliba werek mene omanogoba surat palogo wulabini. Surat andi palhi logolik he it o propinsi andoma nen inane unggut inom, lisu palharek mene inom higithogo nek palino,” iluk yagaisasikhe. Nen aren he it afuni Yahudi mene inobaget it inaneba lisu palogo wulabik lagaikhe.

MAZMUR 73:27

Afuni Hat herakhobagaluk, wulifarek mene andi re, inebe alomat lakhogoin. It afuni andi inobabut he, Hat hoba lombokhogo logou inabit welagaikharek andi nen he, Haren inebe leget fisagain.

YESAYA 32:17

Afuni inebe lombogen he, eberogo mene nek hilingirik lagunem he, inenggi mondok-mondok andomaba fano liokhogo mondok welagik, inagaiyekhogo nek welagik, ikhi logogun.

YESAYA 39:8

Andi isikhemo re raja Hizkia nen onggo ikhi logolik, ”Tuhan nen yaga'no ikhe mene haren yaganesi wagen andi re mondok fano,” iluk isikhe. Aren a'nogo isikhe andi re, ”An neluk welagiba re o kerajaan an nen ferinarek welagi yiba re fano liokhogo inailo mel legengge logogun,” iluk anggikhi logolik isikhe.

ZAKHARIA 8:19

”Tugi enggaminogo nek mene inom fuap mene inom sabit mene inom nomolo mene inom, oba andoma re sumburu ninggi'lek inambe pok logolik hilingitarek mene oma re afuni Yehuda mene nen he, mondok inagaiyekhogo inanggiluk oba ebetu mondok logogun. Eberogo wene inom, fano liokhogo welagaikharek awene inom hinendawirogo logoni o!” iluk ikhe isikhe.