ESTER 9:27 - Allah Wene Fano Wene Hupla Inane

²⁷ ekhe mene ekhe mene afuni Yahudi mene hilinglagunem ineilenggen hasukwa mene inom oba ambisangma nen he, iren it inonggwarek faget inom, it inambisangma mene faget inom, afuni inunggulenu amu mene nen inunggulenu Yahudi meneba kwi wesugun mene faget iluk inom hilingiti logogun mene iluk palfesukwa. Wene melalek palfesukwa mene andiba re linggene pire hun Mordekhai nen wenagaisogo fesikhe mene andem oba re tahun hundik-hundik afuni Yahudi mene nen herakfigi'lek ebetu mondok logogun, iluk palek welagaikhe.

ESTER 9:27 ပူးပေါင်းရင်းမြစ်များ

ESTER 8:17

Andi hakhogo re, it afuni Yahudi mene werekwe o kota ebe lombok inom, propinsi ba inom, o ekhema-ekhema inom omanogo surat raja nen enu salik loageluk wulafikhe mene a'nogo enu salik lagaukwama inesanggo holhukwa kwe omanogo re inagaiyek hokhorogo hilingitukwasik he seni isarik lagaukwa. A'nogo hilingitunem he afuni o andoma mene it Yahudi mene inoba inailo welagaukwa mene omanogo re nit hit Yahudi mene ninom asugun o, iluk it inoba sebesi wagaukwa.

ESTER 9:20

A'nogo mondogat hilingitukwasik he, at Mordekhai nen hilinglagaikhe mene omanogo faget mondogat lisu palogo re afuni Yahudi mene mondogat o Persia ba andoma yatkwe mene faget inom horokwe mene faget inom lakfilik lagaikhe.

ESTER 9:21

Lisu palek andi ebe re yi'nogo palek welagaikhe, ”Tahun hundik-hundik andomaba tugi Adar andi tanggal 14 oba inom 15 oba inom asi lagunem he ebetu mondok logogun,” iluk palek welagaikhe.

ESTER 9:28

Andi nen ekhe melalfisikhi logolik he, ”Linggene Purim andem he afuni Yahudi mene nen eberek mondok logolik he ap Yahudi mene ineisok erokwe lombogen inom, nen afuni ekhe wagik ekhe wagik wesugun mene nen ogo re o kota kwe inom, o propinsi kwe inom werek mene nen ogo eberek mondok logolik hilingiti logogun o,” isukwa.

MAZMUR 78:7

Andiba re, iren ogo At Allah oba inendawinggen tibetfuluk logogun, nen aren yi wene ti wene hilingitikhe mene andoma iren inonggot asugun lek, oba nen he, Aren yi'nogo hilingiti logoino iluk yagaisasikhe mene a'nogoba nek hologo hilingiti logogun.

YESAYA 2:3

A'nogo waga logolik iren he mel ikhi logogun, ”Nit he afuni Israel mene nineisena Tuhan Allah awi wuri'mo, louwogen we'ni o. At Tuhan ebe Andom Sion oba awi kota Yerusalem logolik, ane ili'logo andi nen he Aren nit komotninafunem he niren At ane furogo hologo hilingitu mene faget yanggul ninabuakhogo re louwogen we'ni o,” iluk ikhi logogun.

YESAYA 56:3

Ap pok mene Tuhan againafuri inom sebesugun mene nen ikhi logolik, ”Tuhan nen an At againafuri inom seberogo fogerati logouwageluk ikhe lego,” iluk ugun hanogo. Ap ekhe ouwali waganek mene nen halok endawimo uanhogo wenggel hikhi logolik, ”An he nagainafuri ekhe taginabigin lek andi nen he At Tuhan againafuri mene ninom seberogo kabogetu aplere abit anggili'lago hea,” iluk ikhi logoinogo o.

YESAYA 56:6

Tuhan nen ap pok mene Tuhan againafuri inom seberogo wena'lagaikha mene andoma inom, Tuhan inendawi hundik hilingiti logolik At oba nek kabogeri'lagwi mene andoma inom, linggene Sabat sambul esinet fuluk hilingiri'lagwi mene andoma inom, nen Aren wene warisasikhe mene higithogo hilingiri'lagwi mene andoma inom inoba ikhi logolik,

YEHEZKIEL 16:61

An nen it hagaila'lak omanogo inambotkwe sugulogo hat hoba fisa wesumo re, haren hilingiti lagagin mene omanogo ebet haluk he henggali asigin. It andoma re, nit hat ninom wene warek welago mene andiba kwelabek lek oba nen he, it andi An nen hat hagainafuri mene hak hilingfisagain.

ZAKHARIA 2:11

Hinenggi andem oba re, afuni inunggulenu hokhorogo Tuhan ambit At againafuri mene asugun iluk waga logogun. Nen, At ebe hit hinanggele'ma were'ma, an he At Tuhan nen hit hinoba laknobagai wagama iluk hinelu asugun o.

ZAKHARIA 8:23

Inenggi andem oba re, ap pok mene inebe nomolo nen mene re ap Yahudi mene misik ekhe ambit wesimbik oba yagati logolik, ’Nit ninesanggo holhunemen he, hit he hineisena Allah nen fanot hinobagali'lago ugunem holhi lago o, andi nen he, nirogo a'nogo hilingninobagaumo ambisangma enggen ugu helikhi logoilo, iluk anggikhi lago,’ ikhi logogun,” iluk Tuhan Omame Mondok Hokho mene a'nogo ane yaganetunem holhi.

BILANGAN 15:15

Hit inom, ap pok hit hinanggelekwe werek mene andoma inom Tuhan eilhanem he higit enek hilingi'mo re, hiren ogo, iren ogo wene melalek inom, yi'nogo ti'nogo werek mene andoma inom he, wene andi were'ma oba loukhogo nek hilingirik laga logogun.

ULANGAN 5:3

it ninombawi mene inoba nek yagaisasikhe lego, we nit yoma welago mene ninomat ninoba yaganisikhe.

YOSUA 9:15

At Yosua nen he ap Gibeon inap andi ninom sebeti lago iluk wene watikhe, Wene a'nogo warisasikhe andiba re it inebe ekhe inoatukwa lek. Nen it afuni Israel mene melalinafu mene omanogo nen ogore wene watukwa mene andi tiphogo hilingisugun iluk he inane hombuk palhukwaat.

HAKIM–HAKIM 11:40

linggene 4 en oba hele hun Yefta a'logo tugum andi faget inendawimo ebethikhi logolik o Gilead andoma le agu welagaukwa.

1 SAMUEL 30:25

Hobugen wene andi re at Daud en wene melalek hilingiti logogun mene iluk fesikhemo, it afuni Israel mene werekwe omanogo re yogondak huli nen ogo hologo nek hilingiri'lagwi.