ESTER 9:25 - Allah Wene Fano Wene Hupla Inane

²⁵ Oba nen, he Ester en hun raja were'ma yagasi kwisikhemo re, raja nen wene melalek palogo wulafikheba re, at Haman onggwarek oba asi wagaikhemo, andiba at ebe inom, it againafuri re e ap porogo fisagarek oba omanogo porogo fisasukwa andi.

ESTER 9:25 ပူးပေါင်းရင်းမြစ်များ

1RAJA-RAJA 8:32

hamingmingengge mene wene andi pilingitunem Hat hebe pogoroba logolik inane hesanggo holfuluk he, wene andi tegeti logoino o, neisena. A'nogo tegeti logolik, it ekhe weak hilingisugun higithogoat wene inoba fikhi logolik, it ekhe weak hilingiti'lek mene halok he, wene inoba koti logoino o, neisena.

ESTER 3:6

Nen at Haman nen holhunemen he at Mordekhai andi re Yahudi agun iluk elu agaikhesik he, at Haman nen he Mordekhai unggum oba fagain iluk wene isikhe, oba nen he at Mordekhai faget enek he lek, athe it afuni Yahudi mene abirengge o Persia kweang andiba werek mene mondogat leget fisagain iluk wene palhukwa.

ESTER 7:10

Andi yagaisasikhemo re, iren hun Haman a'nogo e hilingik hun Mordekhai warogo fuguba iluk fougetikhe mene a'nogoba paku warogo fei lagaukwa. A'nogo hilingitukwama nek he raja a'mage lagasikhe mene a'nogo lombuk isikhe.

ESTER 7:4

Nen an hamingmingengge inom, nen it an hamingmingengge nunggulenu mene inom he pinggi inoasugun iluk onggo palninafa andiba igi. Nen nit we inamingmingengge ap ninabuogeluk onggo hunninaple'ma nen he ninane lek logolik nineisena hat nit hamingmingengge nen hane yinghafi lago mene ari, a'nogo hilinghafi logoilo lek. Oba nen he nit ninebe mondok legaphogo ninobagauwogeluk hilingitu nen welago!” iluk yagatikhe.

ESTER 7:5

Andi isikhemo raja Ahasyweros nen ratu Ester oba heinok wokhikhi logolik he, ”Andi re ap sa nen ambong serogo hilingisu hak nogo? Nen ap andi re ebe koma werek?” iluk heinok wokhasikhe.

MAZMUR 140:8

An neisena Tuhan Allah andi re, an nagap telnafi lagen mene mondok homame mene welagen, an weim yafunem Harenat nagap telogo fetnarek welagen.

MAZMUR 140:9

Tuhan neisena, it ap inanini weak mene nen anggagarek mene andoma faget Haren inane holu fugo, iren wene hilingisugun iluk inane mari'lagwi mene andoma re ebe asuageluk u fuk.

MAZMUR 141:10

It andoma re inonggwaregen hele yepsek mene andomaba ke'nok ikhi logouwak, oba nen an enek he nagap telek logogin fano.

MAZMUR 7:16

Aren he ap amu mene faget iluk kweang habuli'lagoba nen he, at onggwarek kweang habulik a'nogoba pili'lago.

MAZMUR 7:17

Arigini'mo ap andi re, at onggwaregen weak hilingiri'lagoba wene oba fakhigik, oba haroba hilingituba re, onggwarek ebeba enggin-fenggin fakhigik hilingirili'lago andi.

MAZMUR 94:23

Aren he ap weak hilingiterek mene re it inaweak hilingitarek mene higithogo unggum wogisikherek. Nen it inaweak andiba re Aren enek it inebe weagerinaferek. Nen nineisena Tuhan Allah andi nenat it inebe leget fisagain.

AMSAL 26:27

Ap ekhe nen ap amu mene faget iluk kweang habuligin oba nen, kweang habuli'mo a'nogo onggwarek eisok kobokhogo pigin. Ap ekhe nen helep ap amu mene faget iluk wephogo fagain oba nen, helep a'nogo nen onggwarek tunghogo wasigin.

AMSAL 5:22

Ap weak mene nen aweak hilingiterek mene andi re onggwarek faget wephogo fakhili'lago.

YESAYA 22:25

Andi hilinglasigin halok he, hele senek mene omamerogo homago mene andi re tekhogo pigin. Andi re at eisok werekwe mene inom ori erugwi inom inebe mondogat at oba kologo pelabek logogun mene legasugun he a'nogo hilingisugun andi, iluk An Tuhan nen nane mondogat igi o.” ikhe ino isikhe.

OBAJA 1:15

A'nogo isikhesik ekhe inom ikhi logolik he, ”An Tuhan nen afuni inunggulenu lombok inawene pilingisogo ayo wurinabigin sambul a'nogo re, ibi-eberogo nenat horogasi waga o. Nen, at Edom en hilingiti laga mene andoma re aren hilingiti laga onggo at oba ogo a'nogoat hilinglasigin. Aren afuni amu mene inoba hilinginafunem hikhi lagaikha andem hakhogo re arogo a'nogoat hagain aro.

MATIUS 21:44

[Sa nen ebe pile helep andiba pi waga halok, ebe mondok wolelenggen tagalasigin o. Nen, helep andi sa oba sebeli waga halok he, ebe mondok alperelogo wasigin o,”] iluk,

1 SAMUEL 25:39

Nen, at Daud esanggo holhunemen he at Nabal a'nogo wa'laga ugunem holhikhesik, aren ikhi logolik he, ”At Tuhan enek fogerasuok! Aren at Nabal en an mabenet nobagakhi logolik nenu weagerogo nobagaikhe mene a'nogo onggo watfikhi logolik he Aren enek an amingming engge yi nen kwanirek mene ekhe hilingisinogo iluk kwe pal nobagaikhe andi. At Nabal he weak onggo re Tuhan en unggum oba fikhe andi,” iluk isikhe. A'nogo isikhesik he at Daud en he Abigail nagweab eragain iluk ap ekhe he a'nogo aiba lakfisasikhe.