ESTER 9:22 - Allah Wene Fano Wene Hupla Inane

²² Andi re linggene andi sambul enek iren afuni inaselei mene omanogo mabenet fisasukwama it inendawi heiselogo ou hugu welagaukwa. A'nogo welagaukwa mene a'nogo obali'mo re inagaiyek hasukwa mene andi faget hilingiti logogun isukwa. Andiba linggene andem oba re iren seni isatik, i sumburu nouwogeluk misi'mo kabogetik, nunggungge sumbut-sumbut agik, afuni inenggi lek meneba inangge wogisigik, hilingiti logouwogeluk isukwa andi.

ESTER 9:22 ပူးပေါင်းရင်းမြစ်များ

ESTER 9:19

Andiba re afuni Yahudi mene o kota endep kwe welagaukwa mene nen he tugi Adar oba tanggal 14 sambul andi re linggene inagaiyekhogo hilingituba iluk seni pesta isati logolik nunggungge sumbut-sumbut agu sambul iluk ebetu welagaukwa.

ESTER 9:21

Lisu palek andi ebe re yi'nogo palek welagaikhe, ”Tahun hundik-hundik andomaba tugi Adar andi tanggal 14 oba inom 15 oba inom asi lagunem he ebetu mondok logogun,” iluk palek welagaikhe.

ESTER 9:23

Afuni Yahudi mene nen he at Mordekhai nen hilingi'no iluk yagaisasikhe mene a'nogo hologo hilingitukwama re, iren ebeti lagaukwa mene andi re inetokhogo yi tahun ti tahun a'nogo nek hilingitu mondok werek.

MAZMUR 103:2

An nendawinggenma nen Tuhan fogethafi lagi, nen Aren fano hilingninobagaikherek mene andoma re hinonggorasu fuk.

MAZMUR 149:7

it afuni inunggulenu amu mene omanogo onggo inoasugun iluk, it ineisok erokwe mene inom, inunggulenu mene inom, enggin fenggin inoba fogoin iluk hilingitik,

MAZMUR 30:11

Tuhan neisena, nane hesanggo holnabimbik he hendawitnabin, Haren an nebe lebetnabin!

MAZMUR 30:12

An fong wati lagi mene a'nogo Haren agamhogo re nagaiyegen hunikhe wanuageluk hilingnobagain, nen Haren he an nelokhe heiselogo welagi mene a'nogo hebekhogo wanhendik he, an noba nagaiyek hokho mene kwelaknobagegen.

MAZMUR 37:15

A'nogo meneat he, afuni inobabut weak mene andi re, inonggwaregen inenggarok oba lisogo inebe warigik, inasikhe falelogo figik ugun werego.

YESAYA 14:3

Tuhan nen he it Israel inap inoba ou pou higik, enggin-fenggin higik, yabu inane ninghogo hilingi'ni iluk yagaisugunem hilingiri'lagwi mene omanogoba nen fikhalogo fisagain.

ZAKHARIA 8:19

”Tugi enggaminogo nek mene inom fuap mene inom sabit mene inom nomolo mene inom, oba andoma re sumburu ninggi'lek inambe pok logolik hilingitarek mene oma re afuni Yehuda mene nen he, mondok inagaiyekhogo inanggiluk oba ebetu mondok logogun. Eberogo wene inom, fano liokhogo welagaikharek awene inom hinendawirogo logoni o!” iluk ikhe isikhe.

MATIUS 5:4

Nen, afuni inendawimo wiik- weakhogo welagaikharek mene andi, Allah nen inendawinggen sebeligin andi nen he, inendawimo inagaiyek hikhi logouwak.

LUKAS 11:41

Halok he, hit mene yi mene ti mene piring elonggoma fikhi lagep mene andi, afuni inagarek lek mene sumburogo wogisegep halok he, hit faget yi mene ti mene mondogat fenakwe sobalek logou hak fano logogin o.

GALATIA 2:10

Hai wa'ninafukwasik he, komorogo hak wene mel enek yaganisasukwa: ”Afuni nit mene ekhe inelagaik mene yoma inoba eberek logolik, leberisikhi logoino,” iluk, yaganisasukwa andi, an nen a'nogo nendawimo nagaiyek hikhi logolik hilingitirek meneat yaganisasukwa.

ULANGAN 15:7

Hit hinebe o kweang At hineisena Tuhan Allah nen wokhisagain oba omanogo mondo'ma kwi lambik logolik, o kota misik oba omanogo nen ap hit hinunggulenu mene ekhe enggi lek elagaik mene werek halok he, hiren hinonggwarek faget enek leget fakhikhi logolik at a'nogo kwelakhigi'legengge hinobakhe nigik hilingitep hanogo,

ULANGAN 16:14

A'nogo kabogeti logolik, hit hinagainafuri inom, hinamingmingengge inom, afuni Lewi mene inom, ap pok mene inom, yenggerugwi suarek mene inom, hemi sogwe mene hit hinawi kota ba werek mene inom, seberogo hinagaiyegeti logogun.

ULANGAN 16:15

Linggene sabiren andem oba re, hiren hineisena Tuhan Allah legeisogo fikhi logolik, obalik Aren wenagaisogo fagain oba omanogo nen linggene andi ebeti logogun. Hiren, nit nineisena Tuhan Allah nen nineabu hilingiti lago mene omanogo fanot figik, ninanggweang oba fanot figik, hilingninobagaikhe o, iluk hinagaiyegeti logoino.

WAHYU 11:10

A'nogo werek kwelek, afuni kweangma mene inebe mondogaren ikhi logolik he, ”It ap pire wene yaganisikhi lagaikha mene yi nen, yi enggin ti enggin hokhorogo ninoba fikhi lagaikha mene a'nogo inebe fanoat inoata,” iluk inendawimo agaiyek hokhorogo anggikhi logolik, pesta hilingitik, yi mene ti mene onggo lek it ekhe nen ekhe wogisigik, wok-wok ikhi logogun.

1 SAMUEL 25:8

It inebeba heinok wogisano, iren ogo eberogo ugun logou hak. Arigini'mo re nit he linggene esin mene yiba waga lagoma re, an nagoromi andi re haren fanorogo woginabigin anggikhi lagi. Enggere nit hamingmingengge yi ninoba inom an Daud hagailak fano welago mene a'nogo noba inom, hat hendawi fano nen yi mene ti mene werek mene andoma ekhe wo'nisano o ikhe iluk, yaga'no,” iluk yagaisasikhe.