ESTER 8:17 - Allah Wene Fano Wene Hupla Inane

¹⁷ Andi hakhogo re, it afuni Yahudi mene werekwe o kota ebe lombok inom, propinsi ba inom, o ekhema-ekhema inom omanogo surat raja nen enu salik loageluk wulafikhe mene a'nogo enu salik lagaukwama inesanggo holhukwa kwe omanogo re inagaiyek hokhorogo hilingitukwasik he seni isarik lagaukwa. A'nogo hilingitunem he afuni o andoma mene it Yahudi mene inoba inailo welagaukwa mene omanogo re nit hit Yahudi mene ninom asugun o, iluk it inoba sebesi wagaukwa.

ESTER 8:17 ပူးပေါင်းရင်းမြစ်များ

KEJADIAN 35:5

Salfuluk, at Yakub agoromi inagainafuri inom inebe mondogat wilipluk wagu kwelek, it afuni o kota andoma mene nen muginarek wesinogoluk, Allah nen inebe mondogat inailo mene hilingfisasikhemo, it inebe selek wagaukwa.

NEHEMIA 8:10

Nineisena TUHAN nen hinendawimo hai hakhoagaluk hilinghinafe mene andi nen hinendawinggen ago wasigin werego. Halok o yogondak he, nineisena onggwarek awi weikhemo welago andi nen he, hinailokwe hinambotkwe lambik, hinendawimo weak welagi'lek, hinagaiyek hikhi logolik, hinamburu ninggik, hinagai ninggik ino o. A'nogo hilingiti logolik, hit hinamburu inom, anggur amusu inom, it afuni ekhe inamburu inom, inagai inom, lek mene andi ekhe sumburogo wogisano aro,” iluk yagaisasukwa.

ESTER 9:17

Wene andi hilinglagaikhe re tugi Adar a'nogo tanggal 13 oba agaikhe. Nen linggene ombo'ne mene tanggal 14 oba re iren afuni ekhe inoasugun lek iluk isukwa mene a'nogo ebeti logolik inagaiyekhogo hilingitu welagaukwa.

ESTER 9:19

Andiba re afuni Yahudi mene o kota endep kwe welagaukwa mene nen he tugi Adar oba tanggal 14 sambul andi re linggene inagaiyekhogo hilingituba iluk seni pesta isati logolik nunggungge sumbut-sumbut agu sambul iluk ebetu welagaukwa.

ESTER 9:2

O kota-kota it Yahudi mene werekwe omanogo bene it inaselei mene nen inoasuogeluk inanini inoba fuluk hilingitunem he it inebe andoget la'luk misik lambulaga lagaukwa. A'nogo hilingitunem he afuni inunggulenu inap werek mene omanogo nen inailo nek a'luk ap misigen ekhe ambong serogo it inelokhoma asilare elo'luk aga lagaikhe.

ESTER 9:22

Andi re linggene andi sambul enek iren afuni inaselei mene omanogo mabenet fisasukwama it inendawi heiselogo ou hugu welagaukwa. A'nogo welagaukwa mene a'nogo obali'mo re inagaiyek hasukwa mene andi faget hilingiti logogun isukwa. Andiba linggene andem oba re iren seni isatik, i sumburu nouwogeluk misi'mo kabogetik, nunggungge sumbut-sumbut agik, afuni inenggi lek meneba inangge wogisigik, hilingiti logouwogeluk isukwa andi.

ESTER 9:27

ekhe mene ekhe mene afuni Yahudi mene hilinglagunem ineilenggen hasukwa mene inom oba ambisangma nen he, iren it inonggwarek faget inom, it inambisangma mene faget inom, afuni inunggulenu amu mene nen inunggulenu Yahudi meneba kwi wesugun mene faget iluk inom hilingiti logogun mene iluk palfesukwa. Wene melalek palfesukwa mene andiba re linggene pire hun Mordekhai nen wenagaisogo fesikhe mene andem oba re tahun hundik-hundik afuni Yahudi mene nen herakfigi'lek ebetu mondok logogun, iluk palek welagaikhe.

ESTER 9:3

O propinsi andomaba a'ma yi kain ti kain welagaukwa mene inom, bupati inom, nen ap hun raja a'ma logolik yabu hilingiti lagaukwa mene inomen ogore, hun Mordekhai ba inailo logolik he afuni Yahudi mene leberisikhi lagaukwa.

MAZMUR 105:38

Afuni Mesir mene, it Israel mene inoba inailo mondok welagaikhe andi nen he, it wulibi wesuogoluk wagunem inagaiyek mondok agaikhesik, fano helaloak iluk isukwa.

MAZMUR 18:43

Wul age palogo lagarek andi hak an nen mondogat alperelogo fisikhi lagi, nen fesi ebekhe kwe werek andi hak an nen sibil sebelhogo fisikhi lagi.

KELUARAN 15:16

Neisena Henupogoren hilingiten mene andi. It ekhe nen yagaisamo, inailo hokho asigin, Hat hagainafuri ninaselei mene inailokwe lagunem, inalpouweak hilingisugun lek, Hagainafuri telninafen mene andi re inanggwe selegat logoin.

ULANGAN 11:25

O sili andoma abirenggeba re At hineisena Tuhan Allah nen a'nogo hilingisigin iluk abok yagahisikhe higithogo inailo aga logouwageluk youk kwelakfoumo ap misigen ogo ekhe inelokhe palu elo'lek logogin.

ULANGAN 2:25

O yogondak yi huli nen yi afuni ti afuni inunggulenu lombok welagaikharek mene nen inailot hinafi logouwageluk hilinghinobagagin, a'nogo hinobagaumore afuni nen hit faget inesanggo holhaluk he inailo nen inoak leigeti logogun, iluk yaganisasikhe a'nogo,’ iluk yagaisasikhe.

YOSUA 2:11

Nit wene andi ninesanggo holhugusik he ninailo mondok agaikhe o. Nen, afuni nit mene inailo lek mene ekhe mondogat hit hinom yabugun he inailo mondok agaikhe o. Hit hineisena Tuhan Allah andi eberogoat yi mene ti mene kweangma mene pogoroba mene elok hilingisu hak enego.

YOSUA 2:9

Lagasikhesik mel yagaisasikhe: ”At hineisena Tuhan nen o yoma hit hinenggiba fikhemo werek andi re, an nelu o. Afuni yoma mene abirengge hit hinoba inailo mondok werego.

1 SAMUEL 25:8

It inebeba heinok wogisano, iren ogo eberogo ugun logou hak. Arigini'mo re nit he linggene esin mene yiba waga lagoma re, an nagoromi andi re haren fanorogo woginabigin anggikhi lagi. Enggere nit hamingmingengge yi ninoba inom an Daud hagailak fano welago mene a'nogo noba inom, hat hendawi fano nen yi mene ti mene werek mene andoma ekhe wo'nisano o ikhe iluk, yaga'no,” iluk yagaisasikhe.