Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ESTER 8:15 - Allah Wene Fano Wene Hupla Inane

15 A'nogo hilingitukwasik he, at Mordekhai a'nogo raja ebe were'ma omanogo herakfuluk he su ap raja nen laberek mene eil heiselek weak mene inom, kut mene inom, oba selebensek engge a'nogo inom, su jubah yo lenan eil sakhorek meneba ugungge a'nogo inom, mahkota emas meneba hilingigengge eil ebe mene a'nogo inom pukhogo wulibi wagaikhe. A'nogo wulibi wagunem he afuni o kota Susan oba welagaukwa mene omanogo mondogaren inagaiyegeti logolik he inamit-mit suphogo inanggiluk eti lagaukwa.

အခန်းကိုကြည့်ပါ။ ကော်ပီ




ESTER 8:15
15 ပူးပေါင်းရင်းမြစ်များ  

A'nogo isati logolik he, hun raja awi silimo omanogo re su kain lenan mene eil heiselek mene inom, kut mene inom, meneba hulirogo hele yo lenan eil sakhorek meneba homak fesukwasik he su kain andi wurep kwe re yo kwelakfugunggwe no perak meneba anggwe folelhigik hilingi'mo kwelakhigik fesukwasik he helep mendek mene re enu pualam meneba mendekma porogo fesukwa. A'nogo hilingfuluk su andi a'ma re hu'lagungge emas mene inom, perak mene inom, ohulumo re helep enu pualam eil kut mene inom, nogogungge eil mep mene inom, Wurili mutiara amulit weak mene inom, helep pirus eil heiselek mene inom talfesukwa.


Nen raja Ahasyweros nen wene esin mene hunikhogo hilingiti lagaikhe mene inom, hunikhogo hilingiti lagaikhe mene inom, nen aren Mordekhai yabu lego mene hilingiti logouwageluk menfesikhe mene inom, andoma mondogat he buku ap raja-raja Media inom Persia inomen hilingiti lagaukwa mene palek welagaikhe mene a'nogoba palogo fesukwa.


A'nogo isukwama re it ap yonggo lakfisagarek mene omanogo nen he lisu palek a'nogo waluk weak-weak o kerajaan andiba nen propinsi omanogo mondogat ebene waluk lagaukwa. Nen at raja nen amingmingengge oba re wene melalek a'nogo re o Susan it afuni Persia mene inawi eroma andoma inom fagetukwa. A'nogo hilingitukwasik he at raja inom Haman inom he, hu'lagaukwasik i anggur amusu ninggi logolik hurek welagaukwa, oba nen he o Susan oba andoma nek he wene a'nogo faget youk kwelakfesukwasik hilingiti lagaukwa.


At Ester ambe heang welagaikhesik linggene henaganek mene a'nogoba re asu raja inagagwi nen labetarek asu a'nogo laberogo re, o hun raja ebe were'ma a'nogo nen elokhoma omanogo lagaikhesik he kwe hun raja kwikherek kwe a'nogo mendek logolik welagaikhe. Nen at raja re hu'lagungge takhta a'nogoba kwe sou esanggo fikhit hurek welagaikhe.


A'nogo hurek were'ma re, at Haman eranen wene kagalogo yagaisikhi logolik he angge yi mene ti mene werek mene faget inom, amlogomi alage mene hokhorogo werek mene faget inom, raja nen yabu legoma logouwageluk wogetikhe mene faget inom, it pegawai amu mene inunggulenu sebelek kwelek at enek he unggulenu lego mene welagi iluk inom, onggwaregen leget fakhikhi logolik yagaisasikhe.


Andi isikhemo re, at Haman nen he su labetu mene inom, kuda inom, omanogo wanhikhesik he su a'nogo hun Mordekhai ba labet fesikhe. Labet fesikhemo at Mordekhai a'nogo kuda ba lagasikhemo re, o kota silikwe hondo'luk laga logolik he yi'nogo ilik lagaukwa, ”Futfeni! Ap he hun raja esinetfuluk legeisogo fagarek mene inobare yi'nogo legeisogo fisikherego,” ilik lagaukwa.


A'nogo palhukwama re, raja nen yonggo lakfisasikhe mene omanogo weak-weak lani iluk yagaisasukwama kuda raja nen meneba lagasukwasik lagaukwa. Nen it a'nogo lagu kwelek he o ibu kota Susan oba andoma ogo wene a'nogo lenggalik lagaukwaat.


Afuni higithogo hilingitarek mene angge fano mene ekhe helikhe halok, it afuni o kota logogun mene nen abok wialogo fogoin, nen it weak hilingitarek mene wa'lasugun halok he, afuni inagaiyegen inanggilugesugun.


Ap fano hilingitu mene nen melalinafu werek halok he afuni mondogaren inagaiyek inoba welagaikharek, oba nen ap weak mene nen melalinafu halok he, afuni koma kwe lagaikha heat hina'lagaikharek.


Ap higithogo hilingiterek mene nen ferinarek were'ma re afuni inagaiyek welagaikharek, oba nen ap weak hilingiterek mene nen ferinarek were'ma, eige nabire iluk inane sagalharek.


I a, athe, nena mene houwogeluk laga lagepsik. Ap ekhe asu fano mondok mene laberek were'ma houwogeluk laga lagep yet hani! Inasu fano mene laberagarek andi, kaindek inenu werek mene inaiba logolik halogat laberagarek.


Mene re, at ap Salomo ebe kain logolik alilingge wagane'ma fogerati lagaukwa andi elo'lek hangge, oba nen enggen andi nek he eilamulit mondok fano!


A'nogo yagaisasikhesik he, hobuk at Yesus nen wene ekhe mel yagaisasikhe: ”Ap ekhe kain angge mondok hokhorogo logolik he, asu onggo hokho fano mene nek laberaluk, yi mene ti mene fano mene anggele'ma heakhogo logolik, hundik-handik endawimo agaiyekhogo nek welagaikhe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ