ESTER 8:10 - Allah Wene Fano Wene Hupla Inane

¹⁰ Surat palhukwa mene andomaba re at Mordekhai nen raja Ahasyweros enuba palhikhesik he kerajaan andi enuba cap taget fesikhe. A'nogo hilingitukwasik he at Mordekhai nen he ap yonggo mene wam kuda hun raja nen weak-weak lagarek mene omanogo ekheba lagasikhesik he surat andi o kweang andi bene sumborogo wulabik loageluk lakfisilik lagaikhe.

ESTER 8:10 ပူးပေါင်းရင်းမြစ်များ

1RAJA-RAJA 21:8

A'nogo yagatikhesik, surat at Ahab enuba palogo cap at raja Ahab mene fesikhesik he, afuni o Yizreel mene inogogwi inom, inaluendek inom, inoba lakfilik lagaikhe.

1RAJA-RAJA 4:28

It bupati omanogo inebe lombogen ogore gandum inom, engga yerami inom, hun Salomo anggo kuda amboloba lagaluk lagu mene inom, nen kereta wut fuluk li'luk lagu mene inom, omanogo faget waluk wogosi waga lagaukwa. Iren he wam en nunggungge andoma o wam aiba omanogo it nunggu mene higiret higik waluk fei waga lgaukwa.

2 TAWARIKH 30:6

A'nogo yonggo filik laga logolik he, at raja awene melalek oba re surat palek a'nogo waluk it afuni Israel mene werek kwe inom, it Yehuda mene werek kwe inom agoromi pegawai omanogo yonggo wulaginafikhe. Iren surat waluk lagaukwa mene andiba re ane yi'nogo palek welagaikhe: ”Hit afuni Israel mene nagainafuri! Hit he it afuni Asyur mene inenggi omameba nen obogerisaluk wulibi wagagip mene a'nogo, At Tuhan nen nekhengge hit lebethinafi logouwakhogo re, yogondak he it Abraham Ishak, Yakub inom, en apne wanhi lagaukwa mene hineisena Tuhan Allah a'nogo obaget enek hilingiti logobagaigen sugulogo we'ni o.

ESTER 8:8

Oba nen he lisu hun raja enuba palogo raja nen cap fikhemo wulafe mene andi re, niren nekhengge lisogo wanu lek hak. Oba nen he, hiren afuni hinunggulenu Yahudi mene hinebe hilingik welagep mene faget inom, hiren yi hilingisugun fano iluk anggikhi lagep mene inom, lisu mondogat palubagaigen iluk yagahisikhi lagi. Lisu palugun mene andi re an nenuba palimbik he o kerajaan ari enuba enekhogo fili'lagwi mene cap enggi segelet oba senggan a'nogo taget feino,” iluk yagaisasikhe.

AYUB 9:25

Linggene an neluk welagi yi re, afuni kwe funget hagarek hak ferekhogo nek lagunem he, we nagaiyek endep ekhe higi'le'ma longgo nek i lili'lago.

PENGKHOTBAH 8:4

Raja omame werek mene a'nogoba yi wene ti wene hilingitunem he, sa nen ailo legengge ane oak sagalu hak nogo?

YESAYA 60:6

No unta o Median inom Efa inom omanogo mene nen he o haren ferinarek welagen kwe andoma huli'lipsek logogun. O Syeba nen he afuni nen no emas inom, kemenyan inom waluk waga logolik, Tuhan nen hilingiri'lago mene omanogo faget fogerasi wesugun.

YESAYA 66:20

O kweang andomaba nen he it sugulogo waga logolik hinagaila'lak hit hinunggulenu mene An nagaiyekhogo iluk wo'nesuogeluk woginarek wesugun. Iren afuni andoma woginarek he o Yerusalem An nandom mondok horek meneba andoma, afuni Israel mene nen inetokhogo gandum obalik fanonggeba talogo An Tuhan naiba wo'nesi weri'lagwi a'nogo hakhogo, iren kuda inom, keledai inom, unta inom, kereta pedati ba wurik mene inom, oba liakfembik waluk wesugun o.

YEREMIA 2:23

Hat he hailo mondok legengge mel ikhi lagen andi ri: An he emerek welagi lego. Tugwi kembu Baal ombo'ne laga-lagi legat, iluk ikhi lagen. A'nogo meneat he, hat o tonggokwe andoma laluk hilingiti lagen mene andoma hendawimo ebetik, weak hilingiti lagen mene andoma ebetik, in o. Hat hebe wam unta holou mene obabut hilingiterek andi hak hilingiti lagen. At wam andi eisok handogal weak ya lagik, ta lagik,

YEREMIA 51:21

Hat he An nen ap kuda ba lagaluk lagaikharek mene inom, kuda ebe inom, ap kereta ba lagagarek mene inom, kereta ebe inom haren wolelenggen isoageluk hayonggo figirik wokhafi lagi.

DANIEL 4:1

At raja Nebukadnezar en a'nogo menfisasikhesik, afuni inunggulenu lombok, ineisok erokwe lombok, inane lombok, o yi awi ti awi welagaikharekwe mondogat yagaisa loagaluk wene ero yi'nogo menfesikhe: ”Nerugwi nagaila'lak, hinendawinggen hambukhogo logobagaigiluk hai wathinafi o.

DANIEL 6:8

Nit ap kaindek, afuni haren hawe a'ma ferinarek welagen oba yoma ekhema-ekhema ferinarek welagorek mene ninebe mondogat gubernur inom, hat henggi ebekwe mene inom komorinaforek mene inom, bupati lak inom, ninomen wene arat tekhogo ogosigen wene palek oba loukhogo hilingiti logogun mene ekhe lisu palogo wene isa wulabinogen iluk yagaheto o, noe. Haren wene isa wulafi logolik he, Afuni nen inenggi 30 nen logolik amu mene faget, Nineisena ebe yi aro, iluk fogeratarek mene andi hea, afuni mene hea, ekhe ayonggo figik, kino yagatik, ikhi logogun mondok lego. We, an enek nayonggo figik, kino yaganetik, ikhi logogun o. A'nogo meneat he, at sa nen an nen wene ero wulafi mene andi hologo hilingiti'lek halok he, singa kweang habuli'mo welagarek oba pelakfisagain o, iluk wene ero wulabin o, iluk yagatukwa.