ESTER 7:10 - Allah Wene Fano Wene Hupla Inane

¹⁰ Andi yagaisasikhemo re, iren hun Haman a'nogo e hilingik hun Mordekhai warogo fuguba iluk fougetikhe mene a'nogoba paku warogo fei lagaukwa. A'nogo hilingitukwama nek he raja a'mage lagasikhe mene a'nogo lombuk isikhe.

ESTER 7:10 ပူးပေါင်းရင်းမြစ်များ

KEJADIAN 40:22

ap amburu roti nunggu mene faget wene lenggalhi lagaikhe mene a'nogo nek he, ebe mondok wasuageluk wene oba fesikhe. Wene mondogat a'nogo hilinglagaikhe andi, at Yusuf en isikhe higithogo mondok hilinglagaikhe.

ESTER 2:1

A'nogo hilingitukwasik eil misik ekhe welagaikhesigen, at raja a'mage lagasikhe mene a'nogo lek agaikhemo re, aren he, he Wasti nen hilingitikhe aple a'nogo inom, wene oba fesikhesik hilingitikhe mene a'nogo faget inom, ebetu mondok welagaikhe.

ESTER 5:14

A'nogo isikhemo holhukwasik he at agwe inom at agaila'lak omanogo inomen he wene yi'nogo yagatukwa, ”Aben e liagaisogo ap inebe eba porogo fisugu mene uanhogo re 25 meter en hilingisuageluk yagaisan. A'nogo hilingfembik he e andiba at Mordekhai andi paku warogo eba fouwageluk at raja ba kino yaga'no. A'nogo hilingiten halok enek he hat hebe seni andiba hendawinggen hambukhogo nagain.” iluk yagatukwa. A'nogo yagatukwama re, at Haman nen he wene noba aga mene andi re fano anggasikhesik, aren he e ap paku warogo fisagarek mene a'nogo weak-weak hilingisuageluk yagaisasikhe.

ESTER 7:7

A'nogo kwelagisasikhemo re hun raja a'nogo a'mage hokho mene lagasikhesik he e talek era'lu hurek welagaikhengge a'nogo feisakhogo menla'luk he olulu obalik fanorogo pugunse'ma omanogo wulibi lagaikhe. Nen at Haman nen anggikhi logolik he, ”Raja nen he an nebe unggum wo'nesigin higi,” iluk anggasikhesik he at ebe wulibi lagi'lek engge he Ester a'nogo inom hurek logolik he, nagap telnabin iluk yagarik kwikhi lagaikhe.

ESTER 7:8

A'nogo hilingiti logolik he, at Haman ebe endawimo mondok warikhi logolik he onggwaregen he Ester elokhoma aremnogo nen kweangma weing laga logolik he, he Ester en unggum andi legaphogo nobagauwakhogo iluk kino yagati lagaikhe. Oba nen at a'nogo hilingitu kwelek aremnogo re raja awi olulu nen nekhengge oloba kwi lagaikhe. Kwi lagunemen he at Haman a'nogo hilingitunem hasikhesik he raja nen ane ikhi logolik he, ”Nenamene? Aren he ambong si serogo andoma an nelokhe kwe, nonggwarek nawi polmining nagwe inom sebesugun iluk hilingiri'lago a?” iluk isikhe. At raja ane a'nogo isikhesik werek kwelek aremnogo re it ap inouwali waganek mene yabu raja a'ma hilingiti lagaukwa inap omanogo wagaukwasik he Haman eil sali wagaukwa.

ESTER 8:7

A'nogo isikhemo re raja Ahasyweros nen ratu Ester inom Mordekhai inom inoba ikhi logolik he, ”Eberogo, an nen Haman andi nen afuni Yahudi mene mondogat leget fisageluk hilingiri'lago andi nen ebe warogo figirik angge yi mene ti mene re mondogat he Ester wogeti.

ESTER 9:14

Andi yagatikhemo re he Ester en kino yagatikhe mene a'nogo hilingisuageluk raja nen afuni yagaisigik, Nen o kota Susan faget lisu palogo wulafik, nen hun Haman againafuri warek inebe nomolo nen omanogo eba porogo fisa lagik, uageluk yagaisasikhe.

ESTER 9:25

Oba nen, he Ester en hun raja were'ma yagasi kwisikhemo re, raja nen wene melalek palogo wulafikheba re, at Haman onggwarek oba asi wagaikhemo, andiba at ebe inom, it againafuri re e ap porogo fisagarek oba omanogo porogo fisasukwa andi.

AYUB 18:8

At eisok anggwe folelogo wepsek meneba filik laga logogin, nen at onggwaregen elema ke'nok ikhi logogin,

AYUB 20:8

At ebere afuni inabi wokhaluk longgo ikherek a'nogo hak, nen hubanggo inabikanggoba hagarek a'nogo hak longgo ugunem he,

MAZMUR 37:15

A'nogo meneat he, afuni inobabut weak mene andi re, inonggwaregen inenggarok oba lisogo inebe warigik, inasikhe falelogo figik ugun werego.

MAZMUR 7:16

Aren he ap amu mene faget iluk kweang habuli'lagoba nen he, at onggwarek kweang habulik a'nogoba pili'lago.

MAZMUR 94:23

Aren he ap weak hilingiterek mene re it inaweak hilingitarek mene higithogo unggum wogisikherek. Nen it inaweak andiba re Aren enek it inebe weagerinaferek. Nen nineisena Tuhan Allah andi nenat it inebe leget fisagain.

AMSAL 11:27

Ap ekhe nen omamerogo fano hilingitu halok afuni inagaiyek oba fikhi logogun, ap ekhe a'mageba hilingirik laga halok enggin fenggin oba asigin.

AMSAL 11:8

Ap fano hilingitarek mene andi re inoba nonghonghogo hilingi'mo telogo fisikherek, afuni weak hilingitarek mene andi re yi enggin ti enggin inoba agu mondok welagaikharek.

AMSAL 26:27

Ap ekhe nen ap amu mene faget iluk kweang habuligin oba nen, kweang habuli'mo a'nogo onggwarek eisok kobokhogo pigin. Ap ekhe nen helep ap amu mene faget iluk wephogo fagain oba nen, helep a'nogo nen onggwarek tunghogo wasigin.

YEHEZKIEL 5:13

An na'mage mondok lagagunem nanini ari'lago mene andi hat hoba figik, weagethafik imbik halok enek he An noba lombuk igin o. A'nogo andoma mondogat hilinglasumo nek he, haren An noba tiphogo hilingiti lagen le'ma An nanini hat hoba fikhi lagi mene andi re An Tuhan nen nane yagaheti lagi mene andi faget eberogo anggagain o.

DANIEL 6:24

A'nogo yagatikhemo, at raja endawimo agaiyek mondok agaikhesik he, ap ekhe nen Daniel pogolema singa werek oba a'nogo nen kwe lombit hurogo liakfei wesuwageluk yagaisasikhe. A'nogo yagaisasikhemo, arat liakfei wagaukwasik, ineilenggen kwelakhasukwa re, at Daniel endawinggen eisena Allah oba himbiret fuluk welagaikhe andi nen he, oba yi'nogo ti'nogo ekhe hilinglagaikhe le'ma hasukwa.

DANIEL 6:25

A'nogo hasukwama, at raja nen, it ap Daniel wene oba fesukwa mene omanogo fakfisasikhesik he, inagainafuri inom, inagagwi inom pogolema singa werek oba a'nogo pelaginabuageluk yagaisasikhemo, pelaginafukwa. A'nogo pelaginafukwama, inebe pogolema singa werek oba a'nogo kweang oba tunghogo pigi'le'maat singa omanogo nen inebe halulum higik inoak inom mondogat tamulogo nasikhe.

ZAKHARIA 6:8

Andi nen at malaikat a'nogo nen an noba yaganeti logolik he, ”Kuda o Babel laga mene andi nen he Tuhan a'mage werek mene a'nogo sebelogo fikhe o,” ugunem higi.

HAKIM–HAKIM 15:7

A'nogo hilingitukwama, at Simson nen ap Filisitin mene mel yagaisasikhe: ”Hiren hinobabut a'nogo hilingiti lagep meneat hilingitep higi. An nen hiren ninoatep mene andi inunggulmo hinoati'lek halok, an nen ungguulmo figi'lek logou re nabit,” iluk hombuk palogo yagaisasikhe.