ESTER 6:1 - Allah Wene Fano Wene Hupla Inane

¹ A'nogo yagatikhemo hup a'nogo sambul he hun raja ebe hup nogo u elo'lek aga lagaikhemo re, aren buku attak hilingiti lagaukwa mene o kerajaan andiba palogo welagaikhe mene omanogo ap ekhe nen enu salogo pilingisuageluk yagaisasikhe.

ESTER 6:1 ပူးပေါင်းရင်းမြစ်များ

KEJADIAN 22:14

A'nogo noletikhesik, o andoma enu re, mel salhikhe: ”Nineisena Tuhan nen, afuni yi mene ti mene le'ma wogisikherek oba,” iluk enu salhikhe. A'nogo salhikhe andi nen, huli yogondagen ogo re, ”Nineisena andom oba afuni yi mene ti mene le'ma wogisikherek oba,” iluk agaregat.

ESTER 10:2

Nen raja Ahasyweros nen wene esin mene hunikhogo hilingiti lagaikhe mene inom, hunikhogo hilingiti lagaikhe mene inom, nen aren Mordekhai yabu lego mene hilingiti logouwageluk menfesikhe mene inom, andoma mondogat he buku ap raja-raja Media inom Persia inomen hilingiti lagaukwa mene palek welagaikhe mene a'nogoba palogo fesukwa.

ESTER 2:21

Linggene misik sambul he, at Mordekhai a'nogo yabu o istana raja ebe werek oba omanogo hilingiti logolik were'ma nen he, it ap inebe pire inouwali waganek logolik hun raja a'ma yabu enogo hilingitarek inap, inenu re, hun Bigtan inom, Teres inomen Raja Ahasyweros mondok ninabit iluk ebe wasuogeluk he inane seberogo abok palhukwa.

ESTER 2:22

A'nogo palhukwama nen he iren hilingisugun iluk weim abok isukwa mene a'nogo re at Mordekhai elu agaikhesik aren he weak-weak Ester yagasi lagaikhe. A'nogo yagasi lagaikhemo re at Ester en nenangothigi'legat at Mordekhai elu agaikhe aple a'nogo re hun raja oba yagasi kwisikhe.

ESTER 2:23

Yagasi kwisikhemo re wene a'nogo faget ero kogolik-kogolik hilingitunemen he eberogo hilingi'mo hasukwasik he, at raja nen wene melalek isikhe mene higithogo re ap inebe pire aremnogo unggum he inebe eba tugulogo fisasukwama re wene agaikhe aple andi re buku kerajaan andiba yi wene ti wene aga lagaikhe mene faget palogo fikhi lagaukwa mene a'nogoba raja elokhoma aremnogo nen palogo fesukwa.

ESTER 5:8

”Neisena, haren hendawimo fano anggegen halok he, an hamingmingengge nen yagahesigin mene yi holin o. Neisena, hat inom Haman inom he an nen seni o hobit hup isasigin mene andiba wesugun fano. Seni andi ninggi logolik enek he, an hamingmingengge nen ti mene namolo iluk hoba yagahesigin.” iluk yagatikhe.

YESAYA 41:17

O andem sambul he ap inenggi lek mene inom enggin-fenggin hagarek mene inom i herati logogun mene re, inelokhoma aga logogin le'ma re, inagai nele nen inamelinggen pukhogo logogun. Oba nen he iren An nenu hombuk palogo yaganetu halok he, An hineisenaTuhan nen inane onggo yagaisikhi logogin. An Israel mene ineisena Allah a'nogo nen he, nagainafuri herak fisaluk laga logogin mondok lek.

DANIEL 2:1

Ap Nebukadnezar raja agaikhesik oba nen tahun misik ferinarek welagaikhesigen, tahun ekhe pirenek meneba ferinarek logolik, o hubanggo ekhe sambul abi hasikhe. A'nogo hasikhesik, abi hasikhe mene andi, ”Ebe ninggi'nogo mene higi he,” iluk endawimo ebetu mondok logolik nogo igi'lek welagaikhe.

DANIEL 6:18

A'nogo pelakfesikhesik helep hokho misigenek mene waluk wagaukwama re, pogole singa werek oba a'nogo kwe ambe to'mot fesikhesik he, ”Afuni ekhe nen Daniel kwe ambe hurogo wulakfei wesugun mondok lego,” iluk kwe sou yagarek a'nogoba, cap at raja mene inom, it ap kaindek mene inom, fesukwasik te'mekhogo yagarogo fesikhe.

MALEAKHI 3:16

Andi nen it afuni Tuhan oba inailorogo logolik it ekhe nen ekhe inoba yagaisugu welagaikharek. At Tuhan nen he iren ugu mene andoma inane esanggo holherek. Afuni At oba inailorogo logolik agaugweratarek mene re buku At enggi nen palherek mene At elokhoma werek mene a'nogoba inenu palek werek.

ROMA 11:33

At Allah oba mene hokhorogo welagik, endawimo mondok kagalek welagik, wene mondok elu welagik, ikherek andi nailo e. Aren wene elugun waterek mene, nit afuni ninelu asugun nogo? Aren yi mene ti mene hilingiterek mene niren futfogoin nogo?