ESTER 5:14 - Allah Wene Fano Wene Hupla Inane

¹⁴ A'nogo isikhemo holhukwasik he at agwe inom at agaila'lak omanogo inomen he wene yi'nogo yagatukwa, ”Aben e liagaisogo ap inebe eba porogo fisugu mene uanhogo re 25 meter en hilingisuageluk yagaisan. A'nogo hilingfembik he e andiba at Mordekhai andi paku warogo eba fouwageluk at raja ba kino yaga'no. A'nogo hilingiten halok enek he hat hebe seni andiba hendawinggen hambukhogo nagain.” iluk yagatukwa. A'nogo yagatukwama re, at Haman nen he wene noba aga mene andi re fano anggasikhesik, aren he e ap paku warogo fisagarek mene a'nogo weak-weak hilingisuageluk yagaisasikhe.

ESTER 5:14 ပူးပေါင်းရင်းမြစ်များ

2 SAMUEL 16:21

A'nogo yagatikhemo, at Ahitofel en he, ”Hat hebe heisena amingmingengge mene agagwi woginafikhe mene o heisena aiba serogo logouwagaluk fisaluk laga mene andoma inoba kwimbik he hinom nogo ino. A'nogo hilingisigin andiba, afuni Israel mene mondogaren he, At eisena mondok apsiri nen hilingite higi, iluk futfigik, ap hat hombo'ne wagaikha mene andi ebenagaik inailo mondok legat hilinglagik, ugun o,” iluk yagatikhe.

1RAJA-RAJA 21:25

At Ahab Allah eilhanem onggwaregen ebe weak hilingirikhi logogiluk wenagaisogo fakhaluk weak hilingiti lagaikhe andi hangge afuni nen ekhe hilingiti'lek. At Ahab mondok weak hilingiti lagaikhe andi mondogat he, agwe Izebel en endawimo kagalhu kwelek hilingiti lagaikhe andi.

1RAJA-RAJA 21:7

A'nogo yagatikhemo, at Izebel en he, ”Afuni Israel mene inoe raja re hat lek nogo? Yogondak hebe menlasimbik he, hamburu nan o. An nen at Nabot eabu anggur yabu andi hat wokhesigin andi nen he, hendawimo hagaiyekhogo fanorogo logoino,” iluk yagatikhe.

ESTER 6:4

A'nogo isukwama at raja nen he mel isikhe, ”O yogondak an nawi istana ba andoma pegawai an nagoromi mene sa werek?” iluk isikhe. At a'nogo ugu kwelek aremnogo at Haman a'nogo nen he, ”Ap Mordekhai a'nogo ebe warogo e wendeberogo fesikhe meneba teisalogo fagain,” iluk raja elurogo yagasigin iluk he o raja ebe werek oba awi silimo omanogo kwi lagaikhesik heinok wogisasikhe.

MAZMUR 37:14

It afuni inobabut weak hilingitarek mene andi nen, it ekhe yi enggin ti enggin higik, inelagaik welagik, nen it ekhe inobabut fano hilingitarek mene weagerinafik, inebe inoatik, uogeluk he, inenggarok awinggaba nen lisogo wanhik, inasikhe enggela litik, agarego.

MAZMUR 37:32

Afuni inobabut weak hilingitarek mene andi nen it afuni higithogo hilingitarek mene andi inoasuogoluk ineil woginabik nikharek.

MAZMUR 9:15

Andiba re, an nen it afuni Yerusalem mene inelokhoma nen Hat fogethafi logogin. Haren an nagap telnafi logogin oba re, an nagaiyegen foget fakhikhi logogin o.

AMSAL 1:18

Meneat he, it afuni inobabut weak enek hilingitarek mene andi re sue heleba ke'nok ikherek andi hak, inobabut a'nogo hilingitarek andibaat inebe inonggwaregen alomat lakhogoin o.

AMSAL 4:16

It ap inobabut weak mene andi re iren weak ekhe hilingiti'lek halok he, hup nogo u lek hak. Iren ap amu mene ekhe weagerinafi'lek halok he, nogo ineil agarek lek.

ROMA 1:32

A'nogo hilingitarek andi nen, at Allah nen he: ”Afuni inobabut a'nogo hilingitarek mene halok he, an nen wene inoba fembik inebe mondok inoasu higit obaat inoasigin o,” iluk isikhe mene inelu logoligat he, it inonggwaregen a'nogo hilingitoat welagaikharek andi. It a'nogo hilingiti logolik, it ekhe nen a'nogoat hilingitunem he: ”Elok hilingiti lagep,” iluk yagaisagaregat.

ROMA 3:15

Afuni inebe inoasuogeluk halok he, ineisok a'ne weak lili'lagwi.

WAHYU 11:10

A'nogo werek kwelek, afuni kweangma mene inebe mondogaren ikhi logolik he, ”It ap pire wene yaganisikhi lagaikha mene yi nen, yi enggin ti enggin hokhorogo ninoba fikhi lagaikha mene a'nogo inebe fanoat inoata,” iluk inendawimo agaiyek hokhorogo anggikhi logolik, pesta hilingitik, yi mene ti mene onggo lek it ekhe nen ekhe wogisigik, wok-wok ikhi logogun.