ESTER 4:16 - Allah Wene Fano Wene Hupla Inane

¹⁶ ”Afuni Yahudi mene o Susan oba werek mene andoma kaboget fisaluk, hit he linggene henagan andem oba re an nobaget sumburu inom, i inom ninggi'lek heang logoino. Nen an ogore an inom it helime silerik an nobaget yabu hilingiri'lagwi mene oma inom ogore ninambe heang logogun aro. A'nogo hilingisimbik enek he, wene melalek oak sagal fuluk oba nen he an nebe raja were'ma kwi lagain. Wene andi faget an wa'lasigin halok andi re, wa'lasigin he fano nek!” iluk lakfesikhe.

ESTER 4:16 ပူးပေါင်းရင်းမြစ်များ

KEJADIAN 18:19

Aren he, nagainafuri inom, aren tagongge mene inom, an nen wene it warisigi mene a'nogo fisogo logolik higithogo hilingiti logouwageluk komorinafi logouwageluk wenagaisogo menfigi anggigi. Iren a'nogo mondogat hilingisugun halok, An nen Abraham wene wareti mene andi ebe mondok wogisagain o,” iluk anggasikhe.

KEJADIAN 43:14

An nebe yi re, namlogomi hinebe longgo nek ugun halok he, ninggi'nogo hilingisu hak. Allah Omame Hokho mene a'nogo nen enek hun gubernur andi nen endawit hinabimbik at Simeon inom, Benyamin inom hit hinenggiba ambotkwe wokhisoak,” iluk yagaisasikhe.

2 SAMUEL 10:12

Hendawinggen hambuget hano! Nit he ninambong serogo nit ninunggulenu mene faget inom, o kota nineisena Allah aiba omanogo faget inom yabuogeluk welago hilingi'mo re. We At Tuhan nen enek At endawimo agaiyek anggikhe mene nek hilingisuago,” iluk yagatikhe.

2 RAJA-RAJA 7:4

Nit o kota kumo mene ogore, sumburu nele nen ninebe wa'lasugunat. Nen, yoma mondok logoumo mene ogore, ninebe wa'lasugunat. Ma re, nit ap tentara Siria mene inawi tenda wuri'mo louwogo. Lamo, iren nit ninoati'lek hera'ninobagagun halok nineluk logogun meneat he, ninoasugun halok wa'lasugun aro,” iluk isukwa.

2 TAWARIKH 20:3

A'nogo yagasi lagaikhemo re at Yosafat a'nogo endawimo ailo agaikhesik he, Tuhan nen yi'nogo hilingisin yaganesuageluk samban isikhe. Andi nen it afuni mondogat a'nogo sumburu ninggik legengge inambe heang logouwageluk yagaisasikhe.

EZRA 8:21

It a'nogo wagaikha ma re I Ahawa esanggoma aremnogo nen wene menfikhi logolik he, nit ebekhalem lagunem nineisena Allah nen, nit ninebe inom, ninagainafuri inom, fanorogo tegelogo wo'ninarek loakhogo re, niren sumburu ninggi'lek logolik, ninebe ninendawinggen sebel fakhaluk logouwogo, iluk nane meneti.

ESTER 4:15

A'nogo lakfesikhemo re at Ester en wene yi'nogo iluk hun Mordekhai oba lakfesikhe,

ESTER 4:17

A'nogo isikhemo re, at Mordekhai a'nogo lagaikhesik he, at Ester en yi'nogo ino ti'nogo ino iluk yagatikhe mene omanogo mondogat hilingisi lagaikhe.

ESTER 4:3

Nen at hilingitikhe mene andi higithogo re, wene melalek hun raja nen a'nogo menfesikhemo re, afuni Yahudi mene o propinsi abirengge omanogo nen ogo le agaukwa. Le a'nogo aga logolik he, iren sumburu inambe heang welagik, nen nenahalok hilingninabugun nogo iluk igik, hilingitu kwelek, afuni it mene fenakwe hokhorogo re inasu pelagi su lebetfesukwasik, wul oba wengik welagaukwa.

ESTER 5:1

At Ester ambe heang welagaikhesik linggene henaganek mene a'nogoba re asu raja inagagwi nen labetarek asu a'nogo laberogo re, o hun raja ebe were'ma a'nogo nen elokhoma omanogo lagaikhesik he kwe hun raja kwikherek kwe a'nogo mendek logolik welagaikhe. Nen at raja re hu'lagungge takhta a'nogoba kwe sou esanggo fikhit hurek welagaikhe.

ESTER 9:31

A'nogo lakfikhi logolik he, it afuni Yahudi mene inom it inambisangma mene inomen he linggene Purim andiba higit agu mene aremnogoba re, iren inambe heang logolik inom, nen fongma logolik inom ebetarek hakhogo ebeti logolik enek logogun, iluk hun Mordekhai inom, he ratu Ester inomen he surat a'nogo palogo wulabik lagaukwa.

YESAYA 22:12

O andi sambul he Tuhan Mondok Lego logolik Omame Mondok Hokho mene a'nogo nen he hit le yagaisogo logolik fong watik, hinesi hogologo palhik, pelagi su labetik hilingi'ni o, iluk yagahisagain.

YEREMIA 36:9

At Yoyakim raja Yehuda ba menlagaikhesik ferinarek were'ma nen enek he tahun fuabengge tugi sogo meneba werek kwelek, afuni omanogo Tuhan nen endawi hundik hilinginabuageluk he sumburu ninggi'lek welagaukwa. Afuni Yehuda mene inom, afuni o kota-kota amukwe mene wagaukwa mene omanogo inom inebe mondogat he inambe heang fesukwasik welagaukwa.

DANIEL 2:18

A'nogo yagaisikhi logolik, ”It ap ekhe inendawinggen kagalek logolik yi wene ti wene inelu mene o Babel ekhema-ekhema welagaikharek mene andi, inoati logolik, hit nagaila'lak ninomat ninoasinogo iluk, Allah pogoroba mene nen ninebe endawit ninabimbik, at raja abi hinago mene hikhe andi ebe furogo yaganisoageluk hinane hinelagaik hinane ayonggo feino o,” iluk yagaisasikhe.

MATIUS 12:40

At Yunus andi ikan alabutmo werek kwelek, o hubagik, wei igik, ugu kwelek enggi henagan welagaikhe andi hak he, an abat ta'lasi wagagi a'nogo re, kweang a'ma o hubagik, wei igik, ugu kwelek enek, nenggi henaganat logogin o.

LUKAS 9:24

Nen, sa nen, an nebe neluk logogin namolo, iluk, ebe elele helagain halok he, wa'lasimbik nong asigin o. Meneat he, an faget wa'lasigin halok he, ebe telagain o.

YOHANES 19:22

at Pilatus nen he, mel yagaisasikhe: ”An lisu palhi mene andiat palek logouwago!” iluk yagaisasikhe.

KISAH PARA RASUL 10:7

Arat yagatikhesik he, malaikat Allah nen yonggo pelakfisa wagarek mene a'nogo wulifikhesik lagasikhemo re, at Kornelius nen, amingmingengge mene aiba welagaikharek mene inebe pire inom, ap ekhe tentara mene ebe Allah ailorogo logolik Kornelius inom mondok nikhi lagaikhe mene andi inom, wolisasikhe.

KISAH PARA RASUL 20:24

A'nogo meneat he, an nebe neluk logogin andiat esin iluk andi mene esinet fikhi lagi lek, we Tuhan Yesus nen nayonggo fikhi logolik, aren he, Allah obabut fano nen hilinginaferek wene fano wene andiat yagaisilik lano o, iluk nayonggo fesikhe andiat wurep oba kobokhogo hilingisigeluk esinet fikhi lagi o.

KISAH PARA RASUL 21:13

Yagatunem, aren he, ”Hit le aga logolik, nendawinggen engginet fikhi lagep andi nenahalok? Ninoe Tuhan Yesus faget he, o Yerusalem andoma nen nenggi hele nek wasugun anggikhi lageba? Lego. Nenggi hele watik, nebe noatik, umo fano aro. A'nogo hilingnabugun elogat anggikhi lagi,” iluk yagaisasikhe.

KISAH PARA RASUL 27:33

O wei igeluk ugu kwelek, Paulus nen it mondogat sumburu noageluk mel yagaisasikhe: ”Hit hinendawimo nen he, nit ninggi'nogo hilinglasugun, iluk hinendawimo menenei ebeti logolik hinenggi 14 nen sumburu ninggi'lek weat welagep andi.

KISAH PARA RASUL 9:9

Waluk kwisukwama, enggi henagan logolik he, yi mene ti mene eilenggen higi'legat, sumburu inom, i inom, ninggi'legat mondok welagaikhe.

ROMA 16:4

It an telnabuogeluk lagunem, inoa'lep andi nen, ”Nendawilage,” iluk an nen enek hai warinafi lagi fuk. It afuni Allah againafuri endakwe mene inom, inebe mondogat ninom enat hai warinafi lago o.

YOSUA 24:15

Hiren nineisena Tuhan amunek amingmingengge logogun hinabit halok, o yogondagat, Nit ti mene amingmingengge hilinglasugun, iluk tekhogo ugun o. Hiren he, o attagat ninombalak o Mesopotamia logolik, hunogo mene faget, Nineisena ebe andiat, iluk oba himbirik logolik amingmingengge welagaukwa andi mene amingmingengge logogun ugun a? At he, hit yogondak afuni inunggulenu Amori mene inaiba logolik, iren, Nineisena ebe andiat, iluk oba himbirik logolik amingmingengge welagaikharek andi mene amingmingengge logogun ugun a. Hirenat senggerogo ini o. An enek he, nebe inom, nagainafuri inom, nineisena Tuhan amuat amingmingengge logogun o,” iluk yagaisasikhe.

1 SAMUEL 19:5

Aren he, nebe noasigin andi nailo, iluk anggigi'legat, Goliat Filistin mene a'nogo ebe watikhe andiba nen Tuhan nen nit afuni Israel mene hokhorogo ninomame asuageluk hilingninobagaikhemo ninomame ago andi. Wene a'nogo hilinglagaikhe andi hat heilhanem hilinglagaikhemo hasigindik hendawimo hagaiyek hokho mene agaikhe anggigi. A'nogo meneat he, neisena, at Daud weak ekhe hilingiti'le'maat, haren weak hilingisogo ebe wasigiluk ikhi lagen andi nenahalok,” iluk yagatikhe.