ESTER 4:11 - Allah Wene Fano Wene Hupla Inane

¹¹ ”We ap misik en ogo hemi nen ogore hun raja nen enu uluk woletu le'ma nen, raja awi elonggoma meneba elokhoma andoma kwi lagu mene re unggum inoba fuluk pinggi inoatu nogo iluk wene melalek andi hilingiti logouwageluk lenggalek were'ma, at raja wene komotarek inap oba nen he afuni we mene o propinsi oma mondogat oba re abirengge nen wene andi faget inelurek. Oba nen he we kwe misik enek wene melalek werek mene andiba nen se asu mene selek werek mene andi re, at raja nen andomuk emas mene a'nogo inoba watfugu halok nen a'nogo agu halok enek he ap andi agap telasu hago. Oba nen he tugi misik inukhogo yiba re at raja nen ogo ekhe wolniili'lago lek.” iluk lakfesikhe.

ESTER 4:11 ပူးပေါင်းရင်းမြစ်များ

ESTER 1:19

A'nogo hilingik enggere, nineisena haren ratu Wasti andi re, An nambit wesi nogo, iluk wene tekhogo inogen iluk niren yagaheto. Nen we haren tegesigin mene andi re wene ero melalek o Persia inom, Media inom oba were'ma aben ogo wokha re mondok elo'lek mene logogin. A'nogo hilingfembik he, he Wasti obali'mo re hemi ekhe amu mene at higit mene re lek oba nen mondok fano mene fogoin.

ESTER 2:14

A'nogo hilingfilik lagunem, o hubanggo re hele a'nogo ebe waluk o istana raja aiba andoma kwi laluk he ohealekwe re o sili ekheba fei lagunem hun Saasgas ouwali waganek logolik, raja amimingengge meneba nen agweabet erikhi lagaikhe mene omanogo halinafi logouwageluk werek mene a'nogo oba fei laga lagaukwa. A'nogo fisa lagunem were'ma re hele silerik a'nogo at raja endawimo nen anggaluk enu uluk woletu halok he, ekhe inom kwikhi lagaikheba nen he enu ugu lek halok he kwikhi lagaikhe lek.

ESTER 4:10

Oba nen he, he Ester en nekhengge at yonggo lakfei waga logolik he wene yi'nogo ino iluk isikhe,

ESTER 4:12

A'nogo lakfesikhemo re, at Hatah nen he wene Ester en isikhe mene a'nogo Mordekhai yagasi lagaikhe.

ESTER 6:4

A'nogo isukwama at raja nen he mel isikhe, ”O yogondak an nawi istana ba andoma pegawai an nagoromi mene sa werek?” iluk isikhe. At a'nogo ugu kwelek aremnogo at Haman a'nogo nen he, ”Ap Mordekhai a'nogo ebe warogo e wendeberogo fesikhe meneba teisalogo fagain,” iluk raja elurogo yagasigin iluk he o raja ebe werek oba awi silimo omanogo kwi lagaikhesik heinok wogisasikhe.

ESTER 8:4

A'nogo yagatikhemo re raja nen tomuk emas mene a'nogo he Ester oba tibet fesikhemo, he Ester a'nogo menlagaikhesik at oba yagati logolik he mel isikhe,

1 PETRUS 3:7

Nen, hit ap ogo re, Allah obabut fano nen hinagagwi hinom higithogoat hineluk mondok logouwageluk eisewerek hinobagaikhemo welagep andi nen, hit samban ugunem Allah nen hinane esanggo holhi'lek kamo inogo iluk, hinagagwi hinom fano logolik, hinendawimo nen he, ”Hemi inomame lek,” iluk futfuluk, hinane agaukhogo yagaisigik, hinendawirinafik, ikhi logoino o.”