ESTER 4:1 - Allah Wene Fano Wene Hupla Inane

¹ A'nogo hilingitukwa mene a'nogo at Mordekhai nen holhikhesik he, aren fong warogo iluk he asu tiliphogo herak fisasikhesik su pelagi asu liagaisogo re, wul unggulmo yugul fesikhesik he at ebe o kota bene omanogo laga logolik ane hokhoba le arik laga lagaikhe.

ESTER 4:1 ပူးပေါင်းရင်းမြစ်များ

KEJADIAN 27:34

A'nogo yagatikhemo, Esau esanggo holhikhesik endawimo weak agaikhesik he, le ane hokhorogo aga logolik mel yagatikhe: ”Neisena, Allah nen fanotnabuageluk an ekhe yaganom o,” iluk yagatikhe.

KEJADIAN 37:34

A'nogo isikhesik, endawi nen asu libi'labak hogo lakfisasikhesik, asu weak mene laberogo pelagwi fesikhesik welagaikhe. A'nogo labetikhesik, hundik-handik amlogo faget le agu mondok welagaikhe.

2 SAMUEL 1:11

A'nogo yagatikhemo, esanggo holhikhesik, endawimo weak agaikhemo re, asu tiliphogo lakfisasikhe. A'nogo hilingitikhemo, agoromi tentara mene mondogat a'nogoat hilingitukwa.

2 SAMUEL 13:19

At hele Tamar a'nogo re asu jubah a'nogo tilip-talaphogo lakfisasikhesik he wul unggul oba yugul fesikhesik, enggi pire nen elokhe salogo le mondok weakhogo le arik lagaikhe.

ESTER 4:2

A'nogo lagaikhesik he at ebe hun raja awi wuri'mo kwi laguba solombonma omanogo asi lagaikhesik he, it ap su pelagi su laberek mene re andoma kwi lagaikharek le'ma re at ebe solombonma omanogo kamo i lagaikhe.

ESTER 4:3

Nen at hilingitikhe mene andi higithogo re, wene melalek hun raja nen a'nogo menfesikhemo re, afuni Yahudi mene o propinsi abirengge omanogo nen ogo le agaukwa. Le a'nogo aga logolik he, iren sumburu inambe heang welagik, nen nenahalok hilingninabugun nogo iluk igik, hilingitu kwelek, afuni it mene fenakwe hokhorogo re inasu pelagi su lebetfesukwasik, wul oba wengik welagaukwa.

AYUB 1:20

A'nogo yagatukwama, ”At Ayub endawimo weak agasik hilingite,” iluk inendawi wenggelasuagaluk, asu laberek mene tilibisigik, esi palisigik, isikhesik he, Allah fogerasigeluk kweangma eindep awi yakfilik, mel isikhe:

AYUB 2:8

A'nogo fesikhemo re, at Ayub ebe yi mene ti mene hugisa lagaikharek oba wea'ma omanogo hurek logolik, piring serelek meneba ebene kibilhi logolik welagaikhe.

AYUB 42:6

Andi nen he, an nane igi mene mondogat nendawimo ebethaluk he, nenggali ari'lago. An nendawimo nen he, Nane weak igimo, iluk anggigirik he, nebe kweang alolongengge oba inom, wul oba inom hurek welagi o, neisena,” iluk yagatikhe.

YESAYA 15:4

Afuni Hesybon mene inom Eleale mene inom he ngai-waiengge hilingitunem it inane re o Yahas andoma nen holhi logogun. It inane nen he ap sikhe anini meneba nen ogore inailo nek agunem, inoak leigeti logogun.

YESAYA 22:4

An nobaget he ebesu fugo, an he ap an nunggulenu mene wa'lagaikha andoma faget le aga logoigen he heraknobagani o, hiren an nendawimo nagaiyek asuageluk konabu fuk.

YESAYA 37:1

Ap henagan aremnogo nen raja Hizkia elurogo iluk yagasi kwisukwa mene omanogo esanggo holhikhesik he, aren asu tiliphogo lakfisasikhesik fong warogo iluk enegenggerogo re su karung mene laberogo o Tuhan Awi wuri'mo omanogo lagaikhe.

YESAYA 37:2

Lagaikhesik he aren hun Elyakim raja aiba faget kepala welagaikhe mene a'nogo inom, Sabna negara faget lisu palherek mene a'nogo inom, it imam ineabu legoma werek mene inom he nabi Yesaya hun Amos amlogo a'nogo ambit loageluk lakfisasikhemo re irogo su karung mene labetukwasik lagaukwa.

YESAYA 58:5

Hiren hinambe heang logoligat he, hinonggwarek lalikhi lagebo, hit he engga hakhogo hinunggul wamborogo welagep. Hiren he su karung mene talogo fuluk, wul pelagaisogo re amboloba wengik logolik welagep. A'nogo hilingitu mene andem faget heang welago iluk ikhi lageba? Ariginhi lagep mene andem faget An nen nagaiyek asigin anggikhi lageba?

YEHEZKIEL 21:11

Karok andi ap watu mene hundik wanhi logouwageluk enggat magaisogo fik-foukhogo foumo logogin.

YEHEZKIEL 21:6

Afuni wa'lagaikharek mene yi re, it afuni Israel mene inebe mondogat ineilhanem, hendawimo weak agik, hendawinggen warigik, ikhi logolik hakhogo, neneik yabatik, helagaik haneba ugu welagik, ikhi logoin o.

DANIEL 9:3

A'nogo ebetirik, neisena Tuhan Allah nen endawit nabuagaluk su karung mene laberogo, sumburu ninggi'lek heang nebe wul oba hurek logolik, samban nane nelagaik nane Allah ayonggo figi.

MIKHA 1:8

A'nogo hilinglasigin ikhe andi nen he, an Mikha nendawimo mondok weak agarik le aga lagi o. Afuni Samaria mene inom, Yehuda mene inom inoumo mondok weak mene inoba agasik, afuni kota kuogeluk pa'leget ambe palekwe nen kwagarek andi hak, weak mene andi afuni an werekwe mene o Yerusalem welagaikharek mene inoba asigiluk wagasik werek andi, An hobuk nendawimo weak aga andi enegat asuageluk su laberek legat nen neisok sepatu kwelabek legat, kwe nikhi logolik, mene ane kouwaterek andi hak inom, sue hugubi ane ikherek andi hak inom ilik nikhi logogin o, iluk igi.

ZEFANYA 1:14

Tuhan nen ayo wurogo unggum inoba fagain sambul a'nogore mondogat horogasi waga, eberogo nenat mondok horogasi waganggere weak-weagat wesigin. Linggene andi sambul he inendawimo alepale agarek mene andi mondogat hogoin enek, nen a'nogo hikhi logolik he it sikhe fisogo inap inobabut hibilik-hebelek inap oba nen ogore inendawimo mondogat weak asumo le hokhorogo asugun aro!

MATIUS 11:21

”Hit afuni o Korazim mene inom, o Betsaida mene inom, eige! Nendawilage. Afuni nen hilingisu lek mene an nen elalinat hit ninom logolik hilingiti lagi a'nogo, o Tirus Sidon andoma hilingiti logoilema re, it afuni o andoma mene heang fuluk hilingitarek hak, inasu weak mene laberigik, wul fesi inunggul oba yuguligik, ikhi logolik he, weak hilingiti lagaukwa mene andi hebisaluk inobabut fageat hebela'lep meneat he, hit he, a'nogo hilingisu hinabit andi nen weaget hinabigin o!

KISAH PARA RASUL 14:14

Warisuogeluk ugunem, it Paulus Barnabas emberek Yesus nen inayonggo fuluk lakfisasikhe mene omanogo inesanggo holhukwasik he, kamo uageluk, inonggwaregen inasu endakwe mene tilip-talaphogo lakfisaluk he, afuni hokhorogo andogorek were'ma inoba fungusek lagaukwa. Lagaukwasik he, inane hokhorogoat yagaisikhi logolik,

YOSUA 7:6

Yosua inom it afuni a'nogo melalinafu mene inogogwi omanogo inom inendawimo mondok weak agaukwasik he, inasu mondok tilip-talap isasukwasik, fong warogo pelagi logolik wul yalelogo inunggul oba fesukwasik, lingge hundik hup hundik he Tuhan nen Peti Wene Warek a'nogo era'lu inelokhe sagaum logolik inendawi warikhi lagaukwa.