ESTER 3:7 - Allah Wene Fano Wene Hupla Inane

⁷ At Ahasyweros a'nogo raja were'ma nen enek he tahun nesanggo meneba asi lagaikhemo werek kwelek he, tugi iren wenati lagaukwa mene enu Nisan andiba re, Haman nen he, linggene inom tugi inom higitsek mene re ki sambul at endawinggenma anggikhe aple andi hilingisuageluk he inelu asuageluk, enegengge waleti lagaukwa mene enu, ”Purim” andi hilingisuageluk yagaisasikhe. A'nogo isikhemo re tanggal 13 tugi nesanggo meneba, tugi iren wenati lagaukwa mene re enu Adar andiba hilingisugun iluk isukwa.

ESTER 3:7 ပူးပေါင်းရင်းမြစ်များ

EZRA 4:6

At Ahasyweros raja menlagaikhesik ket melalinafi lagaikhe andem oba re it afuni Yerusalem mene inom, Yehuda mene inom, inaselei mene omanogo nen he surat ekhe wene warek mene a'nogo oak lolugun iluk lisu palhukwa.

EZRA 6:15

O Tuhan Awi a'nogo mondogat wutukwa andi re, at Darius raja menlagaikhesik ferinarek logolik tahun 6 meneba were'ma, tugi it afuni Israel mene nen inenggi wenati logolik enu Adar ikhi lagaukwa mene andi, tanggal 3 ba re elugun warogo wutukwa.

NEHEMIA 2:1

Allah ayonggo a'nogo fikhi lagagisik, tugi nit wenatorek higithogo 4 oba welagagisigen, tugi ekhe enu Nisan agarek andiba, nenggi ekhe sambul at raja Artahsasta amburu nuggu were'ma, an noba sinurogo logolik, at agai anggur amusu mene hinagaisogo wogotigi. An at elokhoma a'nogo hilingiti lagagi lek mene, andi sambul enek he, a'nogo hilingiti andi.

ESTER 1:3

A'nogo hilingi'mo re at raja Ahasyweros a'nogo melalinafu werek kwelek enek he tahun henaganek meneba were'ma re, aren it agoromi pegawai inom, it ogogwi kaindek-kaindek inom, omanogo inayonggo fesikhesik inobaget seni hokho mene isatikhe. A'nogo isatikhemo re it ap o Persia mene inom, Media mene inom oba andoma tentara inogogwi panglima inom, gubernur inom, o propinsi lombok omanogo nen ap yabu legoma hilingitarek inap inom, ogo kabogesi wagaukwaat.

ESTER 2:16

A'nogo labetikhesik he at hun Ahasyweros raja menlagaikhesik oba nen he tahun sabit mene were'ma tugi nomolo mene enu Tebet andi werek kwelek, at Ester ebe hondo'luk raja were'ma kwisikhe.

ESTER 9:1

A'nogo hilingiti lagaukwasik hiling-hiling he tugi it inane bare Adar ikhi lagaukwa mene a'nogoba, tanggal 13, linggene at raja nen it afuni Yahudi mene inoasugun oba iluk wenagaisogo fesikhe lingge a'nogo higit asi lagaikhe. Nen it afuni Yahudi mene sebelinarek logolik inaseleirogo welagaukwa mene omanogo nen he linggene andi weak-weak asi lanik agwi iluk nenangotu welagaukwa. Oba nen he linggene a'nogoba re it ap Yahudi mene nen it inaselei inomame leget fisasukwa.

ESTER 9:21

Lisu palek andi ebe re yi'nogo palek welagaikhe, ”Tahun hundik-hundik andomaba tugi Adar andi tanggal 14 oba inom 15 oba inom asi lagunem he ebetu mondok logogun,” iluk palek welagaikhe.

ESTER 9:5

A'nogo hilingiti logolik he, afuni Yahudi mene nen it inaselei mene omanogo inoba, iren hilingisugun anggugu mene omanogo nek hilingiti lagaukwa. Nen iren he ap inaselei mene omanogo were'ma kwi laluk he inebe karok oba pinggi inoati lagaukwa.

AMSAL 16:33

Furogo inelu asuageluk he afuni nen helebenggen oba walhugunem inelu agarek, oba nen he onggo furogo yagaisagarek mene re we Tuhan amu nenat yagaisikherek.

MATIUS 27:35

A'nogo hilingitukwasik he, at ebe eba menfuluk asu nonggolek omanogo, ”Sani asugun,” iluk, oagengge lakfigik, wakfigik, isukwasik he, oagengge inoba agaikhe mene halok sumburogo helasukwa.