ESTER 3:15 - Allah Wene Fano Wene Hupla Inane

¹⁵ A'nogo isukwama re it ap yonggo lakfisagarek mene omanogo nen he lisu palek a'nogo waluk weak-weak o kerajaan andiba nen propinsi omanogo mondogat ebene waluk lagaukwa. Nen at raja nen amingmingengge oba re wene melalek a'nogo re o Susan it afuni Persia mene inawi eroma andoma inom fagetukwa. A'nogo hilingitukwasik he at raja inom Haman inom he, hu'lagaukwasik i anggur amusu ninggi logolik hurek welagaukwa, oba nen he o Susan oba andoma nek he wene a'nogo faget youk kwelakfesukwasik hilingiti lagaukwa.

ESTER 3:15 ပူးပေါင်းရင်းမြစ်များ

KEJADIAN 37:25

A'nogo pelakfisa lagaukwasik, sumburu nunggu were'ma afuni Ismael mene logalek o Gilead en yi mene ti mene amben fano mene kami hangge inom, larengga hangge inom, mondogat unta oba liakfesukwasik, o Mesir louwogeluk wagunem ineilenggen isasukwa.

1RAJA-RAJA 14:27

A'nogo telasukwama re obali'mo iluk raja Rehabeam en weim ma'mungge perunggu meneba wutikhesik, it ap sikhe fisogo mene inogogwi perwira at raja awi silimo kwi lagaikharek oba ebekhalem kagalek welagaikharek mene omanogo nen halhi logouwageluk inoba lombot fesikhe.

ESTER 1:10

A'nogo isatikhesik linggene sabirenggeba re, at raja a'nogo i nasikhesik he agaiyek mondok agaikhe. Andiba re aren it ap inouwali waganek logolik at onggwarek faget yabu hilingitu mene inebe sabiren aremnogo wolinafikhe. It andem inenu re: Hun Mehuman inom, Bizta inom, Harbona inom, Bigta inom, Abagta inom, Zetar inom, Karkas inom, andem.

ESTER 4:16

”Afuni Yahudi mene o Susan oba werek mene andoma kaboget fisaluk, hit he linggene henagan andem oba re an nobaget sumburu inom, i inom ninggi'lek heang logoino. Nen an ogore an inom it helime silerik an nobaget yabu hilingiri'lagwi mene oma inom ogore ninambe heang logogun aro. A'nogo hilingisimbik enek he, wene melalek oak sagal fuluk oba nen he an nebe raja were'ma kwi lagain. Wene andi faget an wa'lasigin halok andi re, wa'lasigin he fano nek!” iluk lakfesikhe.

ESTER 8:15

A'nogo hilingitukwasik he, at Mordekhai a'nogo raja ebe were'ma omanogo herakfuluk he su ap raja nen laberek mene eil heiselek weak mene inom, kut mene inom, oba selebensek engge a'nogo inom, su jubah yo lenan eil sakhorek meneba ugungge a'nogo inom, mahkota emas meneba hilingigengge eil ebe mene a'nogo inom pukhogo wulibi wagaikhe. A'nogo wulibi wagunem he afuni o kota Susan oba welagaukwa mene omanogo mondogaren inagaiyegeti logolik he inamit-mit suphogo inanggiluk eti lagaukwa.

MAZMUR 37:7

Hit hinendawinggen hambuget haluk logolik hineisena Tuhan serogo logoino, Aren hilingisigin mene oan werek kwelek hinafe morogo serogo logoino. Afuni nen hilingitunem ambisangma fano asigin mene faget hinendawinggen abolok u fuk.

AMSAL 1:16

It he weak hilingiti'legengge yamukhogo logou re inabit. Iren anggagarek he weak-weak ferekhogo nek inoa'lo anggagarek.

AMSAL 29:2

Ap higithogo hilingiterek mene nen ferinarek were'ma re afuni inagaiyek welagaikharek, oba nen ap weak hilingiterek mene nen ferinarek were'ma, eige nabire iluk inane sagalharek.

AMSAL 31:4

Lemuel namlogo e, eberek logoino! Ap inenu Pogot logolik he anggur agai inom, lugu lugwirinaferek mene inom, andoma namo re elo'lego.

AMSAL 4:16

It ap inobabut weak mene andi re iren weak ekhe hilingiti'lek halok he, hup nogo u lek hak. Iren ap amu mene ekhe weagerinafi'lek halok he, nogo ineil agarek lek.

HOSEA 7:5

Linggene raja nen pesta hilingitu sambul he, afuni omanogo nen raja inom agoromi at a'ma yabu hilingiri'lagwi mene inom i anggur agai lugulugwit inabuageluk wogisaluk mondok kemburogo hilingiri'lagwi. A'nogo hilingitunem ambisangma re raja a'nogo it ap weagerinafarek mene omanogo inom inagaiyek-pinagaiyekhogo hilingitarek.

AMOS 6:6

Hit he, hinagai anggur enggen amusu mangkok oba ambem hetokhogo hinagaisogo ninggik, hinebene amusu amben fano mene warigik, hilingiti logoligat he, hit Israel mene hinebe weaget hinabigin mene andi faget hinendawimo weak agi'lek welagep andi ri!

YOHANES 16:20

Hobuk hit hinendawimo nen he li le aga logogun meneat he, it afuni kweangma mene inendawimo inagaiyek asigin o. A'nogo meneat he, hit hinendawimo weak logogun mene andi, hobuk fano agunem hinendawimo hinagaiyek hokhorogo asigin o, iluk eberogoat yagahisigi.

WAHYU 11:10

A'nogo werek kwelek, afuni kweangma mene inebe mondogaren ikhi logolik he, ”It ap pire wene yaganisikhi lagaikha mene yi nen, yi enggin ti enggin hokhorogo ninoba fikhi lagaikha mene a'nogo inebe fanoat inoata,” iluk inendawimo agaiyek hokhorogo anggikhi logolik, pesta hilingitik, yi mene ti mene onggo lek it ekhe nen ekhe wogisigik, wok-wok ikhi logogun.