ESTER 2:5 - Allah Wene Fano Wene Hupla Inane

⁵ O kota Susan oba andoma re, ap Yahudi mene misik ekhe enu Mordekhai hun Yair amlogo andi welagaikhe. At andi re unggulenu Benyamin mene, hun Kis inom, Simei inom inambisang mangge mene welagaikhe.

ESTER 2:5 ပူးပေါင်းရင်းမြစ်များ

2 SAMUEL 16:5

A'nogo iluk, at Daud o Bahurim lagaikhe hak he, ap enu Gera, aiba o andoma mene, at Saul eisok erokwe mene, amlogo enu Simei andi, afuni raja Daud inom lagaukwa mene omanogo inoba horokhogo waga logolik Daud homan filik wagaikhe.

2 RAJA-RAJA 24:12

Wagaikhemo, ap Yoyakin ebe inom, agaisa inom, againafuri inom, agoromi tentara inogogwi kaindek inom, agoromi at aiba lebethikhi lagaukwa mene inom, mondogat at Nebukadnezar oba wulibi wagaukwasik he, nit elo'lego. Hat henggiba logogun, iluk yagatukwama, at Yoyakin ebe enggi hele watikhe. A'nogo hilingitikhe andem sambul he, at Nebukadnezar afuni Babel mene inoe raja 8 tahun ferinarek were'ma hilinglagaikhe andi.

ESTER 10:3

Hun Mordekhai unggulenu Yahudi mene a'nogo re raja Ahasyweros onggwarek a'ma logolik yabu lego mene andi hilingiti lagaikhe. A'nogo hilingitunem he afuni at unggulenu mene nen he at oba inagaiyek logolik he agaugetfuluk legeisogo fikhi lagaukwa. Nen at Mordekhai nen he afuni at unggulenu mene a'nogo inebe inom, it inambisangma nen tagomangge mene inom, inagap telek logolik inebe fani-fanorogo logouwageluk hilinginafi lagaikhe.

ESTER 2:3

Enggere nineisena haren he ap pegawai menfisaluk he, o hat awi kerajaan ariba nen Propinsi oma mondogat ebene helime inebe ineil alili mondok fano mene heraginabimbik he, inebe woginarek o Susan Istana hemi halinafarek oba oma wesugun. Nen a'nogo wesumo re, at Hegai ouwali waganek logolik o istana hemi halinafarek awiba andoma it hemi inobaget kepala logouwageluk eabu enogo werek agun andi nen he, it inebe ineil alili mondok fano mene asuageluk halinafu logogin.

ESTER 2:4

A'nogo hilingfisugunem he nineisena haren hele silerik hat hendawimo nagain mene wenakhambik he at ebere he Wasti obali'mo hagweap eranogo.” iluk yagatukwa. A'nogo yagatukwama re at raja nen he it wene komo wene yagati lagaukwa inap omanogo nen isukwa mene a'nogo fano anggasikhesik he, wene isukwa mene omanogo higithogo nek hilingitikhe.

ESTER 5:1

At Ester ambe heang welagaikhesik linggene henaganek mene a'nogoba re asu raja inagagwi nen labetarek asu a'nogo laberogo re, o hun raja ebe were'ma a'nogo nen elokhoma omanogo lagaikhesik he kwe hun raja kwikherek kwe a'nogo mendek logolik welagaikhe. Nen at raja re hu'lagungge takhta a'nogoba kwe sou esanggo fikhit hurek welagaikhe.

1 SAMUEL 9:1

Ap ekhe inunggulenu Benyamin mene, ebe kain angge yi mene ti mene hokhorogo logolik along-palonghogo welagaikhe mene enu re, Kish. Kish andi eisena re, Abiel. Nen, Abiel eisena re Zeror, Zeror eisena re Bekhorat, Bekhorat eisena re Afiah.