ESTER 2:18 - Allah Wene Fano Wene Hupla Inane

¹⁸ A'nogo hilingitikhesik he hele Ester a'nogo along anggaluk legeisogo fikhi logolik he at raja nen seni hokho mene isatikhesik ap pegawai inom, it kaindek inom inayonggo fesikhe. Nen aren he o at a'ma werek kwe omanogo nen yabu inenggi set walogo logobagaik iluk yagaisigik, onggo hinagaiyekhogo iluk yi mene ti mene hokhorogo sumburisigik isikhe.

ESTER 2:18 ပူးပေါင်းရင်းမြစ်များ

KEJADIAN 29:22

Yagatikhemo re, at Laban nen a'logo Yakub igeti logolik pesta hilingisigiluk, afuni o kota andoma mene mondogat inayonggo fesikhe.

NEHEMIA 8:11

A'nogo yagaisikhi logolik, ap Lewi mene omanogo nen he, ”O ninenggi yogondak nineisena TUHAN onggwarek awi yiba re, hit hinendawimo a'nogo weak asugun mondok lego,” iluk inane agap sagalhigik yagaisasukwaat.

ESTER 1:7

A'nogo hilingitukwasik at raja nen he anggur agaiwak emas mene eil amu-amu meneba hinakhigik hokho-pokhorogo fougetukwa.

ESTER 9:22

Andi re linggene andi sambul enek iren afuni inaselei mene omanogo mabenet fisasukwama it inendawi heiselogo ou hugu welagaukwa. A'nogo welagaukwa mene a'nogo obali'mo re inagaiyek hasukwa mene andi faget hilingiti logogun isukwa. Andiba linggene andem oba re iren seni isatik, i sumburu nouwogeluk misi'mo kabogetik, nunggungge sumbut-sumbut agik, afuni inenggi lek meneba inangge wogisigik, hilingiti logouwogeluk isukwa andi.

KIDUNG AGUNG 3:11

O Sion helime yi sani, hinebe wulibi wesimbik he, hun raja Salomo agaisa nen at ebe agwe igeti logolik, mahkota puget fugunem agaiyek mondok hilingiri'lagongge andi hineilenggen hani o.

KIDUNG AGUNG 5:1

Nagot ninom lombolek mene yi, an he neabumo omanogo waga lagi, wagiresik he mur inom, amben-ambenengge fano mene inom kaboget fuluk, an nen kin amusu inom awingga sap palek mene andi inom ninggik, susu inom anggur agai inom ninggik ikhi lagi. Sumburu ninggik, i ninggik, ikhi logoni nerugwi, a'nogo nunggu werek kwelek enek he hinoba aik age lagambik ap lugu-lugwi palharek hak hilingisugun.

MATIUS 22:2

”Allah nen awe a'ma fisikhere'ma andoma emberek higit he, ap kain enupogot ekhe amlogo agwe igeti logolik pesta seni isatukwa hagaro.

MARKUS 6:21

A'nogo ebetu were'ma re, at Herodes ebe ta'lagaikheba higit asi wagaikhemo re, pesta hokho isago nouwogeluk, agoromi pemerintah mene kaindek inom, ap tentara inogogwi inom, ap inenuwerek o Galilea tonggwe mene inom, inom isago nouwogeluk inayonggo fesikhemo andogotukwa andi sambul, at he Herodias endawimo nen he, ”An nen Yohanes ane yue yelogo fuluk wasuak anggikhi lagi a'nogo fanoasuak yiba wasuak,” iluk anggasikhe.

LUKAS 14:8

”Ap ekhe agwe igeti logolik, seni isago nouwogeluk, hat ekhe hayonggo fikhe halok he, hat hebe yenggerek hangge meneat he, ap ekhe kain mene hemberegat hinayonggo fagain andi nen, ap kaindek mene hu'lagaikharek oba hu'lasi lagun o. A'nogo hu'lasi lambik were'ma, ap kain mene hemberek hinayonggo fagain mene a'nogo wagu halok he, at ap hinayonggo fagain mene a'nogo nen yagaheti logolik, Nagot yi. Ap yi hat hobali'mo hu'lasuagen he, hat hebe, iluk yagahete halok he, hat henggali asimbik ap we mene hu'lagaikharek oba hu'lasi lagen hanogo nen he, ap kaindek mene hu'lagaikharek oba andi pikhit hu'lasi lagun o.

WAHYU 11:10

A'nogo werek kwelek, afuni kweangma mene inebe mondogaren ikhi logolik he, ”It ap pire wene yaganisikhi lagaikha mene yi nen, yi enggin ti enggin hokhorogo ninoba fikhi lagaikha mene a'nogo inebe fanoat inoata,” iluk inendawimo agaiyek hokhorogo anggikhi logolik, pesta hilingitik, yi mene ti mene onggo lek it ekhe nen ekhe wogisigik, wok-wok ikhi logogun.

WAHYU 19:9

A'nogo ugunem holhiri'mo nen, at malaikat a'nogo nen yi'nogo yaganete: ”It afuni Domba Eak agwe hak ikhikhi logolik, seni isago na wesuageluk inayonggo faga mene halok inendawimo inagaiyek asuago, iluk lisu palino o,” iluk yaganetesik, hobuk yaganeti logolik: ”Wene yi re, eberogoat Allah nen ikhe mene o,” iluk yaganete.

1 SAMUEL 25:8

It inebeba heinok wogisano, iren ogo eberogo ugun logou hak. Arigini'mo re nit he linggene esin mene yiba waga lagoma re, an nagoromi andi re haren fanorogo woginabigin anggikhi lagi. Enggere nit hamingmingengge yi ninoba inom an Daud hagailak fano welago mene a'nogo noba inom, hat hendawi fano nen yi mene ti mene werek mene andoma ekhe wo'nisano o ikhe iluk, yaga'no,” iluk yagaisasikhe.