ESTER 2:14 - Allah Wene Fano Wene Hupla Inane

¹⁴ A'nogo hilingfilik lagunem, o hubanggo re hele a'nogo ebe waluk o istana raja aiba andoma kwi laluk he ohealekwe re o sili ekheba fei lagunem hun Saasgas ouwali waganek logolik, raja amimingengge meneba nen agweabet erikhi lagaikhe mene omanogo halinafi logouwageluk werek mene a'nogo oba fei laga lagaukwa. A'nogo fisa lagunem were'ma re hele silerik a'nogo at raja endawimo nen anggaluk enu uluk woletu halok he, ekhe inom kwikhi lagaikheba nen he enu ugu lek halok he kwikhi lagaikhe lek.

ESTER 2:14 ပူးပေါင်းရင်းမြစ်များ

KEJADIAN 34:19

At Sikhem ogogwi agoromi eisok erokwe hokhorogo were'ma nogo nen he, at hele Dina a'nogo faget endawinggen ninggi logolik a'luk he, ”Yi'nogo hilingisugun iluk yaganisaga mene andire weak-weak hilingisugun,” anggasikhe.

ESTER 2:13

Nen it helime omanogo misik ekhe nen raja were'ma kuogeluk halok he, iren inendawimo anggugu mene higithogo inebene fanorogo pugunet fuluk kwi laga lagaukwa.

ESTER 2:15

A'nogo hilingiti lagaukwa andiba re, at Ester hun raja were'ma kwigin mene higit agaikhe. At Ester andi re hun Abihail a'logo at Mordekai eisena andi nen tagomangge mene hilingi'mo re erei oba nen he aren onggwarek omalik hakhogo aik etikhe. Hele Ester andi ebere afuni nen kwelakhikhi logolik he fogerati lagaukwa. Andi nen at Ester ebe raja were'ma kwi lageluk ugunem he, asu re hun Hegai ouwali waganek agun o istana ba andoma hemi kepala logolik halinafi lagaikhe hakhogo yi'nogo labisin iluk yagatikhe mene higithogo nek labetikhe.

ESTER 4:11

”We ap misik en ogo hemi nen ogore hun raja nen enu uluk woletu le'ma nen, raja awi elonggoma meneba elokhoma andoma kwi lagu mene re unggum inoba fuluk pinggi inoatu nogo iluk wene melalek andi hilingiti logouwageluk lenggalek were'ma, at raja wene komotarek inap oba nen he afuni we mene o propinsi oma mondogat oba re abirengge nen wene andi faget inelurek. Oba nen he we kwe misik enek wene melalek werek mene andiba nen se asu mene selek werek mene andi re, at raja nen andomuk emas mene a'nogo inoba watfugu halok nen a'nogo agu halok enek he ap andi agap telasu hago. Oba nen he tugi misik inukhogo yiba re at raja nen ogo ekhe wolniili'lago lek.” iluk lakfesikhe.

YESAYA 43:1

Israel, Tuhan nen he yi'nogo ikhe: An nenat hat hebe pugunhogo elalogo hobagasigimo re, telhabigin andi nen he, hailo agi'lek hendawinggen hambukhogo logoino. Hat henu pakhogo wolhiigirik hayonggo fesigimo re, hebe re An nonggwarek mene welagen o.

YESAYA 45:4

Hat he An nebe honggot welagen oba nen, An nen hat henu hurogo wolhafigi o. Hunggulenu mene logouwageluk hilingisogo hobagasigi. An namingmingengge Yakub, nagainafuri Israel mene andi re An nonggwarek wenakhasigi mene hilingi'mo re, haren leberinabinogen iluk heabu yi wokheti o.

ULANGAN 21:14

A'nogo helaluk hinom were'ma nen hobuk at ebe abit agu halok he at ebe selekhogo loageluk yaga'no. Nen at ebere hat homameba hinom sebetepma re hit hinamingmingengge hakhogo hilingfigik, onggo paligik hilingisu fuk.” Iluk yagaisasikhe.