ESTER 2:11 - Allah Wene Fano Wene Hupla Inane

¹¹ At Mordekhai a'nogo lingge hundik-hundik he o hemi inawi silikwe elokhe kwe omanogo yamen-tamen laluk he hele Ester a'nogo ebe ninggi'nogo werek iluk inom, nen at oba ekhe ninggin lasigin iluk inom, kogoli laga lagaikhe.

ESTER 2:11 ပူးပေါင်းရင်းမြစ်များ

KEJADIAN 37:14

Yagatikhemo, at eisena nen he, ”Hat hogogwi kambing, domba yonggo palek konhunem, yogondak ninggi'nogo werek iluk heilenggen isa lambik he, sengggerogo yaganesi we'nogen he, lan o,” iluk yagatikhemo, Yusuf o Hebron herakfuluk he, o Sikhem lageluk weak-weak lagaikhe.

ESTER 2:10

A'nogo were'ma re, at Mordekhai nen hele Ester a'nogo komoti logolik he, ”An nebere Yahudi mene iluk he u fuk,” iluk isikhemo re aren afuni yagaisikhi lagaikhe lek.

ESTER 2:12

Nen wene melalek welagaikhe meneba re it helime inebene fano pugunetlasuageluk he tahun misik hunukhogo logolik pugunetu welagaukwa. Andi re tugi falfaligen oba re amusu no kemenyan inom hamhamik hilingik enggeba pugunet fisikhi lagaukwa, nen tugi falfaligen ekheba re amusu hamhamikhogo amben engge amu-amu mene inom oba pugunet fisikhi lagaukwa. A'nogo hilingfisugunem he it helime omanogo re ekhe tak ekhe hobuk kwi loageluk wenago welagaikhe higithogo re hun raja Ahasyweros were'ma kwi laga lagaukwa.

KISAH PARA RASUL 15:36

O andoma inenggi ekhe inom welagaukwasigen he, Paulus nen Barnabas yagati logolik he, ”O yi awi ti awi Wene Fano ane yagaisilik lagoba omanogo hobuk louwok. Laga logolik he, Allah againafuri ninerugwi ninagaila'lak omanogo ninggi'nogo werek iluk, o sili lombok nineilenggen isilik louwok,” iluk yagatikhe.

1 SAMUEL 17:18

Laga logolik, ap tentara esa logalharek mene inoe komandan faget, nunggu mene enu keju 10 nenat yi inom waluk lan o. Lambik he, hogogwi inoba, Hinebe ninggi'nogo welagep? iluk heinok wogisano o. Wogisambik, an nen he, Ogogwi inoba eberogoat lagasik inebe fano were'ma eilenggen arat isaluk wagama higi, iluk anggayogen he, nendawi wenggelogo ekhe waluk we'no o.