ESTER 1:11 - Allah Wene Fano Wene Hupla Inane

¹¹ A'nogo wolinafikhemo wagaukwama re, aren he at agwe ratu Wasti andi re mondok eil alili pugunsek mene hilingi'mo re, at he andi ebe hilingik aple a'nogo it ap pok mene inom, yi kain ti kain wagaukwa mene omanogo inom inugisageluk he, it yagaisikhi logolik he, ”He Wasti andi unggulmo mahkota ap raja nen pugetarek mene andi puget fuluk an nelokhoma waluk fei we'ni o,” iluk yagaisasikhe.

ESTER 1:11 ပူးပေါင်းရင်းမြစ်များ

2 SAMUEL 14:25

At Absalom ebere ap mondok fano elokhe pugunsek amlogo iluk it Israel inap were'ma andoma inebe mondogaren foget fikhi lagaukwa. At eisok agut oba nen pikhit esiba mondogat he fano mondok welagaikhe. Nen at ebe pugunsek aple andi sebelek hak kwelek ap ekhe aren ambolkwe pugunsek mene ekhe welagaukwa mondok lek.

ESTER 1:12

A'nogo yagaisasikhemo nen he, it ap inouwali waganek inap aremnogo nen wene at raja nen miminginafikhe mene a'nogo raja agwe ratu Wasti a'nogoba yagatukwama nen he, he a'nogo nen nabit isikhemo re, raja a'nogo a'mage hokho mene lagasikhe.

ESTER 2:17

Kwisikheba nen he hun raja nen kwelakhasikhe re, helime silerik fenakwe omanogo maben hak hilingik kwelek he at Ester enek he raja endawimo alerogo were'ma oba lombugeratu mene hakhogo hilingi'mo hasikhe. Andiba re raja nen hele a'nogo oba endawinggen nasikhe. Andi nen he at raja nen he mahkota ap raja logolik inungguloba puksek mene a'nogo at Ester ungguloba puget fesikhe, nen at Ester a'nogo re he Wasti obali'mo ratu logouwageluk liak fesikhesik he at ebe agweap erasikhe.

AMSAL 16:9

Afuni nen he hilingisugun mene faget ebet-ebet hilingitarek, oba nen, it hilingirik logoin kwere At Tuhan nen enek sikhiphogo ikherek.

AMSAL 31:30

Hemi inane lebelek andiba lalinafaregat, nen, inelokhe fano andi mene longgoikherek, meneat he, it hemi Tuhan oba lomborogo logolik, ane hologo hilingitarek mene andi agaukhogo fogerinabugun higit obaat agaugwerinafarego.