DANIEL 9:9 - Allah Wene Fano Wene Hupla Inane

⁹ Nit Hat hawe a'ma lombokhogo logou ninabiren weak hilingitorek meneat he, Hat nit ninebe hendawi nen nit weak hilingitorek mene sagalogo leget fisaluk, hendawit ninafendek andi o, neisena.

DANIEL 9:9 ပူးပေါင်းရင်းမြစ်များ

2 SAMUEL 24:14

A'nogo yagatikhemo at Daud en onggo ikhi logolik he, ”Eige! An a'nogo re alomat lagi o! Oba nen he At Tuhan andi re endawi hundik hilinginafu aple andi re mondok hokho hilingi'mo afuni nen unggum noba fogoin andi re elo'lek hilingi'mo we nit ninebe mondogat At Tuhan nen unggum ninoba fagain andiat fano o,” iluk yagatikhe.

NEHEMIA 9:31

A'nogo meneat he, hat hobabut he, nit afuni hokhorogo hendawit ninafendek andi nen, it inebe herakfisaluk wulil tagalogo legetfisigi'lek welagagin andi. A'nogo hilingitendek andi re, hat Allah hamu aro. Hat hobabut fano nen mondok hendawitninafendek andi.

MAZMUR 130:4

A'nogo meneat he afuni Hat hebe inailorogo, hawe a'ma logouwagaluk inaweak sebelogo leget fisugu mene andi nek he, Haren hamolo welagen andi.

MAZMUR 130:7

Hit afuni Israel mene hineisena Tuhan nen endawi hundik mondok logolik, telninafu mondok welagarek andi nen he, ”Nit hobuk telninabigin,” iluk, serogo mondok logouwok.

MAZMUR 62:12

Pire henagan oba hakhogo At Allah nen ugunem holhi mene re yi'nogo, omame ero andi re we At Tuhan oba nek werek,

MAZMUR 86:15

Oba nen he, neisena Tuhan Allah, Hat he hendawi hundik ninafik, hendawirogo welagik, hendawi hundik mondok welagik, tiphogo nek hilingninobagagik, hobabut sebelek oba hilingninobagagik, ikhi lagen.

MAZMUR 86:5

Tuhan neisena, Hat he fano mene logolik afuni inaweak sebelogo leget fisageluk he hamolo welagen, It afuni Hat hoba samban ugu welagaikharek mene inoba re, Haren hendawi hundik mondok hokho meneba hilingninapluk he ekhe inom oba heilarogo hendawirinafu mondok welagen.

YESAYA 55:7

Afuni weak mondok hilingitu welagaikharek mene andoma re ineluk werek mene faget halfakhikhi logouwak, nen iren wenggeli'lagwi mene andoma re agam eti logouwak. Tuhan nen endawi hundik hilinginaferek mene a'nogo helageluk he, at ebe Tuhan oba sugulogo waga logouwak.

YESAYA 63:7

At Tuhan obabut fano nen nit Israel mene abit agi'lek endawitninafu mondok logolik, yi mene ti mene oba heilarogo wogisagarek hak, fanot ninaferek andi nen, an nen Allah nit ninebe endawitninafu mondok welagarek mene andi faget, it ekhe yagaisigik, nit ninobaget hokhorogo hilingiterek mene andi faget At fogeratik, igin o.

YEREMIA 14:7

An nagainafuri nen nenu hombuk palhi logolik, ”Tuhan, nit ninonggwarek ninaweak oba weak mene ninoba ari'lago o, oba nen he Haren wene watnisasigin mene a'nogo higithogo lebetninabin o. Nit he eberogo nenat nineisena Hebe oboget healuk laga lago o. Ma re niren Hat hoba weak hilingito mene andoma re eberogo aro.

YEHEZKIEL 20:13

Oba nen he o leimo ilinga pirimse'ma andoma nen ogore iren An nane sagalha. Iren An nawene melalek omanogo sagal figik, yi'nogo hilingi'no ti'nogo hilingi'no iluk An nen yagaisasigi mene omanogo hologo nek hilingitu mene re ineluk mondok logogun iluk yagaisasigi mene a'nogo sebelogo figik aga. Nen ekhere iren he inenggi Sabat mene a'nogo mondok emerogo faga. Andiba re o leimo ilingage pirimse'ma andoma nen he na'mage it inoba figirik inebe legetfisagain iluk wenggelogo fesigi.

DANIEL 9:6

A'nogo hilingiti logolik, it ap Hat hamingmingengge hane yaganisikhi lagaukwa mene andi nen, Hat henu uluk wene Haren yagaisikhi lagagin wene andi, ninombalak mondogat yagaisigik, ninogogwi raja lak omanogo yagaisigik, ninogogwi kaindek ekhe omanogo yagaisigik, afuni mondogat yaganisigik, ikhi lagaukwa meneat he, ninesanggo holhi'lek herakfisikhi lagagu andi weagat hilingiti lagagumo aro, neisena.

DANIEL 9:7

A'nogo hilingiti lagagu andiba, Haren higithogoat hilingninafendek meneat he, nit ninebe afuni Israel mene mondogat, o yogondak ninenggali hikhi lago yi o. Afuni o Yehuda mene inom, Yerusalem mene inom, nit ninebe Hat hoba lombokhogo welagi'lek hilingiti lagagu andiba, Haren pugulogo o yatkwe la'ninobagai wagaginmo o ekhema-ekhema welago mene ninomat ninenggali hikhi lago, neisena.

DANIEL 9:8

Ap nit ninombalagen inom, ninogogwi kaindek raja omanogo nen inom, ninogogwi kaindek ekhe nen inom, hat hane sagalogo weak mondok hilingiti lagagu andi nen, ninenggali hikhi lago andi.

YUNUS 4:2

A'mage lagasikhesik, Allah ayonggo fikhi logolik he, mel yagatikhe: ”Tuhan neisena! O attagenat an naiba logolik aremnogo Haren a'nogo hilingisigin iluk an nen isigi lek nogo? Isigiat anggigi! Hat he hobabut inelagaik isigik, afuni hendawi hundik hilinginafik, hendawinggen sakhorek oba hilingitik, hobabut fetakhogo hilingiti'lek logolik afuni weak hilingitu mene inoasigin iluk inabok palherendigen he, hobuk hendawirinafi legen a'nogo nelu logolik he, an heise o Spanyol lagaluk lagagi anggigi.