DANIEL 9:8 - Allah Wene Fano Wene Hupla Inane

⁸ Ap nit ninombalagen inom, ninogogwi kaindek raja omanogo nen inom, ninogogwi kaindek ekhe nen inom, hat hane sagalogo weak mondok hilingiti lagagu andi nen, ninenggali hikhi lago andi.

DANIEL 9:8 ပူးပေါင်းရင်းမြစ်များ

2 RAJA-RAJA 21:15

An nen a'nogo hilingisigin mene andi re it inombawi o Mesir en wulibi wagaukwa huli nen o yogondak huli andi re iren An noba weak mondok hilingiti logolik An na'mage kwelafunem nendawimo ale palerogo nek hilingnabi'lagwi andiba hilingfisagain andi,” iluk isikhe.

2 TAWARIKH 6:37

iren samban oba yagahesugun mene andi Haren inane holhi logoino. Tuhan neisena, o it fisa laguba andoma nen ambi, nit he weak mene inom kwanirek mene inom hilingiti lagoma o, iluk fakhogo herakfuluk, Hat hoba kino yagahetu halok he, iren yagahesugun mene andi inane hesanggo holino o.

NEHEMIA 1:6

An nen hagainafuri Israel mene faget o hup hundik, lingge hundik, nane hoba liakfei waga lagi andi, heilenggen neambik he, nane hesanggo holino o, neisena. Nit afuni Israel mene weak hilingitugu andi. Nen an nebe inom, nombalak inom, weak hilingituguat andi o, neisena.

YESAYA 64:4

Afuni ekhe nen, ilah amu mene faget nineisena ebe yi aro. Nit faget hilingisigin werego, iluk hunogo mene faget agarek mene andi nen, it faget hilingitunem ninesanggo ekhe holhik, nineilenggen ekhe higik ogorek mondok lek. We, Hat hamu nen nit faget hilingitunem hogorek andi.

YEREMIA 14:20

Tuhan nineisena, we Hat hobaat niren weak hilingito o. Niren he nit ninonggwarek ninaweak faget inom, it ninombawi inaweak faget inom fageti lago.

YEREMIA 32:32

Afuni Yehuda mene inom Yerusalem mene inomen weak hilingitu mene inom, raja inom, ap pemerintah inobaget yabu legoma hilingitarek mene inom, it imam en inom, nabi inomen he weak mondok hilingiri'lagwi andi nen.

YEREMIA 7:19

Oba nen, ibi-eberogo mene re An nendawimo ouet nobagali'lagwi re fuk, athe it inonggwarek inendawimo ouet fakhili'lagwi oba re inonggwaregat inenggali ari'lagwi andi.

RATAPAN 1:18

Oba nen we Tuhan enek he eberogo mene werek. Aren wene melalek ikhe mene omanogo an nen sagalogo fikhi lagagi. Yago, hit yi afuni ti afuni hinunggulenu lombogen he an nane yi hinesanggo holini o, An yi enggin ti enggin hugu mandok welagi mene andi hineilenggen neani. An nagainafuri ap souge inom helime tugum inom mondogat hele warinafasik, felelenginarek hugisa lagaikharek oba omanogo fisa lagaikha.

RATAPAN 3:42

”Tuhan nineisena, nit he Hat hane sagalogo fuluk weak hilingito, nen Haren nit ninaweak sagalogo leget ninobagegen lek.

RATAPAN 5:16

Nit ninamolo hikhi lago mene omanogo re mondogat lek aga, nit weak hilingitoba re mondogat alomat lago.

YEHEZKIEL 16:63

An nen hobuk hat weak hilingiti lagen mene andoma sagalogo leget fisagain, oba nen haren enek he honggot asigin lek, yi wene ti wene faget hane u re henggali nek aga logogin. Iluk An Tuhan Lego Mondok welagirek mene a'nogo nen nane mondogat igi,” ikhe.

YEHEZKIEL 5:6

Oba nen Yerusalem en An nawene melalek a'nogo obokhogo herakfisikhemo re, it ap inunggulenu amu mene nen weak hilingiri'lagwi mene andoma re we endep hak hilingik kwelek, at enek he mondok hokhorogo wene oak sagalhu werek, andi nen negara ekhe it inera'lukwe maserogo werek mene andoma nen holi'lagwi lek mene andi re we endep hak hilingik kwelek, aren aniniba weak mondok hokhorogo hilingiti logolik An nawene melalek omanogo hologo hilingitu aple ogore abit mondok werego,” ikhe.

DANIEL 9:9

Nit Hat hawe a'ma lombokhogo logou ninabiren weak hilingitorek meneat he, Hat nit ninebe hendawi nen nit weak hilingitorek mene sagalogo leget fisaluk, hendawit ninafendek andi o, neisena.