DANIEL 9:6 - Allah Wene Fano Wene Hupla Inane

⁶ A'nogo hilingiti logolik, it ap Hat hamingmingengge hane yaganisikhi lagaukwa mene andi nen, Hat henu uluk wene Haren yagaisikhi lagagin wene andi, ninombalak mondogat yagaisigik, ninogogwi raja lak omanogo yagaisigik, ninogogwi kaindek ekhe omanogo yagaisigik, afuni mondogat yaganisigik, ikhi lagaukwa meneat he, ninesanggo holhi'lek herakfisikhi lagagu andi weagat hilingiti lagagumo aro, neisena.

DANIEL 9:6 ပူးပေါင်းရင်းမြစ်များ

2 RAJA-RAJA 18:12

It afuni Israel mene ineisena Tuhan Allah ane hologo hilingiti'lek logolik, Allah nen, ”Yi'nogo hilinghinabigin,” iluk wene warogo woginafikhe mene a'nogo sagalogo herakfisigik, nen amingmingengge Musa nen, ”Yi'nogo hilingi'no, ti'nogo hilingi'no,” iluk komorinafikhe wene a'nogo, inesanggo hologo higithogo hilingiti'lek herakfisigik, ikhi lagaukwama maben agaukwa andi.

2 TAWARIKH 33:10

A'nogo nek hilingitunem he Tuhan nen afuni Yehuda mene inom, at Manasye inom, it hilingiti lagaukwa mene a'nogo faget wenagisasikhe oba nen he, it a'nogo holhi lek weak mondok hilingitu welagaukwa.

EZRA 9:7

O attak nit ninambu ninomba welagaukwa huli nen engge yogondak huli nit Hat hagainafuri nen Hat hoba weak enek hilingiti lagoma re, andiba it ap raja-raja endakwe mene nen he nit ninogogwi raja-raja inom, imam inom, inomame leget fisikhi lagaukwa. Andi nen nit ninebe ninoatik, hinakninafik, hele warogo wo'ninarek lagik, yogondak welago yi hakhogo at nit afuni nen inal ngesukum wat ninafik, hilingiti lagaukwa.

NEHEMIA 9:30

It a'nogo weak hilingitu kwelegat, Haren he, yi tahun ti tahun wene inoba figi'lek hafe morogo logolik, komorinafi lagaginat. Hareagun ap hat hane yagaisikhi lagaukwa mene inendawimo logolik, wene andi inendawimo kagalogo yagaisugunem, iren holu inabiren inesanggo te'met fikhi lagaukwa. A'nogo hilingiti lagaukwama it inebe afuni o yi awi ti awi inunggulenu hunogoat mene inenggiba fisikhi lagagin andi.

NEHEMIA 9:32

Hat Allah homame mondok hokho, elalin inailo mene hilingitendek mene, neisena. Hebe ninoba lombokhogo logolik, yi'nogo hilinghinabigin, iluk wene Watnisasigin mene andi sagalasinogo, iluk higithogo hilingninafendek andi, neisena. Afuni Asyur mene inogogwi raja nen nit ninoba yi enggin ti enggin hilingninafi lagaukwa andi huli nen yogondak huli re, yi enggin ti enggin mondok weak hugu welago, neisena. Andi nen he, nit ninogogwi raja inom, ap imam inom, hane yaganisagarek mene inom, ninogogwi kaindek inom, ninombalak inom, afuni mondogat inom, yi enggin ti enggin andi mondogat hugu welagorek, neisena. Ma re, nit yi enggin ti enggin hogorek mene andi mondogat ninoba hendawimo nen honggoragi'lek eberek mondok logoino o, neisena.

NEHEMIA 9:34

Nit ninombalagen inom, ninogogwi raja nen inom, hat eisewerek mene nen inom, ninogogwi kaindegen inom, en he, haren wene komotninafigin mene andi inendawimo seramet fuluk, hologo hilingiti'lek herakfisasukwa andi. Haren he, yi'nogo hilingiti logoino, ti'nogo hilingiti logoino, iluk komotninafigin mene andi mondogat inom, inenggali watigin mene inom, inesanggo hologo hilingisu inabiren hilingitukwa andi.

YEREMIA 26:5

Nen, ekhe re hiren ogo An namingmingengge nabi hundik-handik hinambit lakfisa waga lagi mene nen yagahisugu mene andoma holhi logogun fano. Oba nen he hiren it inane ugunem he hinesanggo holu hinabit mondok welagep.

YEREMIA 29:19

Andoma mondogat it inoba hilinglasigin andi re An nen hundik-handik yi'nogo ti'nogo hilingiti logoino iluk namingmingengge it nabi bene nen yagaisikhi lagi mene iren yagaisugu kwelek higithogo hilingiri'lagwi lek andiba hilingisigin. Iren he An nen hilingiti logouwageluk yagaisasigi mene a'nogo fut fili'lagwi'lek.

YEREMIA 44:16

”Nit he haren Tuhan enu igisogo nit yaganisikhi lagen mene andoma ninesanggo holugun lego.

YEREMIA 7:13

An nen hundik-handik hit hinoba ugu welagiba nen, hiren holhu aple hinabit mondok welagep. Hit he weak mene andoma mondogat hilingiti logolik he, An nen wolhinafunem he hinane onggo igi'lek welagep andi.

YEREMIA 7:24

Oba nen he, iren holhi'legengge hilingitik, fut figi'lek welagik, hilingiti lagaukwa. A'nogo hilingiti logolik iren he ina'mageba nek wene mondok kwanirek mene omanogo hilingiti lagaukwa. It inebe re fano aga lagaukwa lek, meneat he ekhe inom mondogat inanini weak mene aga lagaukwa.

DANIEL 9:10

Haren he, Yi'nogo hilingiti logoino, ti'nogo hilingiti logoino, iluk komotninafiginmo, hawene andi, it ap hamingmingengge hane yaganisikhi lagaukwa mene andi nen, yaganisikhi lagaukwa meneat he, ninesanggo hologo higithogo hilingiti'lek herakfisasugu andi o, Tuhan Allah neisena.

DANIEL 9:9

Nit Hat hawe a'ma lombokhogo logou ninabiren weak hilingitorek meneat he, Hat nit ninebe hendawi nen nit weak hilingitorek mene sagalogo leget fisaluk, hendawit ninafendek andi o, neisena.

MATIUS 23:37

At Yesus nen a'nogo yagaisasikhesik he, ekhe mel yagaisasikhe: ”Eigo! Hit afuni o Yerusalem mene yi nendawilage! Hirenat ap Allah ane yagaisagarek mene inebe inoatik, ap Allah nen inayonggo fuluk lakfisa wagarek mene heleben tamuk-tamakhogo inoatik, ikhi lagep andi nendawilage. Sue ayam eagwi ogolabi a'ma andogorogo fisikherek andi hak, an nen hundik-handigat hit o yoma welagep mene mondogat a'nogoat andogorogo hinobagagin iluk anggikhi lagi meneat he, hiren, ”Ninabit,” ikhi lagep andi, nendawilage.

KISAH PARA RASUL 13:27

Wene lakfei waga mene andi, it afuni o Yerusalem mene inogogwi kaindek inom enat he, Yesus ebe futfesukwa lek. Futfigi'lek logolik, attagaren it ap Allah ane yagaisikhi lagaukwa mene omanogo nen wene lisu palogo fesukwa mene were'ma, samban hundik-handik ikhi logolik enu salhunem inesanggo holharek meneat he, wene ebe futfikhi lagaukwa lek. A'nogo futfigi'lek logolik, Yesus wene oba fuluk ebe watukwa andiba, wene attagat isukwa mene andi oba tibisikhe andi.