DANIEL 9:26 - Allah Wene Fano Wene Hupla Inane

²⁶ A'nogo 62 kali 7 tahun logombik, ap Allah nen wenagaisogo menfagain mene andi weak hilingiti'lek meneat ebe wasugun. A'nogo wasumo, ap enupogot omame hokho mene agoromi tentara mene nen o kota Yerusalem inom, Allah awi wurik andi inom, meisalogo mondok leget fisagain. A'nogo logogun andem oba elugun kobokhogo re, Allah nen isikhe higithogoat, i fu nen yi mene ti mene waluk lagarek andi hak, weim yafik, yi mene ti mene mondok weaget figik, ugun.

DANIEL 9:26 ပူးပေါင်းရင်းမြစ်များ

2 SAMUEL 21:5

Iren onggo ikhi logolik he, ”At Saul Tuhan nen wenagaisogo raja menfesikhe mene a'nogo nen he, nit mondogat leget ninobagaigeluk hilingninafi lagama re, afuni Israel meneba nen he nit mondogat legarik logoin anggikhi lago o.

MAZMUR 22:15

I kweisalhugunem lek agarek hak, nomame mondok lek agik, noak mondogat enggalim oba nen orolhigik lagunem hangge welagik, nendawinggen kwe wam sei nunggunem hakhogo amok le'legenggetunem welagik, hilingiti lagi o.

YESAYA 28:2

Tuhan nen he ap omame logolik along werek mene ekhe lakfei wesigin. At ebere sielu meiso sogenggen inom seberogo pelabi wagarek hak, athe meiso hokho mene i wurogo yi mene ti mene ha'luk lagarek andi hakhogo wesigin. At a'mageba re it inebe kweangma hambokhogo hugisikhi logogin.

YESAYA 28:22

An nen he, Allah Mondok Lego mene Omame Hokho mene a'nogo nen o kweangma mondogat weaget fisagain mene tekhogo ikhe mene andi mondogat nesanggo holhi. Ma re an nen nane yagaisikhi lagi mene oma hiren nane oak sagalogo hilingisu fugo. A'nogo hilingisugun halok he hit hinoba serogo hilinglasu mene re enggin-fenggin ekhe inom hinoba asigin o!

YESAYA 53:8

At ebe hele warogo fagasik ayo wurogo ebe lisogo waluk laga logolik unggum wa'lagu mene oba faga. At ebe ninggi'nogo hilinglasigin iluk kumut haga mene ekhe werek lek, Nit ninunggulenu mene ninaweak faget at ebe wa'laga.

YESAYA 8:7

Andi nen he An Tuhan en raja Asyur mene inom, agoromi tentara inomen it afuni Yehuda mene hinoasuageluk inayonggo fisaluk lakfisa wesigin. It wesugun mene andi re i Efrat fu laga logolik i esanggokwe sengseng lagarek andi hakhogo hit hinebe sebelhinabi wesugun o.

YEREMIA 46:7

I Nil fu waga logolik esanggokwe hetok-hetok lagaikherek hak athe esinggen foinalik laga logolik esanggo kweet seng-seng lagarek hangge andi re sa weri'lago anggegep? Andi re o Mesir mene o. Aren ikhi logolik he, ”An feisakhogo menla'luk kweangma mondogat sebeligiluk wagalagi o. Nen An nen o kota-kota inom afuni inebe inom mondogat leget fisagain o,” ili'logo.

YEREMIA 51:42

I laut kerak-kerak he o Babel huli lagai waga, i agum fonyak lenggak hikhi logolik he o kweang andiba sebeli laga.

DANIEL 11:10

A'nogo hilingisumo re it raja utara fikhit mene faget werek mene a'nogo agoromi weim yabugun nen iluk fik-fouk esimbik tentara esa hokho mene folugun. A'nogo folimbik it mene andem ap misik ekhe andi re i fu waga logolik hilingirik wagarek hakhogo kwi wesigin. A'nogo kwi waga logolik enggi pirenek meneba re pin kwikhi logolik it aselei mene nen inawi himbirengge helep huguloak wurik omanogo meisa'langkuk isilik kugun.

DANIEL 11:17

A'nogo hilingisimbik raja o Siria mene utara fikhit logogin mene a'nogo nen he o selatan fikhit mene a'nogo pin kwigin iluk agoromi tentara fik-foukhogo hilingfisambik, aren it selei mene inanggweang oba andoma mondogat sebeligin iluk he, at a'logo re raja Mesir mene a'nogo wogosigin iluk inane seberogo masugun. Oba nen aren hilingisugun iluk inane masugun mene andi re ambisangma tibigin lek.

DANIEL 11:22

Tentara hokhorogo nen inom, nen Imam Agung en inom, at omame leget fogoin iluk hilingisugun mene andoma re aren mondok felelenghogo leget fisagain.

DANIEL 11:36

Raja utara fikhit mene a'nogo nen he, at endawimo anggikherek mene nek hilingiti logogin. A'nogo hilingiti logolik awonok oba aren ikhi logolik he, ”Dewa amu mene ogo werek oba nen, Allah Mondok Lego mene andi werek oba nen, an enek he mondok hokho nagun welagi o,” iluk ikhi logogin. Aren a'nogo ugu mondok were'ma nen he Allah anini a'nogo mondogat wurep kobok i lagain. Andi re Allah nen hilingisigin iluk foukhogo fikhe mene andi re mondogat asi lamo nen asigin.

DANIEL 9:27

Ap raja andi nen he, 7 tahun yi'nogo logogun, iluk afuni inebe hokhorogoat wene hobuk hunogoat u lek mene warisagain. Nen, a'nogo logolik, 3 tahun logombigen, tugi ekhe 6 en logombik he, wam yi mene ti mene Allah faget warogo noletik, wogotik, ikhi logogun mondok lego, iluk igin. A'nogo imbik, hobuk he, mondok inapsiri mene hilingitunem agaiserogo pugulugun mene Allah awi wuri'mo andoma menfoumo logogin. A'nogo were'ma, huli attagat Allah nen he, Yi'nogo hilinglasigin, iluk isikhe higithogoat, at ap inapsiri mene fikhemo werek andi weaget fagain huli inapsiri mene andi leget lasigin o,” iluk yaganete.

HOSEA 1:9

Takhikhemo re, Tuhan nen yaganeti logolik, ”Hit An nagainafuri legat. Nen, An hit hineisena legat andi nen he, hit An nagainafuri lek iluk u hak he, enu Lo-Ami salin o,” iluk yaganete.

AMOS 8:8

A'nogo igi andi nen kweang abolok igik, afuni mondogat le hokhorogo agik, ugun o. O kweangma yi awi ti awi mondogat abolok ikhi logolik, i Nil laga logolik esinggen founalik lenggalik, lagarek andi hak hilingisigin o.

AMOS 9:5

Kweang leigetunem afuni inendawimo weak hikhi logogun, andi re At Tuhan Lego Mondok logolik Omame Hokho welagarek mene a'nogo nen sebethugunem hilingiti logogin. I Nil fu wagunem hetogerik lagagik, hibi agunem firitokhogo pigik, ikherek andi hak he, it inalong asimbigen hobuk maben asugun o.

NAHUM 1:8

A'nogo logolik At aselei mene omanogo re, i fu hokho mene waga logolik, yi mene ti mene mondogat legabeterek hak mondok weagerogo fikherek. It ekhe inailo legengge At ane sagalfuluk hilingitarek mene re, Aren he wa'lagaikharek meneba ineiloak homokhogo inoatunem wa'lagaikharek.

MATIUS 22:2

”Allah nen awe a'ma fisikhere'ma andoma emberek higit he, ap kain enupogot ekhe amlogo agwe igeti logolik pesta seni isatukwa hagaro.

MATIUS 22:7

A'nogo hilingitukwama re, at ap kain enupogot a'nogo esanggo holhikhesik, a'mage lagalik agoromi tentara mene lakfisasikhemo lagaukwasik, at ap kain amingmingengge inoatukwa mene omanogo inebe mondok warogo potfisasukwasik, inawi kota wurik andoma endu mondok fatukwa.

MATIUS 23:38

Andi nen he, Allah nen hit hinebe herakhinobagaumo, hinawi wurik andi folugat logogin o.

MATIUS 24:2

A'nogo yagatukwama, aren he, ”Hit o wurik andoma mondogat hegeba? Helep oba lou'louk wurik andoma ekhe herakfisigi'lek, we, mondok felelenghogo meisalogo lakfisogoin o, iluk, eberogoat yagahisigi,” iluk yagaisasikhe.

MARKUS 13:2

Fogeratunem, at Yesus nen he, mel yagatikhe: ”O hokhondek wurik aroma yethikhi lagen a? Helep oba lou'louk wurik yoma ekhe hebisigi'lek mondogat meisa'langgukhogo lakfisagain o,” iluk yagatikhe.

MARKUS 13:7

A'nogo hilinglagu kwelek, weim horogat yafunem inane hinesanggo holhik, yatma yafunem inabok holhik, ikhi logolik he, hinendawinggen abolok ugubo. A'nogo hilinglasigin meneat he, o wurep oba hilinglasigin mene andi oan aro.

MARKUS 9:12

Heinok wanhukwama, aren he, mel yagaisasikhe: ”At Elia tak wesimbik he, yi hilingitik ti hilingitik tegeli wesigin, ili'lagwi andi eberogoat meneat he, an abat ta'lasi wagagi a'nogo faget wene lisu yi'nogo palogo fesukwama werek: At ebe ninabit, iluk, herakfisaluk, yi enggin ti enggin mondok weak hilingisogo fogoin o, iluk lisu palogo fesukwama werek andi nena mene faget isukwa anggegep.

LUKAS 21:24

Afuni fena re, karok oba inoatik, fena re, hele warogo o yi awi ti awi fisa lagik, ugun o. Nen, o kota Yerusalem ari, afuni endakwe mene ineisogen alperelogo fembik, o sebeli kwi wesimbik logogun meneat he, mondok sebelek logogun lego. We, Allah nen, It afuni endakwe mene, o Yerusalem huli andi hulibaat sebelek logogun, iluk anggasikhe higithogoat logogun o,” iluk Yesus nen yagaisasikhe.

LUKAS 21:6

at Yesus nen he, mel yagaisasikhe: ”Hit o hineilenggen yethikhi lagep andoma, hobuk helep ekhe hebisigi'lek mondok meisalogo lakfisogoin oba werego,” iluk yagaisasikhe.

LUKAS 24:26

At Kristus Allah nen ayonggo fesikhe a'nogo, yi enggin ti enggin higi'le'ma fogerasugun nogo? Lego. Hugunemen fogerasugun o. Hiren egep andi hilingisugun higithogoat hilingita o,” iluk yagaisasikhe.

LUKAS 24:46

A'nogo inendawinggen kagalogo yagaisikhi logolik, ”Allah nen Kristus ayonggo fembik lakfei wesigin isikhe mene lisu mel iluk palek werek: Yi enggin ti enggin hilik-hilik wa'lasimbigen, enggi pire warek logombik henaganek meneba re wa'la'luk lagaikharek oba nen eluk asigin o, iluk lisu palek werek.

YOHANES 14:30

Afuni kweangma mene inoe kain a'nogo ebe weri'logo andi nen he, an wene hokhorogat yagahisagain lego. At andi wesigin meneat he, an at enggiba welagi lego.

2 KORINTUS 5:21

Nit Kristus ninom huneto halok, at Allah nen onggwarek ninom ninambotkwe hunogo ninobagauwageluk nit fagerat nit ninobabut weak hilingitorek mene andi, at Kristus weak hilingiti'lek mene oba fesikhe andi.

GALATIA 3:13

Allah aneba lisu palogo fikhi logolik he, mel isukwa: ”Inebe eba menfisaluk inoasumo, it inebe wa'lasugun mene andi, Allah nen homan inobagagin werego,” iluk, lisu palogo fesukwa hagat, wene Allah nen komotninafikhe wene andiba re, homan inoba feigiluk were'ma, at Kristus nen ninonggo palogo telninabigeluk wene nit ninoba mene korogo at oba fakhasikhe andi.

1 PETRUS 2:21

At Kristus ebe hit faget yi enggin ti enggin hilik-hilik wa'lagaikhe andi nen, hit ogo re, at obabut waganogo yi enggin ti enggin hoagelugat Allah nen hinayonggo fesikhe andi.

1 PETRUS 2:24

Nit ninobabut weak hilingiti lagagu mene andi, afuni wa'la'luk yi mene ti mene hilingitarek lek andi hak, nit weak mene herakfisaluk, nineluk logolik Allah amolo mene hilingiti logouwageluk, nit weak hilingiti lagagu mene korogo, at Kristus oba fakhasikhemo, ebe eba menogo fuluk watukwa andi. At ebe hit faget oumo agambut telerogo watukwa andiba, hit fanothinafikhe andi.

1 PETRUS 3:18

Nit afuni weak hilingitorek andi faget ninenggi elugun oba, at Kristus hobuk wa'lagi'lek logoigeluk misigam fagerat katokhogo wa'lagaikhe. Ninebe Allah oba wo'ninarek lageluk he, at obabut higit hilingiterek mene nen, nit ninobabut weak hilingitorek mene faget wa'lagaikhe andi. Ebe nit afuni mene andi watukwama wa'lagaikhe meneat he, areagun mene andi Allah nen eluget fesikhe andi.