DANIEL 9:24 - Allah Wene Fano Wene Hupla Inane

²⁴ Inenggi yi teng ti teng kofokhogo wenatarek hak, 7 kali 70 tahun logogun andi ebe re, Afuni hat hinom hinunggulenu misigat mene hinebe o kota Allah onggwarek awi hat were'ma andoma logolik, Allah ane sagalogo hilingitik, weak hilingitik, ikhi lagep mene andi, Allah nen herakfisigik, sagalogo legetfisigik, higithogo hilingitu mondok logouwageluk esinet figik, ugunem he, Yi'nogo hilinglasigin, iluk habikanggo oba yethegen mene andi ebe agik, Allah onggwarek awi tegelek mondok welagaikhe mene weaget fesukwa mene andi hobuk fanot figik, igin mene faget, Allah nenat huli warogo fesikhesik hobuk ebe andi huliba hilingisigin mene faget hegenma o.

DANIEL 9:24 ပူးပေါင်းရင်းမြစ်များ

2 TAWARIKH 29:24

A'nogo hilingfuluk he at raja nen melalinafi logolik he, it afuni Israel mene inebe mondok faget wam inaweak legaphogo fouwageluk mene inom, wam warogo nolengge nolhu mene inom wasugun iluk yagaisasikhemo re, a'nogo higithogo, kambing omanogo watukwasik he amep he it imam omanogo nen it afuni abirengge inaweak legaphogo iluk he mezbah wurik oba a'nogo kweisal fesukwa.

MAZMUR 2:6

Aren ikhi logolik he, ”Ap an nen wenagaisogo figi mene a'nogo ebe raja logouwagaluk, nonggwarek nandom Sion Mondok Horek mene a'nogoba arat menfigi o,” iluk isikhe andi.

MAZMUR 45:7

Haren ferinarek logouwageluk At Allah nen homame wokheterek, hat homame andi re mondok-mondok logouwak, haren he mondok katokhogo nek it hagainafuri melalinafi lagen.

YESAYA 42:4

Kweangma yi awi ti awi wene inoba mene higithogo pilingerisagaluk logolik wenesugwi uan horok ebeti'lek endawimo nonghong igi'lek logogin. Aren yi'nogo hilingiti logoino, ti'nogo hilingiti logoino iluk komorinafikhe wene andoma re, afuni o yi awi ti awi yatkwe-yatkwe werek mene andoma nen inesanggo holugun inamolo logogun o,” iluk ikhe.

YESAYA 51:6

Pogot liakhaluk he kweangma hineilenggen lourogo pelakhani, Pogot he so'le higit mondogat legasigin, nen kweang he su tiliphogo lagarek hak legasigin, afuni elonggoma logogun mene mondogat he kolum wa'lagarek andi hak wa'lasugun. Oba nen he An nen woghisagain mene andi re hinagap telek mondok-mondok logogin mene, nen An nomame asigin mene andi re lek asigin lek mene wokhisagain o.

YESAYA 51:8

It mondogat he su eluk- elugengge nen palherek andi hak, kain domba esi mene pel-pel en palhunem hangge mondogat legasugun o. Oba nen he, inagap telhu mene An nen wogisagain mene andi re mondok-mondok logogin, nen An nen inalonget fisagain mene andi re hinerembul oba andoma mondok-mondogat logogin o,” iluk ikhe.

YESAYA 56:1

Tuhan nen againafuri inoba ikhi logolik, ”Eil misik wela'luk An waga logolik hinagap telhinabi wagik, nen katokhogo hilingitirek mene a'nogo weinamet figik igin enggere, An nawene melalek werek higithogo katokhogo nek hilingiti logoni o.

YESAYA 61:1

Tuhan Lego Mondok welagarek mene a'nogo omame re an noba werek. Aren an wenagaisogo nobagaikhesik la'nobagai waga andi re afuni inelagaik mene inoba wene fano wene yagaisigik, afuni inendawimo warugu welagaikharek mene andi fanorinafik, afuni hele warek welagaikharek mene inoba re weak-weagat hele fikhalogo telhinabigin o, iluk yagaisigik, nen afuni ekhe o hele warek fisagare'ma andoma welagaikharek mene inoba re, hobuk fikhalogo hinobagagin o, iluk yagaisigik, uagaluk laknobagai waga o.

RATAPAN 4:22

Sion he aren aweak hilingite meneba, yogondak unggum oba fikhemo hikhi logolik werek, yogondak he nit Tuhan nen oboget nisigik, hele warogo huginabi lagaikharek oba wo'ninapluk lagik, igin lek. Oba nen he hat Edom ahwi, hat he Tuhan nen unggum wokhesigin o, hat haweak hilingiti lagen mene andoma mondogat weinamet fagain.

YEHEZKIEL 28:12

”Afuni wa'lagaikharek mene yi re, raja Tirus mene faget le aga logoin o. An Tuhan Lego Mondok welagirek mene a'nogo nen at faget ikhi logolik, ”Hat he afuni mondok fanorogo welagaikharek mene faget ilirengge agagin o, attak hat hebe re mondogat hebelek logolik mondok pigin pugunsek mene welagagin!

YEHEZKIEL 4:6

Andi mondogat elugun warogo hilingfuluk he hafe hebekhogo pikhitkwe fikhit wengik logogin. A'nogo logogin andi re, it Yehuda mene inaweak andi faget onggo unggum he henggi 40 hari nen wengik logogin andi, nen linggene misik hat a'nogo wengik logogin andi re, it inoba tahun misik unggum wogisagain mene higithogo.

IMAMAT 25:8

Ekhe inom ikhi logolik, ”Tahun hinenggi 7 nen a'nogo nek wenatunem lambukhogo 49 tahun aga logogin.

IMAMAT 8:15

A'nogo yagaisasikhesik, at Musa nen wam a'nogo warogo amep fena wanhikhesik he, amep a'nogo mezbah andimuk nganok se'ma unggut fena-fena omanogo mezbah andi re Allah faget tegelek mene logouwageluk enggi tum oba yugulogo watfesikhe. Nen, mep fenakwe omanogo re mezbah a'nogo erokwe omanogo kweisal isasikhe. Obalik warogo nolhu mene faget andi re mondok horek logouwagiluk a'nogo hilingiti lagaukwa.

ZAKHARIA 4:14

A'nogo yagatimo aren ikhi logolik, ”Andem he, ap pire mene Tuhan o pogot kweang elalhikhe agun a'nogo nen At obaget hilingiti logouwageluk enogo menfisasikhe mene aremnogo re andem o,” iluk yaganetunem higi.

BILANGAN 14:34

Hit o andoma hineil peneti logolik, hinenggi 40 hari welagepsik wagep mene andi, weak hilingiti lagep andi nen wene 40 tahun oba logolik weak hikhi logogun aro. Hinenggi welagep mene andi, misik sambul welagep faget, tahun misigat mene emberek higit aga iluk wenasugun o. Hiren An heraknobagaluk ninom weim kagalhi lagep andi nen, wene hirat hinoba agunem hinelu asigin o.

MATIUS 1:21

Omalik andi ebe abat tasigin o. Tasumo re, aren oe agot weak hilingiri'lagwi mene korogo wokhambik telinabigin o, iluk enu Yesus salin o,” iluk yagatikhe.

MATIUS 11:13

At Yohanes ebe oan wagi'lek werek kwelek, wene Allah nen komorinafikhe wene a'nogoba inom, Allah ane yagaisikhi lagaukwa mene a'nogoba inom, hobuk hilinglasigin andi mene fakhogo yagaisikhi lagaukwa a'nogo

MATIUS 4:5

Yagatikhemo re, hobuk at Iblis nen Yesus waluk, o Allah onggwarek awi sili hokhoma lagaikhesik he, o Allah awi o tum uan-awan wuri'mo waluk lagasikhesik,

MARKUS 1:24

”Yesus aiba Nasaret mene yi! Haren ninggi'nogo hilingninabigeluk wagen. Nit weagetninabigeluk wagen a? Hat hebe re, Allah onggwarek faget menhobagaikhesik lakhobagai wagama wagen andi, an nen futhobagagi o,” iluk ane hokhorogoat yagatikhe.

LUKAS 1:35

at malaikat a'nogo nen he, ”Allah Areagun hoba louk i wesimbik he, kunmo kwagarek hak, nineisena Tuhan Allah omame hokho andi awe a'ma hobagagin. Hobagaumo re, heak Allah alegat amlogo tasumo re, afuni nen, At andi Allah amlogo, iluk ikhi logogun o.

YOHANES 1:41

Yesus ombo'ne lagaikhesik inom welagaukwasik he, at Andreas andi tak oe Simon a'nogo herarik lagaikhesik, emberek ambi agaukwasik he, mel yagatikhe. Nit ninaneba Kristus afuni telninafi logogin mene a'nogo Allah nen ayonggo fuluk lakfei wesigin isikhe a'nogo u hak he, it inaneba Mesias agarek a'nogo nen he, ”Mesias a'nogo nit arat ninom ambi ago,” iluk yagatikhe.

YOHANES 3:34

At Allah nen lakfei wagaikhe mene andi, Allah Areagun elele wanhi'lek mondogat wogetikhe andi nen Allah aneat yaganisikherego.

KISAH PARA RASUL 3:14

Athe, Allah nen lakfei wagaikhemo obabut higithogo hilingiti laga meneat he, hiren Pilatus yagati logolik, Ap andi ebe ninabiro. Ap ekhe afuni inoare meneat he, andiat enggi hele fikhalogo wo'nisan o, iluk kino yagatep anggigi.

KISAH PARA RASUL 3:22

At Musa nen he, mel yagaisasikhe: Nineisena Tuhan Allah ane yagahisikhi logouwageluk, ap hit mene ekhe an mennobagasikhe andi hak, hobuk menfagain a'naga. Menfoumo re, aren yi wene ti wene yagahisagain mene andiat hinesanggo mondok fanorogo holhi logoino o.

KISAH PARA RASUL 4:26

It inenupogot kweangma mene yoma menlagaukwasik, kaindek ekhe inom lambukhogo andoget fuluk, nineisena Tuhan Allah, iren he, Ebe ninabit. Amlogo Kristus ayonggo fesikhesik lakfei wagaikhe mene andi, ninabirat. Ninom weim yabuok, iluk andi fagerat hebelogo werek, iluk isiginmo ebe Daud en isikhe andi.

ROMA 5:10

Nit attak he, Allah ninom weim palek were'ma re, hobuk at amlogo wa'laga logolik, Allah ninom lambukhogo ninobagaikhemo welago. A'nogo were'ma, at ebe eluk logolik he, telninabigin lek nogo? Attak telninabu lek mene telninafikhesik he, yogondak ninom hundik logolik telninabigin aro.

1 KORINTUS 1:30

At Allah nenat hit Kristus Yesus hinom hundik logobagaigeluk hinobagaikhemo welagep andi. Wene ninendawimo kagalogo logou hak he, Yesus ebeat wo'nisasikhe. A'nogo wo'nisasikhemo, aren he, Allah ninom hobuk ninambotkwe lambulogo ninobagagik, ninebe Allah faget ninobagagik, telninafik, ikherek.

KOLOSE 1:20

Yi mene ti mene kweangma mene inom, pogoroba mene inom, mondogat Allah inom weak agaukwasik, weim palek hangge were'ma, at Allah onggwarek inom lambulogo fisasikhe andi ebere, Yesus eba menfuluk watukwama amep wulagaisogo wa'lagaikhe andiba lambulogo fisasikhe andi.

KOLOSE 2:14

Wene at Allah nen komotninafikhe wene a'nogo, niren herakfisaluk weak hilingitu mondok welagagu mene andi, palegengge ninoba welagarek andi hak yi wene ti wene enggin mene ninoba were'ma, Yesus ebe eba menfuluk wati logolik posiemanggen warogo fesukwa andiba, Allah nen wene andi wurep kobokhogo arat legetfesikhe.

IBRANI 10:14

At Kristus misigam faget wa'laga logolik, ebe Allah wogetikhe andiba, nit afuni ninebe Allah faget fisogorek mene halok katokhogo mondok ho'ninafikhe.

IBRANI 2:17

A'nogo hilingitikhe andi re, yi'nogo iluk. Nit afuni weak hilingitorek mene, aren legetfisageluk, at ebe Allah eisewerek kain logolik, obabut Allah faget hombunhogo hilingitik, nit afuni endawitninafik, higirat ikhi logoigeluk, at ebe nit afuni erugwi agaila'lak hanggeat agaikhesik, nit hilingitorek mene mondogat ninobabut wanu hagat wanhikhe andi.

IBRANI 7:26

Nit ninendawimo nen he, ”Ap ekhe Allah eisewerek nit faget fano katokhogo yi'nogo kain logolik hilingiti logoilebe,” iluk anggogorek mene, Allah nen ninoe Yesus andiat menfesikhemo werego. At obabut he, weak ekhe hilingiti'lek, fano tegelek mondok were'ma, afuni weak hilingitarek mene inendawimo nen tegelogo pogot abel ponggwe po'lima liakfesikhemo nit faget werego.

IBRANI 9:26

Aren he, it attak hilingiti lagaukwa andi hak hilingi'lepma re, kweang elalhikhe huli nen pikhit yogondak huli, enggi hobugalep yi enggin ti enggin hikhi logolik wa'laga logoilep. A'nogo meneat he, o wurep oba nit weak hilingitorek mene legetfisageluk enggi misigam fagerat wam Allah faget waresu hak, onggwarek ebe wa'lasi wagaikhe andi.

2 PETRUS 1:1

Nerugwi nagaila'lak. An Simon Petrus Yesus Kristus nen, at amingmingengge logouwageluk nayonggo fesikhesik laknobagai wagaikhemo wagagi. Andi re, at ebe Allah at logolik, obabut higithogo nek hilingiterek a'nogo nen, hit ninom higithogoat ninendawinggen aroba himbiret fugunem telninabi'logo mene halok, wene yi lisu palogo hinoba lakfei wagi andi.

1 YOHANES 3:8

Nen, at ekhe nen obabut weak hilingitu mondok welagarek halok he, at Iblis obabut eroba nenat weak hilingiri'logo andi nen he, at andi ebe re, Iblis amlogo werego. Mene re, at Allah amlogo weinamhogo wagaikhe andi re, at Iblis obabut hilingiterek mene andi, mondok sebelogo legetfisageluk wagaikhe o.

WAHYU 14:6

A'nogo higiri'mo nen, ombo'ne re, at malaikat ekhe wene fano wene mondok logogin mene afuni kweangma mene inunggulenu lombok, inane lombok, inagap lombok, inaiba lombok, yagaisilik pogot ebene tarogo nugunem yethigi

WAHYU 3:7

A'nogo yaganetesik hobuk yaganeti logolik he: ”An weak hilingiti'lek, tegelek logolik, nane eberogoat enek igirek mene nen kwe hutarek mene Daud mene waluk kwe huti halok, afuni ekhe nen yagasugun elo'lego. Nen, kwe yagati halok, afuni ekhe nen husugun elo'legat mene a'nogo nen wene yi yagahesik: At Allah nen malaikat ayonggo fuluk lakfei wesu hak, at againafuri o Filadelfia andogotarek mene inayonggo fesikhemo werek a'nogo, wene an nen it yagaisagain mene yi, haren lisu palogo inoba lakfeinogen yi'nogo palino.