DANIEL 9:22 - Allah Wene Fano Wene Hupla Inane

²² A'nogo wagasik he, mel yaganete: ”Daniel. An he, wene hobuk hilinglasigin mene andi fut feinogen iluk ebe senggekhogo yagahesigiluk wagi o.

DANIEL 9:22 ပူးပေါင်းရင်းမြစ်များ

DANIEL 10:11

A'nogo menlagimo malaikat a'nogo nen an noba ikhi logolik, ”Daniel, hat he Allah nen endawi hundik hilinghabi'lago. An he hat hambit wesuageluk lak nobagai wagama wene yi yagahesigiluk wagi enggere hafe hebela'luk menlasimbik he an nen nane igin mene yi fanorogo holin o,” iluk yaganete. A'nogo yaganetu kwelek aremnogo an nebe noak leik-leigenggerik menlagi.

DANIEL 10:12

A'nogo menlagimo nen aren an noba yaganeti logolik, ”Daniel, hailo agun o. Haren linggene attak mene a'nogoba honggwaregen sebel fakhaluk hendawi wenggelek mene asigin iluk hilingiti logolik samban egen mene a'nogo re Allah mondogat esanggo holhe o. Nen, haren samban egen mene a'nogo onggo re an nebe arat wagi yi o.

DANIEL 10:14

Haren habikanggoba hegen mene andi re linggene elokhe fikhit andoma asigin mene faget hegen o. Nen an he afuni hat hunggulenu mene inoba hobuk ninggi'nogo asigin iluk hat fut feinogen iluk wagi o, iluk yaganete.

DANIEL 7:16

A'nogo logolik, it ekhe mendek welagaikha omanogo mene ekhe nen wene andi faget mondogat ebe pilingisogo yaganesuageluk oba horokhogo lagarik yagati. A'nogo yagatimo, aren he, ”Yi'nogo hilinglasigin mene faget hegen,” iluk yaganeti logolik,

DANIEL 8:16

A'nogo mendek logolik an holhugunem en he, i Ulai aik fena omanogo nen ane kweti logolik, ”Aren abikanggo hikhe mene andi re hat Gabriel en ebe yi'nogo iluk weinamhogo yagaom o,” iluk ikhi laga.

AMOS 3:7

At nineisena Tuhan Lego Mondok welagarek mene a'nogo nen he, An yi'nogo hilingisigin, iluk ap At amingmingengge ane yagaisagarek mene andoma inoba fakhogo yagaisigi'lek ekhe hilingitirek mondok lego.

ZAKHARIA 1:14

nen, malaikat a'nogo nen he, Tuhan Omame Mondok Hokho mene a'nogo nen ikhe mene a'nogo an yaganeti logolik yi'nogo ikhe, ”An nen he, o kota Yerusalem An Nawi mondok horek mene andi faget nendawi hundik anggikhi logolik, obaget ebetu welagi o.

ZAKHARIA 1:9

A'nogo were'ma re, an nen heinok wogikhi logolik, ”Kuda oma re ebe ninggi'nogo faget nogo?” iluk heinok wokhigimo re, Aren onggo ikhi logolik, ”Oma ebe ti'nogo faget iluk andi re, An nen inuk heagain o.

WAHYU 4:1

A'nogo yaganetunem higirik oba nen ombo'ne re, nabikanggo ekhe yi'nogo yethigi. Pogoroba re, kwe ekhe hurik were'ma, at attak ane pinggong ane hokho meneba yaganetunem nesanggo holhi mene a'nogo nen hobuk mel yaganete: ”Wene ya logombigen hobuk hilinglasigin mene heilenggen yethanogeluk, yagahesigen he, lagai me o,” iluk yaganete.