DANIEL 9:21 - Allah Wene Fano Wene Hupla Inane

²¹ Samban a'nogo ugunem, afuni nen o hu'mokokwe Allah anggo warogo noletarek oba andem higithogo, malaikat enu Gabriel an attagat nabikanggoba neilenggen yethasigi mene a'nogo noba higit tarogo waga.

DANIEL 9:21 ပူးပေါင်းရင်းမြစ်များ

1RAJA-RAJA 18:29

A'nogo hilingitu werek kwelek, o arat hu'mokokwe afuni yabu inenggi ando kwe nen kwi wagaikharek higit asi wagaikhe. A'nogo hilingitukwa meneat he, at tugwi kembu Baal en inom, nen amu mene ekhe nen ogo, inane esanggo holhik, endawirinafik, ane onggo yagaisigik, igi'legat.

1RAJA-RAJA 18:36

A'nogo hilingisogo fesukwasik he, o mondok hu'mokokwe, wam, yi mene ti mene Allah faget noletarek oba arat asi wagaikhemo re, at Elia Allah ane yagaisikhi lagaikhe mene a'nogo ebe wam, Allah faget nolesigin mene a'nogo oba horokhogo higilha wagaikhesik he, samban mel isikhe: ”Neisena Allah Henupogot mene, Abraham en, Ishak en, Yakub en, fogethafi lagaukwa mene neisena. It afuni yoma nen he, nit afuni Israel mene nineisena Allah ebe eberogoat werek, iluk futfigik, nen, Elia andi Allah amingmingengge mene At Allah nenat yagatemo yoma mondogat hilingite, iluk inelu agik, uageluk,

MAZMUR 103:20

Hit Allah agoromi malaikat hinomame hokho mene, At ane hologo hilingiti lagep mene omanogo hinebe mondogaren, At Tuhan andi nek fogerati logoino.

MAZMUR 104:4

O sogoi re Hat mene, Haren inayonggo fuluk lakfisegendek, eilabut he Hat hamingmingengge logolik, Hat hobaget hilingitarek.

MAZMUR 141:2

An nen samban ikhi lagi mene andi re amben fanongge dupa Hat hobaget wokhetu mene hakhogo wanino, nen nenggi earogo liabek welagi mene andi re hubanggo Hat hobaget warogo nolhu mene hakhogo hilingi'no.

KELUARAN 29:39

Misik ekhe re, hubet warogo nolfuluk, ekhe hu'mokwe warogo nolhi logogun.

YESAYA 6:2

A'nogo were'ma era'lukwe haningisogo andoma re it ineluk welagaikharek mene it inebe re endu amulok hangge hilingi'mo re inebe lombok inagerabul falfaligen werek mene were'ma isigi. It inebe lombogen inagerabul pire re inelokhe salek welagaikha. Nen, pire ekhe re inebe salek welagaikha, nen pire ekhe re tarogo lagu mene faget langhogo welagaikha.

YEHEZKIEL 1:11

Nen, inogolabi misik ekhe re alekwe po'lima langse'ma re inogolabi wureben he, it ineluk werek mene fena fikhit mene ogolabi wurep seneti laga, nen ogolabi wut misik ekhe re sirogo re ebe salek were'ma higi.

YEHEZKIEL 1:14

It ineluk werek mene andoma inonggwaregen weak-weakhogo nek eilabut kulunghogo lagarek hakhogo lakwak ikhi lagaikha isigi.

YEHEZKIEL 14:14

It ekhe Nuh inom, Daniel inom, Ayub inom, omanogo o andoma inanggele'ma logoilepma nen ogore, it inebe henagan andem en fano hilingiti lagoilepma re, we it inonggwaregat ineluk faget inili helelebo. Iluk An Tuhan Lego Mondok welagirek mene a'nogo nen nane mondogat igi.

DANIEL 10:10

A'nogo logolik were'ma enggi ekhe nen an senniikhemo re an nebe a'nogo nafe hebelagarik nenggi inom neindep inom timirogo menlagi.

DANIEL 10:16

A'nogo agimo nen hobugen enek he malaikat ebe ap higirengge a'nogo nen enggi pilingisogo nambeba fak niikhe. A'nogo hilingitemo an nen at oba ikhi logolik, ”Neisena nabikanggo higi mene andi nen noba enggin mene kwelaknobagaikhemo re noba mondok lebelekhogo welagi o.

DANIEL 10:18

A'nogo igimo re aren nekhengge an nebe fa'niikhemo an nomame agunem higi.

DANIEL 8:16

A'nogo mendek logolik an holhugunem en he, i Ulai aik fena omanogo nen ane kweti logolik, ”Aren abikanggo hikhe mene andi re hat Gabriel en ebe yi'nogo iluk weinamhogo yagaom o,” iluk ikhi laga.

DANIEL 8:18

A'nogo aren an yaganetu kwelek aremnogo re an nafe mote. Oba nen aren an lebetniikhi logolik nenggi senegeisogo nambotkwe mennobagaikhe. A'nogo menlagimo aren ikhi logolik,

MATIUS 27:46

Mum werek kwelek, jam 3 arat asi lagaikhemo re, at Yesus nen, Eisena Allah yagati logolik, nit ninaneba re, ”Allah Neisena! Allah Neisena! An nenahalok heraknobagegen,” iluk u hak it inaneba ”Eli eli lama sabakhtani,” iluk ane hokhorogoat yagatikhe.

LUKAS 1:19

at malaikat a'nogo nen he, ”An Allah eilhanem mendek welagirek mene nenu Gabriel andi re nebe an aro. Fano wene yi yagahesuageluk, at Allah nen yonggo laknobagai wagama wagi o.

LUKAS 1:26

He Elisabet a'nogo omalik a'ma werek kwelek, tugi 6 en folelhikhemo re, Allah nen malaikat pogoroba yonggo nikharek mene ekhe Gabriel a'nogo Galilea o sili enu Nazaret, andoma helenggerek enu Maria, ap Yusuf Daud en tagongge mene andi emberek wenago were'ma oba lakfei wagaikhe.

KISAH PARA RASUL 10:3

A'nogo ugu mondok logolik he, enggi ekhe sambul, o mo hea i lagu kwelek jam 3 hak, abikanggo mel hasikhe. Malaikat Allah nen yonggo pelakfisa wagarek mene omanogo ekhe pi wagaikhesik at oba kwisikhesik he, ”Kornelius,” iluk yagatikhe.

KISAH PARA RASUL 10:9

Lakfisasikhemo, it a'nogo laga lagaukwasik ohealekwe o Yope horogat kuogeluk lagu kwelek, at Petrus a'nogo linggene jam 12 samban igeluk o tum sabia tale'ma lagagarek oba lagasikhe.

KISAH PARA RASUL 12:7

A'nogo were'ma re, malaikat Tuhan yonggo pelakfisa wagarek mene omanogo ekhe ka nen heat andoma menlagunem he, o hulu senggele'ma a'nogo mondok selek ombak hokho mene hilinglagaikhe. A'nogo hilinglagaikhemo, at malaikat a'nogo nen he, Petrus eluk asuageluk abelenggen oba enggi nen elelhikhi logolik, mel yagatikhe: ”Weak-weak menlame,” iluk yagatikhemo menlagunem he, posiemanggen a'nogo enggiba nen erabisak lologo pisikhe.

KISAH PARA RASUL 3:1

Inenggi ekhe sambul he, jam 3 oba, mo hea i lageluk ugu kwelek, Petrus Yohanes emberek, afuni Allah awi wuri'mo samban ikhi lagaukwa hak uogeluk ugunem, inoba lagasukwa.

IBRANI 1:14

Allah agoromi malaikat andi inebe re, ninggi'nogo hilingitarek mene nogo. It inebe inareagun hangge mene, nit Allah nen telninabigin mene halok lebe'nisikhi logouwageluk, aren inayonggo fuluk lakfisa wagarek mene aro.

IBRANI 1:7

Nen, ekhe re, it malaikat faget mel isikhe: ”An nen it malaikat inebe o sogoi hangge hilingisogo fisigik, it yonggo lakfisigirek mene inebe endu amulok hangge hilingisogo fisigik, igirek,” iluk isikhe.

WAHYU 9:17

A'nogo holhiri'mo nen, hobuk wam kuda inom, afuni amboroba hurek mene inom, nabikanggoba yethigi. It andi inamik oba su sing itarek andi hak ugu were'ma isigi. A'nogo isigi andi re, it ekhe inasu elokhonggen endu amulok hangge mene ugu, nen, it ekhe, inasu pogot elokhonggen muli hangge mene ugu, nen, it ekhe inasu elokhonggen wei aborok hangge mene ugu, nen, inanggo kuda omanogo ungguloak he, mene olomene enu singa andi mene ungguloak hangge. Nen, inambelema nen he, endu inom, so'le inom, hendali al hangge amben weak mene enu belerang andi mene inom, wulibi waga laga.