DANIEL 8:7 - Allah Wene Fano Wene Hupla Inane

⁷ An neilenggen yerogo were'ma nen he domba ai mene a'nogo wati laga. At ebere mondok anini oba loukse'ma re domba ai mene a'nogoba houng labukhogo laga logolik, andimuk pirenet engge aremnogo somborisugunem he domba ai mene a'nogo nen yi'nogo ti'nogo hilingisu mondok elo'lek aga laga. At ebe re hambokhogo kweangma hulambet fisikhi logolik sibil-sebel isugunem he, ap ekhe nen telu re elo'legat welaga.

DANIEL 8:7 ပူးပေါင်းရင်းမြစ်များ

DANIEL 11:11

A'nogo hilingisumo re raja o selatan fikhit faget logogin mene a'nogo a'mage lagambik, aren weim karoba asi lambik raja utara fikhit mene inom yabugun. A'nogo hilingiti logolik aren it utara fikhit tentara hokhorogo raja nen lirinabigin mene omanogo mondogat mabenet fisagain.

DANIEL 7:12

A'nogo meneat he, it singa hangge mene inom, paik inum hangge mene inom, posi hangge hokho mene inom, omanogo nek he, yi mene ti mene inenggiba welaga mene andi telogo wanhesik he, Hinebe nek he, huli ti huli hineluk logoino, iluk herakfisugunem yethigi.

DANIEL 7:7

A'nogo higirik, neilenggen kumutu were'ma nen he, enggaminogo mene ekhe weinam aga, At andi omame mondok hokho mene re, inailo a'luk youk hokho la mene higi. At aik he, hokhondek mene re, posiemanggen haroweak andi hak hilingik welaga, aren senggelhungge omanogo warogo sebel fakhaluk misigam pilisikhi laga higi. Nen abu'nengge omanogo eisogen aldandam isikhi laga. It attak-attak weinam agaikha mene aremnogo re hunogoat hilingik kwelek, at andi nek he amurogoat hilingi'mo higi. At andi andimuk ungguloak oba 10 nen wilibik welaga.

DANIEL 8:10

Andimuk a'nogo ebe ekhe inom hokho aga logolik omame werek agasik he, aren tentara pogoroba mene ebe hesagalenggen omanogo inom weim yafi logolik, it omanogo inanggele'ma nen fenakwe re o kweangma hugisa pi wagasik, eisogen tandamhogo liliban isikhi laga higi.

DANIEL 8:6

A'nogo hilingi'mo kambing ai mene a'nogo nen he domba ai mene i aikmo were'ma hasigi mene a'nogo era'lu horokhogo andoma asi waga laga. A'nogo waga logolik, aniniba houng labukhogo at ebekhit wagunem hasigi.

DANIEL 8:8

Kambing ai mene a'nogo re ebe hokho aga laga. Oba nen he at ebe omame werek mene asi lagagunem andem oba re at andimuk hokho mene a'nogo sombologo lagunem higi. Andi nen obalikwe a'nogo re andimuk enggaminogo mene ngasimnurogo wulibi waga laga. Wulifunem he andimuk andem ebe lombok he efe hebelhigik amu-amu hilingik welaga.

IMAMAT 26:37

Hiren hinaselei mene inom weim yabu elo'lek agu nen hinailo nen laga logolik, aben sige enggaren talukhogo ninoasinogo iluk ogalogo lagaikharek hak yelugu-felugu lagunem tunghogo warigik, ekhe amboloba nen ekhe amboloba warigik, hilingirik laga logogun.

YOSUA 8:20

It Ai inap a'nogo inambothan ineil yetha lagaukwa re, endu hule mone'luk pogoroba lagagunem yethasukwa. Nen, Yosua inom ap esa fenakwe inom omanogo inomen ogo endu hule a'nogo yethasukwaat. Yethasukwasik he, ap esa fena omanogo nen o kota a'nogo pin arat kwagama anggasukwa. Andi anggasukwasik he Yosua inom ap esa fena omanogo inom hebekhogo laga logolik he, ap Ai mene omanogo inoarik-inoarik lagaukwa. Nen ap Israel mene o Ai oba andoma kwisukwa mene omanogo waga logolik he inabel fikhit en inoasugun iluk wagaukwama re, it ap Ai inap omanogore tulem nonghongse'ma agaukwasik inebe heise wulibu elo'lek agaikhe. Ap it mene re misik mene ogo ekhe polokhogo wulifukwa lek, inebe felelenghogo it Israel mene nen pinggi inoatukwa.