A'nogo yagatimo nen aren onggo ikhi logolik, ”Hat he an hoba wagi mene andi ebe ti'nogo faget waga iluk he fut nobagegen a? An wagi yi re, Buku Ebe weneba palek werek mene a'nogo faget yagahesigiluk wagi o. Ma re, yogondak an nekhengge sugulogo re malaikat o Persia kagalek werek mene andi ninom weim yabigin nen he lagain o. A'nogo lagunem enek he malaikat it Yunani ba kagalinarek werek mene a'nogo wesigin. Amu mene ekhe nen an lebetnea lek hak, we at malaikat Mikhael o Israel haren mene a'nogoba kagalek welagarek mene andi nen enek he elok lebetneagain o,” iluk yaganete.
DANIEL 8:21 - Allah Wene Fano Wene Hupla Inane21 Kambing ai mene andi re kerajaan Yunani ba asigin aple oba lirogo hegen, nen andimuk nganoksek eilenggen pire honggole'ma were'ma hegen andi re raja attak-attak menlasigin mene faget hegen. အခန်းကိုကြည့်ပါ။ |
DANIEL 8:21
9 ပူးပေါင်းရင်းမြစ်များ
Nen, an nen hat hoba yagahesigin mene andoma re eberogo meneat yagahesigin o,” iluk ikhe. A'nogo ikhesik Malaikat a'nogo nen ikhi logolik, ”Raja amu mene inebe henagan mene nen o Persia ba andoma ferinarek logombigen he, it inombo'ne re raja enggaminogo nek mene andi re it andem we harek oba nen at andi nek he enggi werek mene logogin. A'nogo hilingik logolik at ebe omame arik lagik, enggi werek agik, hilingirik lagik laga logombik ambisangma nen he sa omame werek sa omame werek kerajaan Yunani mene inom wal-wal ugun.
A'nogo meneat he, noe haren ferinarek welagen mene yi lek agu kwelek, ap ekhe enupogot amu mene o haren ferinarek welagen oba yi hangge lek, we omame endep mene ekhe menlasigin o. Andi nen it pire andem lek agu kwelek ekhe henaganek mene ap alik waganek obakhe tembaga mene hilingik welaga andi re ap raja hunik mene ekhe menlasigin. A'nogo menlasimbik were'ma afuni kweangma yi awi ti awi at awe a'ma logogun.
A'nogo holhirik, neilenggenat penetu were'ma nen he, it singa hangge mene inom, paik hokho mene hangge inom, inebe pire a'nogo wulibi wagaikhasik oba nen ekhe posi hangge hokho mene enu harimau wulibi waga mene re, ambot oba ogolabi sue ogolabi hangge enggaminogo hilingi'mo re, unggul he enggaminogoat hilingik welaga. A'nogo hilingi'mo at ebe mondok along palonghogo hilingi'mo higi.
Andimuk attak mene somborogo pugu kwelek andimuk ekhe ket mene weinam agunem hegen andem he, kerajaan Yunani andiba minggil-manggal aga logolik he kerajaan ebe minggilogo enggaminogo hilinglasigin mene faget hegen, oba nen he it enggaminogo andemen he kerajaan attak mene omamerek logogin andi hakhogo ekhe inomamerek logogun lek.
Yehuda re ap sikhe fisogo mene inogogwi inasikhe asuageluk inom woginabigin, nen, Israel he tok pisinget houwogeluk sikhe enggelaba lirik welagaikharek hak logouwageluk inom An nen woginabigin. Nen it afuni Sion mene re An nen karok higit woginabigin. Nen An nen he, karok andiba it afuni Yunani mene inoasi kwigin.
ကြော်ငြာတွေ