DANIEL 8:2 - Allah Wene Fano Wene Hupla Inane

² An nabikanggo andiba hugunemen he an nebe o Propinsi Elam oba nen o Susan it ap Persia inaben inawi eroma ibukota andoma welagi. Andoma nen an nebe re i Ulai horokhogo andoma mendek welagi,

DANIEL 8:2 ပူးပေါင်းရင်းမြစ်များ

KEJADIAN 10:22

At Sem en taginafikhe mene re Elam inom, Asyur inom, Arpakhsad inom, Lud inom, Aram inom taginafikhe.

KEJADIAN 14:1

Andem sambul, ap raja ekhe welagaukwa, ekhe re, enu Amrafel aiba Babylonia mene, ekhe re, Ariokh aiba Elasar mene, ekhe re, Kedorlaomer aiba Elam mene, ekhe re, Tideal aiba Goyim mene, ap raja inebe enggaminogo andem welagaukwa.

NEHEMIA 1:1

Ap Hakhalya amlogo Nehemia nen, ”An yi'nogo hilingiti lagarik,” iluk pilingisogo lisu palhikhe re, yi'nogo. Ap Artahsasta ebe afuni Persia mene inoe raja logolik 20 tahun ferinarek welagaikhesik, tahun andiba werek kwelek, tugi iren wenatarek higithogo enu Kislew oba re, an nebe o at Artahsasta nen ferinarek welagaikheba o kota Susan welagagi.

ESTER 2:8

Wene a'nogo at raja nen wulafikhemo re, helime silerik mene hokhorogo o Susan andoma andogerinafukwa. Nen at Ester ogo it inanggele'ma andoma welagaikheat. A'nogo were'ma re at ogo hondo'luk he hun raja awi silimo omanogo lagaukwasik hun Hegai it hemi inobaget kepala o istana ba andoma logolik halinafi lagaikhe mene a'nogoba lombot fei lagaukwa.

ESTER 3:15

A'nogo isukwama re it ap yonggo lakfisagarek mene omanogo nen he lisu palek a'nogo waluk weak-weak o kerajaan andiba nen propinsi omanogo mondogat ebene waluk lagaukwa. Nen at raja nen amingmingengge oba re wene melalek a'nogo re o Susan it afuni Persia mene inawi eroma andoma inom fagetukwa. A'nogo hilingitukwasik he at raja inom Haman inom he, hu'lagaukwasik i anggur amusu ninggi logolik hurek welagaukwa, oba nen he o Susan oba andoma nek he wene a'nogo faget youk kwelakfesukwasik hilingiti lagaukwa.

ESTER 7:6

Andi isikhemo Ester en onggo ikhi logolik he, ”Hun Haman anini mondok weak agun ari re nit ninaselei mene logolik, nit ninoasigin iluk hilingiri'lago mene werego!” iluk yagatikhe. Andi isikhemo at Haman a'nogo nen endawimo ailo inom-inom hun raja inom at raja agwe inom kwelagisasikhe.

ESTER 8:15

A'nogo hilingitukwasik he, at Mordekhai a'nogo raja ebe were'ma omanogo herakfuluk he su ap raja nen laberek mene eil heiselek weak mene inom, kut mene inom, oba selebensek engge a'nogo inom, su jubah yo lenan eil sakhorek meneba ugungge a'nogo inom, mahkota emas meneba hilingigengge eil ebe mene a'nogo inom pukhogo wulibi wagaikhe. A'nogo wulibi wagunem he afuni o kota Susan oba welagaukwa mene omanogo mondogaren inagaiyegeti logolik he inamit-mit suphogo inanggiluk eti lagaukwa.

ESTER 9:11

A'nogo inoatukwama re linggene a'nogo sambul enek afuni nen he ap inebe o Susan oba andoma nen wa'lagaukwa mene omanogo faget hun raja ba eluet fei lagaukwa.

ESTER 9:15

A'nogo hilingitukwasik he, it afuni Yahudi mene re tugi Adar a'nogo, tanggal 14 oba inebe o Susan kabogesi wagaukwasik ap o kota andi mene inebe 300 nen ekhe inoatukwa. A'nogo inoatukwasik andi sambul ogo iren inangge yi mene ti mene ekhe telasukwa mondok legat.

YESAYA 11:11

Linggene andi sambul he Tuhan en at omameba againafuri alinlan logogun mene o Asyur inom Mesir inom, o Patros kweang oba inom, Sudan inom, Elam inom, Babel inom, Hamat inom, i alonggen kwe yathogo werek mene omanogo mondogat woginarek inambotkwe sugulogo wesugun.

YESAYA 21:2

An nabikanggoba hugunemen he, enggin-fenggin hugu mene inom, henarogo hilingitu mene inom, oba re mondok inailo asu hak mene hilingi'mo higi. Andi nen aren ikhi logolik, hit Elam hinap esa folek welagep mene yoma re pin kwi lani o! Yago, hit Madai mene esa logalek yoma re walingisi lani! It Babel inap enggin-fenggin hilingfisagarek mene a'nogo re yogondak Allah nen arat wurep oba hilingfisageluk werek andi.

YEHEZKIEL 1:1

Nit afuni Yahudi mene nen tahun inom, tugi inom, ninenggi wenatorek higithogo, 30 tahun andiba, nen tugi 4 ogorek andiba mene tanggal 5 ba re, ap enupogot Yoyakhin enggi hele warogo waluk o Babel wagaukwasik oba nen, tahun 4 en welagagusik, tahun ekhe 5 mene were'ma re, an Busi amlogo nenu Yehezkiel Allah eisewerek mene, afuni Yahudi mene ekhe inenggi hele warogo woginarek wagaukwa mene ninom, o Babel i Kebat esanggoma andoma welagagi. A'nogo were'ma, nenggi ekhe sambul nafe morogo were'ma nen aremnogoat pogot healhunem he, nabikanggoba Allah ebe liakhasigi. A'nogo liakhugunemen he, Tuhan ane an noba ugunem holhigi, nen At ebe werek mene a'nogo omame were'ma hasigi.

YEHEZKIEL 32:24

Elam ogore, andoma salek were'ma agoromi sikhe fisogo inap aren mene nen, haningisogo kwelabek logolik werek. It inebe mondogat he inagap inenggalimo mene palek le'ma nen weim oba nen inoatama re, kweangma afuni wa'la'luk lagaikharek oba omanogo paga. It ineluk logolik afuni nen inailorinafi lagaukwa oba nen yogondak it mondogat wa'lagaikhasik, ap weim yafunem en wa'lagaikha mene omanogo inom it hilingiti lagaikha mene faget inenggali hogoin.

DANIEL 10:4

A'nogo were'ma tahun andiba tugi attak mene tanggal dua puluh empat oba werek kwelek he an nebe i Tigris hokho agai andi elanma andem mendek logolik welagi.

DANIEL 7:15

An nabikanggo a'nogo yethigi mene andi faget nailo agarik he, nendawi firogo logolik menenei uan horok ebetu welagi.

DANIEL 8:1

Hun Belsyazar raja menlagaikhesik melalinafu werek kwelek enek he tahun henaganek meneba were'ma, an nabikanggo nenggi pirenek mene hasigi.

DANIEL 8:3

Nen i a'nogo aik oba re domba ai mene misik ekhe andimuk pire uan mene wulibi'mo, andimuk andem mene misik ekhe nek he ket mene re ebe uan-awan mene wilibik welaga higi.

BILANGAN 12:6

mel yagaisasikhe: ”An nen wene yagahisagain yi hinesanggo holini o. Ap hit mene nen An nane yagaisagarek mene were'ma, An hineisena Tuhan nebe inabikanggoba inelokhoma menlagik, wene inabiba yagaisigik, igirego.

IBRANI 1:1

O attagat, at Allah nen it ap at ane yagaisikhi lagaukwa mene omanogo enggi hundik-handigat wene at ekhe yagatik, at ekhe yagatik, hunogo-hunogoat yagaisugunem he, iren nit ninambu ninombalak yagaisikhi lagaukwa.

WAHYU 9:17

A'nogo holhiri'mo nen, hobuk wam kuda inom, afuni amboroba hurek mene inom, nabikanggoba yethigi. It andi inamik oba su sing itarek andi hak ugu were'ma isigi. A'nogo isigi andi re, it ekhe inasu elokhonggen endu amulok hangge mene ugu, nen, it ekhe, inasu pogot elokhonggen muli hangge mene ugu, nen, it ekhe inasu elokhonggen wei aborok hangge mene ugu, nen, inanggo kuda omanogo ungguloak he, mene olomene enu singa andi mene ungguloak hangge. Nen, inambelema nen he, endu inom, so'le inom, hendali al hangge amben weak mene enu belerang andi mene inom, wulibi waga laga.