DANIEL 8:13 - Allah Wene Fano Wene Hupla Inane13 Andi nen an holhunemen malaikat ekhe nen ekheba ikhi logolik, ”Inabikanggo hangge meneba hegen mene andoma re ki huli nen abirengge andoma weinam asigin nogo? Ki huli nen weak hokhorogo hilingitu mene a'nogo legerasuogeluk yi mene ti mene fuluk nolhu mene erorasugun nogo? Ki huli it tentara pogoroba mene inom nen iren wene kabogeti logolik hilingitarek aiba a'nogo inom sebelogo fikhi logolik enek logogun nogo?” iluk ikhi laga. အခန်းကိုကြည့်ပါ။ |
DANIEL 8:13
38 ပူးပေါင်းရင်းမြစ်များ
At ebe re Daud en tagomangge mene ebe raja logolik ferinarek logogin. At omame mondok hokho logogin. Aren ferinarek logogin kwe andoma mondogat he liok-layokhogo nek were'ma mondok fanorogo logogun. O Aren ferinarek logogin oba andi re wene higithogo tegetu awene inom, wene melalek werek meneba inom higithogo hilingitu logolik yogondak huli nen hobuk huli andoma mondok-mondok logogin. Nineisena Tuhan Omame Mondok Hokho mene a'nogo nen andoma mondogat eberogo nek hilingisigin o,” isikhe.
A'nogo hilingiti logolik he aren ap sikhe fisogo inap esa o Tuhan awi wurik mene a'nogo emetfouwageluk lakfisikhi logogin. A'nogo lakfisugunem iren he wam yi mene ti mene linggene hundik-hundik warogo wogetu mene a'nogo leget fuluk he mondok inamel-mel mene wiik-weakhogo hilingfisaluk nongot fisagarek mene andi hilingiti logoni o, iluk ane menfikhi logogin.
Nen, haren ap malaikat mene ekhe pogoroba nen pi wagasik, mel ugunem hegenat andi: E yi ebe musimbik he legetfisano o. A'nogo meneat he e andimi nek he, posiemanggen oba inom, hele tembaga meneba inom, homagaisogo fembik he, meiso henanggikil ebene watu were'ma, wam, sapi, domba inom seberogo o leimo andoma nikhi logolik, 7 tahun logouwageluk herakfisano o, iluk ugunem hegen andi.
A'nogo higimo nen ebe furogo nelu a'le e, iluk anggugunem, at a'nogo nen mel yaganete: ”Singa hangge mene inom, paik inum hangge mene inom, posi hangge mene inom, ebe 3 mene weinam agasik oba nen ekhe weinam aga mene andi ebe re, ap raja inebe 3 mene hunogo tomogat o kweangma yoma weinam asimbik oba nen ekhe weinam asigin meneat hegen o. Afuni nen sumburu haumhogo nenggarek hak, ap enupogot andi nen, afuni o kweangma yi awi ti awi welagaikharek mene, inoarik laga logolik, fena eisogen al perelinabigin mene hegen andi.
Ap raja andi nen he, 7 tahun yi'nogo logogun, iluk afuni inebe hokhorogoat wene hobuk hunogoat u lek mene warisagain. Nen, a'nogo logolik, 3 tahun logombigen, tugi ekhe 6 en logombik he, wam yi mene ti mene Allah faget warogo noletik, wogotik, ikhi logogun mondok lego, iluk igin. A'nogo imbik, hobuk he, mondok inapsiri mene hilingitunem agaiserogo pugulugun mene Allah awi wuri'mo andoma menfoumo logogin. A'nogo were'ma, huli attagat Allah nen he, Yi'nogo hilinglasigin, iluk isikhe higithogoat, at ap inapsiri mene fikhemo werek andi weaget fagain huli inapsiri mene andi leget lasigin o,” iluk yaganete.
A'nogo hasigisik an nen malaikat ane an noba isikhe mene a'nogoba heinok wokhikhi logolik, ”Andimuk andoma re, wene ebe ninggi'nogo mene faget?” iluk yagati. A'nogo yagatimo aren onggo yaganeti logolik, ”Andimuk andoma ebere o ”kerajaan” mondok omame mene nen afuni Yehuda mene inom, Israel mene inom, Yerusalem mene inom, pugulogo nalek-falek hilingfisasukwa mene ilirenggerogo were'ma hegen o,” iluk yaganete.
Hit he, punu andi pire pelanget lasumo re fanggong kwe andi nen heise logoin. Hit he attak hun Uzia afuni Yehuda mene faget raja mendek were'ma it inombalak o lugul inailo nen heise lagaukwa a'nogo hak, hilingisugun. A'nogo hilingisumo re, an Neisena Tuhan Allah ebe re malaikat inebe mondogat inom seberogo wesugun.
A'nogo yagatikhesik, it afuni omanogo mel yagaisasikhe: ”An neisena nen yi mene ti mene mondogat eisewerek logouwageluk wo'netikhe. Nen, an Allah amlogo yi afuni mondogat inonggot meneat he, neisena Allah amuat enek elu welagarek. Andi hak he, an neisena Allah andi, afuni mondogat inonggot meneat he, amlogo an namuat enek nelu welagirego. Nen, Allah amlogo anenat nendawimo anggaluk neisena ebe afuni ekhe inelu asuageluk fakhogo yagaisugunemat inelu agaikharego.
Wene a'nogo yagaisasikhesik he, ekhe mel yagaisasikhe: ”Hiren lisu palek yi re, enu salhi logolik fanorogo futfikhi logoino o. Afuni yi enggin ti enggi inoba fagain mene andi o wesa logogin oba kwi wesimbik mendek werek halok he, afuni o Yudea tongge werek mene andoma heise pugulogo tom ebene lagauwago.
A'nogo yagatikhesik, it afuni omanogo mel yagaisasikhe: ”An neisena nen yi mene ti mene mondogat eisewerek logouwageluk wo'netikhe. Allah amlogo andi sa iluk afuni mondogat inonggot meneat he, an neisena alegat enek elu welagarek. Andi hak he, an neisena Allah andi sa, iluk afuni mondogat inonggot meneat he, amlogo an nalegat enek nelu welagirego. Nen, Allah amlogo an enat nendawimo anggalugen, neisena ebe afuni ekhe inelu asuageluk nane fakhogo yagaisigirek mene halok it andiat inelu agaikharego,” iluk, yagaisasikhe.
Afuni fena re, karok oba inoatik, fena re, hele warogo o yi awi ti awi fisa lagik, ugun o. Nen, o kota Yerusalem ari, afuni endakwe mene ineisogen alperelogo fembik, o sebeli kwi wesimbik logogun meneat he, mondok sebelek logogun lego. We, Allah nen, It afuni endakwe mene, o Yerusalem huli andi hulibaat sebelek logogun, iluk anggasikhe higithogoat logogun o,” iluk Yesus nen yagaisasikhe.
Andi hak, it afuni nen Allah amlogo meneat he, ineisogen al perelogo herakfisigik, Allah nen nit ninom hunesuogeluk Kristus wa'lagaikhe andiba amep oba fano horinafikhe meneat he, hobuk inendawimo nen sebelfigik, Allah obabut fano mene Areagun a'nogo inane asegen wokhigik, ugu halok he, wene mondok enggin mene inoba fembik weagerinabigin o.
Heinok wanhunem, at Allah nen he, ”Wene andi re, hit hinonggwarek faget he, lego. It hobuk oan mene faget hilingiti lagebo,” iluk hit fagerat isikhe. A'nogo yagaisasikhesik welagaikhesigen, hobuk Allah Areagun pogoroba nen pelakfei wagaikhemo, it ap fano wene Yesus Kristus hilingitikhe wene a'nogo yagahisoageluk hinanggele'ma logolik yogondak fakhogo yagahisili'lagwi ebe andi faget ikhi lagaukwa andi. Wene andi, it malaikat Allah nen yonggo pelakfisa wagarek mene omanogo nen he, ”Eige, nit wene andi furogo ninelu a'lo e,” iluk anggagarek.
A'nogo henggi wenasi lagain meneat he, o silimo Allah awi wuri'mo abel endakwe nek he, Allah nen it afuni at ebe inonggot mene wogisikhemo, iren o silimo andoma inom, Allah onggwarek awi kota ari inom, ineisogen al perelhu kwelek tugi 42 nen logogun. Nen, ninenggi re 1.260 nen logogun andi nen he, haren walhagain mondok lego. It a'nogo werek kwelek, an nen ap inebe pire su pelagwi su labetarek andi hak laberek logolik, an nane fakhogo yagaisikhi logouwageluk lakfisa wesigin o,” iluk yaganete.
ကြော်ငြာတွေ