A'nogo yagaisasikhesik, abi hasikhe mene andi, at eisena pilingisogo yagatikheat. Yagatikhemo, eisena nen enggali warogo wene wenageti logolik: ”Habi andi ninggi'nogo mene faget hegen? Hat hendawimo nen he, an inom, hagaisa inom, hagaila'lak inom, hat hawe a'ma wesimbik nineindep awi yagaisogo fogethabugun mene faget hegen a?” iluk wenagetikhe.
DANIEL 7:28 - Allah Wene Fano Wene Hupla Inane28 A'nogo yethigimo, ”Ebe yi'nogo hilinglasigin mene faget hegenma o,” iluk yaganete mene lisu palogo figi mene ebe re, igi andi. Mene re, at andi nen a'nogo yaganetemo, nailo agarik nelokhonggen heiselhi meneat he, wene andi mondogat afuni ekhe yagaisigi'lek nendawimo agagi andi. အခန်းကိုကြည့်ပါ။ |
DANIEL 7:28
19 ပူးပေါင်းရင်းမြစ်များ
A'nogo hilingisogo fisambik he, it raja inebe pire aremnogo e talek misik mene elokhoma hu'lasimbik nunggungge ninggi logogun, nen it inendawimo re weim abok fisogo logolik lal-lal aga logolik hilingisugun. Oba nen he, inenggi horok asi wesigin le'ma re iren hilingisugun mene andi re we sugwi asigin.
A'nogo yagatikhemo, at Daniel enu ekhe Beltsazar ikhi lagaukwa mene a'nogo nen wene andi esanggo holhikhesik youk lagaikhesik he, ailo mondok agaikhemo inukhogoat endawimo ebetu welagaikhe. A'nogo were'ma, at raja Nebukadnezar en mel yagatikhe: ”Beltsazar, an nabi higi mene andi faget inom, ebe yi'nogo hilinglasigin mene faget hegenma iluk yaganesigin andi faget inom, nailo e, iluk anggagun o,” iluk yagatikhe. A'nogo yagatikhemo, at Beltsazar en he, ”Noe. Hat habiba hilinglagunem yethegen andi ebe re it haselei mene inoba hilinglasumo re fano, noe hat hoba hilinglasi nogo.
A'nogo yagatemo re at Gabriel an nelokhe fikhit welagangge a'nogo an nera'lu asi waga. Wagunem an nailo mondok agarik noak leikhogo kweangma hulambeti. A'nogo hulambetimo at Gabriel en an noba yaganeti logolik, ”Hat ap warek hangge mene yi, haren habikanggo hegen mene andi re o wurep kobokhogo hilinglasigin mene faget hegen o,” iluk yaganete.
A'nogo yaganetemo nen he an nebe nomame lek agarik noba ou agama lingge miren hakhogo ou wanhu welagi. A'nogo ou wanhu welagarik nebe menla'luk he, nambotkwe yabu raja eabu mene omanogo hilingiti. Oba nen an nabikanggoba higi mene omanogo faget menenei hokhorogo ebeti logolik ebe furogo nelu asu lek hak hilingik welaga mene andi faget noba lebelekhogo welagi.
ကြော်ငြာတွေ