Nen, andimuk ungguloak oba ebe 10 nen wilibik andi inom, nen andimuk a'nogo wilibik were'ma, andimuk ekhe endep mene hobuk wulifunem, andimuk attak mene 3 nen mene re andimuk mage mene andi nen mi'lagama re henlaga andi. Andimuk endep mene andi eilenggen inom, ambe inom werek mene re, ane mondok hokhorogo onggwaregen fogerakhikhi laga. Andimuk wilibik mene fenakwe andi endebat elo'lek hangge mene re, ekhe mage mene andi nek he, mondok inailo asu hak andi re, Ebe ninggi'nogo hilinglasigin mene faget yethigi he? Nelu a'le e, iluk anggigiat.
DANIEL 7:19 - Allah Wene Fano Wene Hupla Inane19 A'nogo yaganete meneat he, it ekhe inebe henagan mene wulibi wagaikhasik oba nen, at ekhe hunogoat mene ebe mondok inailoet fikherek mene re, enggi a'lip tembaga mene andiba inom, aik posiemanggen mene andiba inom, weagarinafik, at ninggerek mene warogo nilik lagik, fena weagarogo eisogen wulil tagalogo potfisigik, ikhi laga andi, Ebe ninggi'nogo hilinglasigin mene faget yethigi he, nelu a'le e, iluk anggigi. အခန်းကိုကြည့်ပါ။ |
DANIEL 7:19
4 ပူးပေါင်းရင်းမြစ်များ
A'nogo higirik, neilenggen kumutu were'ma nen he, enggaminogo mene ekhe weinam aga, At andi omame mondok hokho mene re, inailo a'luk youk hokho la mene higi. At aik he, hokhondek mene re, posiemanggen haroweak andi hak hilingik welaga, aren senggelhungge omanogo warogo sebel fakhaluk misigam pilisikhi laga higi. Nen abu'nengge omanogo eisogen aldandam isikhi laga. It attak-attak weinam agaikha mene aremnogo re hunogoat hilingik kwelek, at andi nek he amurogoat hilingi'mo higi. At andi andimuk ungguloak oba 10 nen wilibik welaga.
A'nogo yethigirik, neilenggen andimuk andoma yerogo were'ma re, aremnogoat andimuk 10 nen andem werek kwelek anggele'ma andimuk ket mene ekhe wulifunem higi. Andimuk andi ebe magenggelak meneat he, andi wilifi logolik wogolik-wogolik he andimuk attak mene aremnogo henaganek mene henogo lagunem higi. Andimuk mage mene andi eilenggen afuni ineilenggen hangge werek mene re, ambeba nen fogerakhugunem higi.
ကြော်ငြာတွေ