DANIEL 7:1 - Allah Wene Fano Wene Hupla Inane

^1-2 An Daniel, ap Belsyazar afuni Babel mene inoe raja agaikhesik oba, tahun attak ferinarek welagaikhe andem oba, nenggi ekhe sambul nabikanggo yethasigisik he, nabikanggo yethasigi mene andi lisu palogo fesigi mene ebe re, yi: Sogoi o mo ero fikhiren, erembul fikhiren, i elesi fikhiren, ambut fikhiren, aninirogo funha waga logolik, i laut hokho yenggelek a'nogo abologet hugunem he, ha'labu hokho mene hilingitunem higi.

DANIEL 7:1 ပူးပေါင်းရင်းမြစ်များ

KEJADIAN 15:1

A'nogo hilingitukwasik oba nen, At Tuhan nen Abram elokhoma weinam asi wagaikhesik ane yagati logoik: ”Abram, hailo agun o. Hoasuogeluk ugu halok An nen fetharek logolik, onggo hokho mene wokhesigin o,” iluk yagatikhe.

KEJADIAN 46:2

Noletikhesik, nogo ugunem Allah nen he, abikanggo oba mel yagatikhe: ”Yakub, Yakub,” iluk yagatikhemo aren he, ”Wu! welagi, neisena,” iluk yagatikhe.

AYUB 4:13

O hubanggo nogo tukhogo ugunem, inabi weak mene hugunem inelugetfisagarek andi hak, at andi nen a'nogo yaganetunem,

YESAYA 30:8

Allah nen an mimingnafi logolik he, againafuri nen weak hilingitarek mene andi hundik-handik eberek mondok werek mene faget buku misik ekheba palogo fein o, iluk mimingnafe.

YESAYA 8:1

Tuhan nen an yaganeti logolik, ”Helep hokho mene lisu palogo fugu mene ekhe wanimbik he lisu obalik hokhorogo yi'nogo palfeino: ”Sorom weak-weak laluk he, yi mene ti mene weak-weak telhu mene,” iluk lisu palfeino o.

YEREMIA 23:28

Ap nabi inabi wokhagarek mene andi nen he, ”Yi re nabi wokhigi o,” iluk ikhi logou mene. It he nabi An nen nane ugu mene holiluk halok he wene andi ibi-eberogo mene nek yagaisikhi logou mene o. Gandum he jerami inom higirap esumo re elo'lek.

YEREMIA 27:7

Yi afuni ti afuni inunggulenu lombogen he at obaget hilingitik, at amlogo obaget hilingitik, at omba obaget hilingitik, ugu werek kwelek enek he, o kweang andi sebelasigin huli andoma logogin. Andem sambul he it inunggulenu Babel mene re inunggulenu inomame werek mene andoma inoba inom, raja hokho mene inoba inom inobaget hilingiti logogun.

YEREMIA 36:32

A'nogo ikhemo re an nen buku yinggilik ket mene ekhe wanhirik he, an nobaget lisu palherek mene hun Barukh a'nogo wogetimo aren he an nen naneba ugu mene omanogo mondogat palogo fikhe, andi aren buku attak meneba palek welaga mene inom nen wene hobuk ane omame mene ekhe inomat palogo fikhe.

YEREMIA 36:4

A'nogo ikhe andiba re an nen hun Barukh ap Neria amlogo a'nogo woletigisik he Tuhan nen an noba ikhe mene omanogo naneba a'nogo yagatimo re at Barukh en he buku yinggilik mene a'nogoba palfikhe.

YEHEZKIEL 1:1

Nit afuni Yahudi mene nen tahun inom, tugi inom, ninenggi wenatorek higithogo, 30 tahun andiba, nen tugi 4 ogorek andiba mene tanggal 5 ba re, ap enupogot Yoyakhin enggi hele warogo waluk o Babel wagaukwasik oba nen, tahun 4 en welagagusik, tahun ekhe 5 mene were'ma re, an Busi amlogo nenu Yehezkiel Allah eisewerek mene, afuni Yahudi mene ekhe inenggi hele warogo woginarek wagaukwa mene ninom, o Babel i Kebat esanggoma andoma welagagi. A'nogo were'ma, nenggi ekhe sambul nafe morogo were'ma nen aremnogoat pogot healhunem he, nabikanggoba Allah ebe liakhasigi. A'nogo liakhugunemen he, Tuhan ane an noba ugunem holhigi, nen At ebe werek mene a'nogo omame were'ma hasigi.

YEHEZKIEL 40:2

An nabikanggo ekhe wokhugunemen he Allah nen an wo'narek kweang Israel meneba lagasik punu uan meneba nobagai laga. Ma re an nelokhe fikhiren kwelakhugunemen he o wurik ekhe kabokhogo wuri'mo obabut he kota higit halogo were'ma higi.

DANIEL 1:17

A'nogo wogisugu kwelek Allah nen he ap alage inebe enggaminogo mene aremnogo yi wene ti wene lisu palek mene andi inelu agik, inendawinggen mondok kagalek mene hilinglasuageluk hilinginafikhesik, at Daniel enek he, inabikanggo hagarek mene inom ineil fenggenek logolik inabi higit hagarek mene inom, Ebe ti'nogo hilinglasigin mene faget hegenma o, iluk higithogo yagaisikhi logouwagaluk wogotikhe.

DANIEL 2:1

Ap Nebukadnezar raja agaikhesik oba nen tahun misik ferinarek welagaikhesigen, tahun ekhe pirenek meneba ferinarek logolik, o hubanggo ekhe sambul abi hasikhe. A'nogo hasikhesik, abi hasikhe mene andi, ”Ebe ninggi'nogo mene higi he,” iluk endawimo ebetu mondok logolik nogo igi'lek welagaikhe.

DANIEL 2:26

A'nogo yagatikhemo, at raja nen Daniel enu ekhe Beltsazar ikhi lagaukwa mene a'nogo oba mel yagatikhe: ”Haren an nabi higi mene andi ebe pilingisogo yaganetik, ebe yi'nogo hilinglasigin mene faget hegenma, iluk yaganetik, umo eloga?” iluk heinok wokhasikhe.

DANIEL 4:13

A'nogo yethigirik nendawimo ebetu were'ma nen he, ap malaikat misigenek mene tegelek mondok logolik kagalek welagarek mene pogoroba nen pi wagunem yethigi.

DANIEL 4:5

A'nogo meneba nen, nenggi ekhe sambul he nogo igirek oba nogogunemen he, an nabikanggo ekhe mondok inailo asu hak mene higirik, nendawinggen mondok fite.

DANIEL 5:1

A'nogo isikhesik welagaukwasigen, inenggi ekhe sambul he at raja Belsyazar en pesta hokho mene hilingisigiluk ap kaindek-kaindek inebe 1.000 nen mene inayonggo fesikhemo wagaukwama inom logolik, i anggur amusu inom ninggi lagaukwa.

DANIEL 5:22

A'nogo meneat he, at amlogo noe hat Belsyazar en he, wene andi mondogat helu logolik meneat he, hendawinggen sebel fakhugu aplere mondogat habit welagen andi.

DANIEL 5:30

A'nogo yagaisasikhesik were'ma, o hubanggo andi sambul, it afuni Babel mene inoe raja Belsyazar a'nogo ebe watukwa.

DANIEL 7:13

O hubanggo andi sambul nabikanggo a'nogo yethigirik, neilenggen oba mondok were'ma nen At ekhe abat ta'lagaikhe mene ohena oba huli'liphogo re, At eluk mondok welagarek mene a'nogo oba higit lagasik he, era'lu horokhogo lagasik hai wat-wat ugunem yethigi.

DANIEL 7:15

An nabikanggo a'nogo yethigi mene andi faget nailo agarik he, nendawi firogo logolik menenei uan horok ebetu welagi.

DANIEL 7:7

A'nogo higirik, neilenggen kumutu were'ma nen he, enggaminogo mene ekhe weinam aga, At andi omame mondok hokho mene re, inailo a'luk youk hokho la mene higi. At aik he, hokhondek mene re, posiemanggen haroweak andi hak hilingik welaga, aren senggelhungge omanogo warogo sebel fakhaluk misigam pilisikhi laga higi. Nen abu'nengge omanogo eisogen aldandam isikhi laga. It attak-attak weinam agaikha mene aremnogo re hunogoat hilingik kwelek, at andi nek he amurogoat hilingi'mo higi. At andi andimuk ungguloak oba 10 nen wilibik welaga.

DANIEL 8:1

Hun Belsyazar raja menlagaikhesik melalinafu werek kwelek enek he tahun henaganek meneba were'ma, an nabikanggo nenggi pirenek mene hasigi.

YOEL 2:28

A'nogo yagaisasikhesik ekhe mel isikhe: ”A'nogo hilinglasimbik oba nen An nawi andi wei ugunem he, Nareagun hokhorogo afuni mondogat inoba pelagisa wesigin o. A'nogo pelagisa wesumo re inagainafuri ap inom, helime yenggerugwi inom, inomen an nane yagaisikhi logogun. Nen, inaluendek hinanggelekwe logogun mene andoma inabi higik, ap souge inom, helime silerik inom inabikanggoba yagaisigik, ikhi logogun aro.

AMOS 3:7

At nineisena Tuhan Lego Mondok welagarek mene a'nogo nen he, An yi'nogo hilingisigin, iluk ap At amingmingengge ane yagaisagarek mene andoma inoba fakhogo yagaisigi'lek ekhe hilingitirek mondok lego.

HABAKUK 2:2

iluk igimo, Tuhan nen wene onggo mel yaganete: ”Kweang tangge meneba An nen yagahesigin mene andi enegenggerogo hugu mene faget hesesengge weinamhogo wokfeino o.

BILANGAN 12:6

mel yagaisasikhe: ”An nen wene yagahisagain yi hinesanggo holini o. Ap hit mene nen An nane yagaisagarek mene were'ma, An hineisena Tuhan nebe inabikanggoba inelokhoma menlagik, wene inabiba yagaisigik, igirego.

ROMA 15:4

Allah ane lisu palek andiba re, ninafe morogo welagik, ninendawimo fano agik, ogorek andi nen he: ”Fano asigin,” iluk Allah oba eberek logouwageluk, nirat komorogo Allah aneba fageat lisu palogo fesukwa andi.

2 KORINTUS 12:1

An fogerakhilik waga lagi mene andi re, u lek meneat he, fogerakhagain aro. Ninoe Enupogoren an neilenggen hoageluk yaganetemo nabikanggo higik, nobabut oba higik, hasigi mene igin o.

WAHYU 1:19

An a'nogo welagi andi nen he, heilenggen hegen mene yi wene ti wene yogondak ya hilinglari'logo mene inom, hobuk hilinglasigin mene inom, mondogat lisu palin o.

WAHYU 10:4

Unggunggu ane a'nogo ugunem he, an lisu paligeluk igi meneat he, pogoroba nen mel yaganeta: ”Unggunggu ane 7 nen ugunem hesanggo holhen mene andi, lisu paligin lego. We, hendawimo kamo ino,” iluk yaganetama holhirik he, kamo igi.