DANIEL 6:4 - Allah Wene Fano Wene Hupla Inane

⁴ A'nogo menfisasikhemo, it ap gubernur omanogo inom, ap it gubernur lak ineabu wokfuluk inoe raja yagasi waga lagaukwa mene aremnogo inom, inomen he inobabut endebat elo'lek hangge meneat he, at Daniel enek he obabut higit logolik fano mondok hilingiti lagaikhe andi nen he, at raja nen afuni o ekhema-ekhema ferinarek welagaikhe kwe omanogo mondogat faget, ”Inoe kain he Daniel logouwagaluk menfagain,” iluk endawimo anggasikhe.

DANIEL 6:4 ပူးပေါင်းရင်းမြစ်များ

KEJADIAN 41:38

A'nogo isukwasik at raja Firaun nen agoromi mel yagaisasikhe: ”At Yusuf Allah Areagun endawimo logolik yagatunem ili'logo andi nen, yabu andi aren higit hilingisigin werek andi hangge ap ekhe hunogoat mene koma mene herasugun anggegep. Mondok lego,” iluk yagaisasikhe.

KEJADIAN 43:18

Fisa lagaikhemo at Yusuf aiba kwikhi logolik he inailo agaukwasik iren anggikhi logolik, ”Nit o yi wo'ninarek wagaikha yire attak wagagu mene a'nogoba uang su karung elema nen herato mene a'nogo faget wo'ninarek wagaikha. Enggere ferekhogo fakninobagambik ninanggo keledai omanogo helikhi logolik nit ninebere inamingmingengge hilingninabugun he a?” iluk andi anggasukwa.

AMSAL 29:27

Ap fano hilingiterek mene re ap weak hilingitarek mene inom endawi hundik welagarek lek, ap weak hilingitarek mene nen ap higithogo hilingitarek mene inoba ina'mage fagarek.

PENGKHOTBAH 4:4

An nen ekhe nelu mene re yi: It afuni nen yabu inomamerogo wanharek andi re it inom siok erarek mene andoma ineabu ambisangma weregen ina'ma weagen hilingitarek. Andi re we sogoi murok lagaikharek hak alomarogo hilingitarek.

YEREMIA 18:18

Afuni nen ikhi logolik, ”Nit he ninebe seberogo nenat Yeremia pelabuogen he awene paluogen we'ni o. Allah ane andi re at amu nen yagaisoageluk werek fuk. Lego, At ane yaganisugu mene re it ap imam werek hilingi'mo re iren yanggulninafik, it ap inendawinggen wenggelek mene nen komo wene yaganisigik, ikhi logogun o, nen it ap nabi nen he Allah ane ugu mene omanogo yaganisikhi logogun aro. Andi nen he niren at ane ugunem holhi logogun lek enggere, wene katokhogo palharek oba omanogo hele warogo waluk louwogo,” iluk isukwa.

YEREMIA 18:23

Oba nen he Tuhan neisena, iren an neiloak legabesuogeluk wene melali'lagwi mene andoma Hat mondogat helu welagen. Andiba re, Haren it inaweak sagalogo legetfisigik, honggoret fisigik, u fugo. It yei warogo hilingfisano o. Hat haniniba it inoba a'nogo hilingfisano,” iluk samban isigi.

YEREMIA 20:10

It afuni ekhekwe-ekhekwe mondogat inane nguluk habuk ikhi logolik, ”Yikwe tikwe mondogat youk kwelaklagama inailo nek agasik inoak leigeri'lagwi o! Niren at ari faget ap inalong werek inap inoba yagaisa louwogo!” iluk ili'lagwi. Nen, it an ninom fano hundik welago mene nen ogore, at ki sambul weak hilingisigin iluk nenangot nafu weregat. Iren ikhi logolik, ”Niren nina'mage lagagunem sebelhikhi lago mene oma faget ambisangma at oba ogo hilingfogoin o, oba nen he niren at endawinggen wanimbik hilingisugun oba nek he, elok mabenet fogoin o,” iluk ili'lagwi.

YEREMIA 29:7

Hiren yabu hilingiti logolik he o An nen hukhinabi lagagiba andoma fano logobagaigeluk hilingiti logoino. O kota-kota andoma inawene faget An noba samban ikhi logoino, andi re kota-kota andoma sik pik igin halok he hirogo hinebe sik pikhogo wialasugun o.

DANIEL 3:8

At raja nen a'nogo isikhe andiba re, ap o Babel mene ekhe nen afuni Yahudi mene, ”Hit weak,” iluk wene inoba fouwogeluk isukwa.

DANIEL 5:12

Ap andi re ungguloa'ma mondok kwe hurik nen endawinggen mondok kagalek logolik yi wene ti wene mondogat elu hilingi'mo re, inabi hagarek mene, Ebe yi'nogo hilinglasigin mene faget hegenma iluk yagaisigik, ebe hinago mene fakhogo yagaisigik, yi wene ti wene onggo u mondok elo'lek mene elok yagaisigik, ikherek mene enu Daniel ikhi lagaukwa mene re, at enupogoren Beltsazar salhikhe agun andi werego. Ma re, aren lisu palek mene andi, Ebe yi'nogo hilinglasigin mene faget palek werek, iluk yagahesuagen he, wolhan o,” iluk yagatikhe.

DANIEL 6:22

Heinok a'nogo wokhasikhemo, at Daniel en he, mel yagatikhe: ”Henupogot mene noe. Hebe heluk mondok logoino o.

MATIUS 26:4

Yesus eil lagalogo fakfuluk wasuogeluk weim abok ikhi lagaukwa.

LUKAS 20:20

Kamo isukwasik hobuk, aren ane igin oba ebe enggin oba fouwogeluk, at gubernur afuni ferinarek logolik wene inoba figik, kotik, ikherek mene eisewerek mene nen wene oba fouwageluk, ap ekhe inobabut fano hangge Yesus ineil wani loageluk lakfisa wagaukwa.

LUKAS 20:26

A'nogo yagaisikhi lagaikhemo, afuni ineilhanem ane ikhe mene a'nogo wene oba fou mene elo'lek agaikhemo, iren he: ”Wene onggo higithogo ikhe andi ninailo e!” iluk, inane igi'lek kamo isukwa.

LUKAS 22:2

it ap Allah eisewerek mene inogogwi kaindek inom, Allah ane lisu palek eisewerek mene inom, afuni mondogat inailo nen he, ”Yesus wene ninggi'nogo oba fembik wasuok he,” iluk weim abok ikhi lagaukwa.

YOHANES 19:4

A'nogo wati lagaukwama, at Pilatus a'nogo hobuk it ap Yahudi mene isa wulibi wagaikhesik he mel yagaisasikhe: ”Ap yi sani. Yethani! At wene oba fegep mene pilingiti menere, at weak ekhe hilingitemo higi mondok lek mene andi hit hinelu asubagaigen iluk wulakhisa wagi o,” iluk yagaisasikhemo,

2 KORINTUS 11:12

It ekhe Kristus nen inayonggo fuluk lakfisa wagaikhe mene hangge wagaikhasik hilingiri'lagwi mene andi nen he: ”Nit Paulus ninom higiro,” iluk ikhi logolik fogerakhili'lagwi mene andi, inane lek asuageluk an yogondak hilingiti lagi mene yi re, hilingito mondok logogino.

1 TIMOTIUS 5:14

Halok he, it hemi sogwe ekhe Iblis ombo'ne kwanirogo hela lagaikha andi nen, it ekhe nit Allah againafuri ninom weim palek hangge mene nen ninabok weak palinogo iluk, it hemi sogwe tugum mene andi, inaguni lombok woginapluk he, ineagwi tagaisogo fanorogo tegelogo ferinarek logouwageluk igi andi.

TITUS 2:8

A'nogo yagaisugunem, it ekhe wene andi inabit mene nen, ”It weak hilingita,” iluk, wene nit ninoba le'maat ugunem, inenggali asuageluk, ebe wene fanotninaferek wene a'nogo, weak ugun lek mene andiat, yagaisikhi logoino.

1 PETRUS 2:12

It afuni endakwe mene Allah inonggot mene hinom logolik, iren he, hit weak hilingiti lagep mene halok, ”It weak hilingiri'lagwi o,” iluk hinabok weak ikhi logoligat he, hit hinobabut fano hilingitunem ineilenggen hisikhi logombik he, afuni nen at Allah ebe hobuk wagunem fogerasuageluk hit hinobabut higithogo hilingiti logoino o.

1 PETRUS 3:16

hinane liokhogo hai warogo yagaisikhi logoino. A'nogo yagaisikhi logolik, hinendawimo nen he, ”An wene noba selego,” iluk anggikhi logolik, Kristus hinom hundik logolik, fano hilingitunem, afuni nen hinabok weak palugun mene andi ineilenggen hisaluk inenggali asuguno.

HAKIM–HAKIM 14:4

A'nogo hilingitukwa andem sambul he, afuni Filistin mene nen Israel mene ferinarek welagaukwa andi nen, At Tuhan nen he, ”Afuni Filistin mene andi ninggi'nogoba nen inoa'le e,” iluk anggikhi logolik, ”At Simson nen a'nogo hilingisuak,” iluk endawimo kagalhu kwelegat Simson isikhe meneat he, at eisena onggot welagaikhe.

1 SAMUEL 12:4

A'nogo yagaisasikhemo, it afuni omanogo nen he, ”Nineisena, haren heranen wene lalninafik, mep lagik-lagokhogo hilingninafik, yi mene ti mene nit mene heligik, ikhi lagen mondok lego,” iluk yagatukwa.

1 SAMUEL 18:14

Nen, at Daud nineisena Tuhan nen lebethugu kwelek nogo nen he, yi aple ti aple hilingitunem, fano nek aga lagaikhe.

1 SAMUEL 22:14

A'nogo isikhemo at Ahimelekh en ikhi logolik he, ”Andiba nen he, at Daud andi re hun hat hagoromi sikhe fisogo mene inogogwi lego mene perwira omanogo nen mondok tiphogo nek hilingitarek mene re athe lek nogo a? At andi re hun hat honggwarek heamal, nen hat honggwarek kagalharek mene omanogo inoe, nen hun hat hawi silimo welagaikharek mene mondogaren at enek he, along anggikhi logolik legeisogo fikhi lagep mene o.