DANIEL 6:24 - Allah Wene Fano Wene Hupla Inane

²⁴ A'nogo yagatikhemo, at raja endawimo agaiyek mondok agaikhesik he, ap ekhe nen Daniel pogolema singa werek oba a'nogo nen kwe lombit hurogo liakfei wesuwageluk yagaisasikhe. A'nogo yagaisasikhemo, arat liakfei wagaukwasik, ineilenggen kwelakhasukwa re, at Daniel endawinggen eisena Allah oba himbiret fuluk welagaikhe andi nen he, oba yi'nogo ti'nogo ekhe hilinglagaikhe le'ma hasukwa.

DANIEL 6:24 ပူးပေါင်းရင်းမြစ်များ

2 RAJA-RAJA 14:6

A'nogo inoatikheba nen he, it inoatikhe mene andoma inagainafuri faget enek he, Tuhan awene melalek buku Musa nen palhikhe mene a'nogoba palek werek higithogo re, ”It inagainafuri nen weak hilingitu halok weak hilingitu onggo iluk inesugwi inoasu fuk, nen it inagaisawi weak hilingitu halok weak onggo iluk inagainafuri inoasu fuk. Afuni inebe lombok inonggwarek hilingitu onggo nek wene inoba fuluk inoasugun o,” iluk palek werek mene a'nogo higithogo re, againafuri omanogo inoatukwa lek.

ESTER 7:10

Andi yagaisasikhemo re, iren hun Haman a'nogo e hilingik hun Mordekhai warogo fuguba iluk fougetikhe mene a'nogoba paku warogo fei lagaukwa. A'nogo hilingitukwama nek he raja a'mage lagasikhe mene a'nogo lombuk isikhe.

ESTER 9:25

Oba nen, he Ester en hun raja were'ma yagasi kwisikhemo re, raja nen wene melalek palogo wulafikheba re, at Haman onggwarek oba asi wagaikhemo, andiba at ebe inom, it againafuri re e ap porogo fisagarek oba omanogo porogo fisasukwa andi.

MAZMUR 54:5

It ap pok mene andoma nen an noasuogeluk hilingiri'lagwi, nen afuni foget fakhagarek mene andoma nen an neiloak leget nobagauwogeluk hilingiri'lagwiat, nen iren he Allah hoba ebetarek werek mondok lek,

AMSAL 11:8

Ap fano hilingitarek mene andi re inoba nonghonghogo hilingi'mo telogo fisikherek, afuni weak hilingitarek mene andi re yi enggin ti enggin inoba agu mondok welagaikharek.

AMSAL 19:9

Ap wene tiphogo pilingitarek oba omanogo nen ineranhogo wene agarek mene andi re ebe unggum woge'luk eiloak leget fogoin.

YESAYA 38:13

O hubanggo re an nebe ouen nane kweti lagi, nen an noak he mene singa nen halumet hugunem hakhogo nafunem, an nen anggikhi logolik he neluk welagi mene a'nogo Allah nen arat wurep oba hilingnobagaikhe higi, iluk anggigiba nen o.

DANIEL 3:22

At enupogoren ane ninghogoat, endu aik mondok hokho mene nonggwalino o iluk yagaisasikhemo nogo nen he endu aik mondok hokhorogo nunggunem a'nogo, ap tentara mene it Sadrakh inom, Mesakh inom, Abednego inom, inebe hambokhogo endu amulok lagagunem a'nogo kwelaginabugun iluk woginarek lagaukwa mene aremnogo re endu andi aigen inebe mondok pinggi yagaukhogo inoatikhemo wa'lagaukwa.

ULANGAN 24:16

Nen, inagainafuri weak hilingisugun oba inesugwi inagaisawi wene inoba fuluk inebe pinggi inoasugun lego. Nen, inesugwi inagaisawi weak hilingisugun oba inagainafuri wene inoba fuluk inebe pinggi inoasugun legaro. We, it inebe lombok weak hilingisugun halok inonggwarek inenggi elugun oba inebeat inoasugun o.