DANIEL 6:23 - Allah Wene Fano Wene Hupla Inane

²³ An hamingmingengge neisena Allah andi re, an nen hat hoba ekhe weak hilingisogo figik, At oba ogo weak hilingitik, igi'lek mene andi re, at elu andi nen he, agoromi malaikat mene ekhe ayonggo fikhesik pelakfisa wagama singa ambe te'met fikhemo yi'nogo ti'nogo ekhe hilingnafi'lego, noe,” iluk yagatikhe.

DANIEL 6:23 ပူးပေါင်းရင်းမြစ်များ

1RAJA-RAJA 5:7

A'nogo yagasi lagaukwama re, at Hiram esanggo holhikhesik he endawimo agaiyek agaikhesik aren ikhi logolik he, at Daud amlogo endawinggen mondok kagalek mene andi afuni inebe hokhorogo andoma melalinafi logouwageluk wogetikhe andi nen he, ”Yogondak yiba Tuhan fogerasuogo,” iluk isikhe.

1 TAWARIKH 5:20

It ap weim yafu aple inelu mondok welagaikhe inap andoma nen he, ”Allah nineisena, Haren lebetnisan o,” iluk kino yagatukwama, Allah nen he iren yagatukwa mene a'nogo higithogo esanggo holhikhesik he, it ap Hagri inap inom, it fena inebe misik sebe iluk inebikhit weim yabi kwi waga lagaukwa mene omanogo inom, inoba inomame leget fisasikhesik he, inalonget fisasikhe.

2 TAWARIKH 20:20

A'nogo hilingitukwasik hubet o weigiluk ugu kwelek, it afuni a'nogo wulibi lagaukwasik he o Tekoa horokhogo leimo omanogo lagaukwa. It lagunem he at Yosafat en wene inoba fikhi logolik he, yi'nogo yagaisasikhe, ”Yago hit afuni Yehuda mene inom, nen Yerusalem mene inom, hit logoin mene andi ambisangma fano agunem hogoin enggere, hit hineisugwi nabi nen yagahisaga mene andi furogo wanino. Nen, it hinaselei mene wagu halok hinendawinggen hambukhogo logobagaigen he, hit hineisena Tuhan Allah ba hinendawinggen tibet feino!” iluk yagaisasikhe.

MAZMUR 18:21

An nobabut oba eberogo mene nek hilingiti lagimo re At Tuhan nen onggo higithogo nek hilingnobagali'lago, nen an weak mene ekhe hilingiti lagi lek andi nen he Aren an fanotnobagali'lago.

MAZMUR 37:40

It afuni inobabut fano hilingitarek mene andi re, inebe Allah awe a'ma kuluk welagaikharek andi nen he, it afuni weak hilingitarek mene andi nen inoasuogoluk ugunem, At Allah nen leberisaluk telinaferego.

KELUARAN 18:9

Andoma mondogat tindelhikhemo holhikhesik he, Yitro agaiyek hokho mene agaikhesik he,

AMSAL 18:10

Tuhan andi re o anduli uanhogo pelabe'ma omamerogo welagarek higit werek, andoma ap eberogo hilingitarek mene lagunem inili waganogo fanorogo logogun.

YESAYA 26:3

Tuhan, ap endawinggen hambuksek mene andi re Hat hoba endawinggen eberogo anggaluk hilingitunem he Haren at oba endawinggen hambukhogo, ailo legengge logouwageluk wogeti lagen.

DANIEL 3:17

Ma re, haren ninebe endu amulok wabunak nunggunem andi kwelakninobagegen halok, nit nineisena Allah fogeratorek mene andi nen, hat homameba endumo kwelakninobagagunem, Aren elok telninabigin aro.

DANIEL 3:25

A'nogo yagatukwama, at raja nen he, ”A'nogo meneat he, ap inebe enggaminogo mene endu amulok anggelekwe lagik-wagik ugunem yethigi andiri! It inebene mel inagambut mel palek legat welagaikha. Nen it inebe henagan aremnogo werek kwelek he, at ekhe andi ebe afuni nen, ’Nineisena ebe yi aro,’ iluk fogeratarek mene hangge were'ma higi aro,” iluk yagaisasikhe.

DANIEL 6:14

A'nogo yagaisasikhemo, iren he, at raja mel yagatukwa: ”Noe, afuni Yehuda mene inenggi hele warogo woginarek wagaukwa mene omanogo mene ap ekhe enu Daniel a'nogo nen hat hebe endawimo sebelhobagaikhesik he, wene ero haren wulafen mene a'nogo serametfikhesik, o lingge misik sambul he samban enggi altap henagan oba Allah ayonggo fugu mondok werego,” iluk yagatukwa.

DANIEL 6:18

A'nogo pelakfesikhesik helep hokho misigenek mene waluk wagaukwama re, pogole singa werek oba a'nogo kwe ambe to'mot fesikhesik he, ”Afuni ekhe nen Daniel kwe ambe hurogo wulakfei wesugun mondok lego,” iluk kwe sou yagarek a'nogoba, cap at raja mene inom, it ap kaindek mene inom, fesukwasik te'mekhogo yagarogo fesikhe.

MARKUS 9:23

A'nogo yagatikhemo re, at Yesus nen he, mel yagatikhe: ”Haren he, elok hilingisigin halok he, hilingisin, iluk yaganeten andi nenahalok. Afuni inendawinggen Allah oba eberogo himbiret fuluk yi mene ti mene elok hilingisigin enego,” iluk yagatikhemo,

IBRANI 11:33

It andi mondogat inendawinggen Allah oba himbirik welagaukwa andiba, it o ekhe inom weim yafi logolik, inogogwi kaindek inenupogot mene sebelfisaluk inawi sebelhi lagaukwa. Inobabut higithogo hilingiti lagaukwama, Allah nen he, ”Hit hobuk fano mene wokhisagain,” iluk abok yagaisasikhe mene andi, ebe wanhi lagaukwaat. Mene olomene hangge singa obabut weak mene andi ambe to'motik,