DANIEL 6:22 - Allah Wene Fano Wene Hupla Inane

²² Heinok a'nogo wokhasikhemo, at Daniel en he, mel yagatikhe: ”Henupogot mene noe. Hebe heluk mondok logoino o.

DANIEL 6:22 ပူးပေါင်းရင်းမြစ်များ

2 SAMUEL 22:7

An nendawinggen firik logolik Neisena Tuhan enu hombuk palhi lagi. An neisena Allah nen lebetnabuageluk nane kweti lagi. At Aiba nen an nane igirek mene esanggo holheresik he, Aren higithogo lebetniikherek

1RAJA-RAJA 13:28

At ebe lagunem en he nabi Yahuda mene a'nogo warek he ebekhalem aremnogo warek were'ma keledai inom singa inom ogo era'lu aremnogo welagaukwaat. Singa andi nen he, keledai a'nogo ogo ap warek a'nogo ogo senggelinafikhesik nasikhe lek.

2 TAWARIKH 32:21

A'nogo samban isukwama re linggene misik sambul he, Tuhan nen it afuni Asyur mene inogogwi perwira omanogo inoasuageluk malaikat misik ekhe lakfei wagaikhemo re, mondagat inoasi wagaikhe. It a'nogo inoarik lagunem he hun raja a'nogo enggali mondok hokho mene agaikhesik he, aiba o Asyur omanogo ambotkwe lagaikhe. Oba nen he linggene misik sambul ekhe re at alegenek anggembu aiba omanogo kwisikhesik were'ma nen he, at onggwarek againafuri inebe fenakwe ekhe wagaukwasik he at ebe karok oba pinggi watukwa.

MAZMUR 118:28

Hat he an neisena Allah welagen, andi nen he, an nen hai wathafi lagi. Neisena Allah legeisogo hobagakhi lagi.

MAZMUR 26:6

An weak hilingiti lagi lek iluk enegenggerogo re nebe horaluk, wuni Hat fogethafu awuni watik,

MAZMUR 31:14

Ekhe kwe-ekhe kwe mondogat namel-melhogo nek hilingi'mo re, it naselei mene nen inane nguluk habuk ugu mene andoma nesanggo holhi lagi. Nen, iren inane misik seberogo makfuluk he an noasugun iluk nanggomo pali'lagwi.

MAZMUR 34:7

Afuni inonggwaregen hilingisu elo'lek mene nen Tuhan ayonggo fugunem, enggin-fenggin inoba werek mene mondogat he Aren leget fikherek.

MAZMUR 38:21

An nen fano mene nek hilingiti lagimo re, ap weak mene hilingitunem hebekhogo fano hilingfisugu mene omanogo nen an naselei mene hangge ari'lagwi.

MAZMUR 84:11

Nineisena Tuhan Allah, hawe a'ma fetninarek welagendek mene, nit hagainafuri ninebe hendawi nen, fano mene wo'nisigik, agaugwet ninafik, hilingninafi lagen. It afuni weak hilingiti'lek tegelek logolik hoba we'luk, fano mene kino yagahetunem, ”Wokhisagain nabit,” ikhi lagen lek. O ekhe amumo yoma, ninenggi seribu oba logogun andi weak mene re, ninenggi misik oba Hat hawi wuri'mo andoma logogun andi nek he esin mondogo. It afuni weak hilingitarek mene, inaiba welagi'lek, neisena Allah hawi wuri'mo, kweba kagalek logogun andi mondok esin andi nen he, an nen wenakhigi andi o.

YESAYA 3:10

Tuhan nen ikhi logolik he, ”Afuni An noba tiphogo hilingiri'lagwi mene andoma inoba re hinagap telhinabigin enggere hinagaiyekhogo logoni iluk yagaisikhi logoino. Nen, it he inangge yi mene ti mene likhak yugulogo yatarek mene andoma ninggi logogun.

YESAYA 63:9

it inoba enggin-fenggin hagarek mene a'nogo re At oba aga. Tuhan ebe nenat it inebe telinabi waga, nen inobali'mo iluk ap yonggo lakfisagarek andi hak lak fisa wagi'lek. At amu nenat it inelagaik isaluk endawi hundik hilinginafikhesik he fikhalogo fisasikhe. Attagen engge Aren hambogoisogo woginafik, agaumo felikhogo woginarek lagik ikhi laga.

YEREMIA 37:18

A'nogo igirik an nen heinok wokhikhi logolik, ”An nen na'mageba neisena hat hoba inom, afuni hat ha'ma logolik yabu hilingiri'lagwi mene inom, athe afuni we mene inoba inom weak ninggi'nogo mene hilingitimo an nebe hele warogo kwelaknobagegep nogo?

DANIEL 3:28

A'nogo isasukwasik, at raja nen mel isikhe: ”Allah Enupogot Sadrakh inom, Mesakh inom, Abednego inomen fogeratarek mene andiat fogerati logouwogo. It he afuni nen, Nineisena ebe yi aro, iluk fogeratarek mene andi fogerasu inabit logolik, we it ineisena Allah it fogeratarek mene andi nek fogerasugun iluk inendawinggen at oba himbiret fuluk logolik, Ninebe ninoasugun halok fano aro, iluk an nen wene ero wulafi mene herakfisagama, wene inoba figi meneat he, At Allah nen amingmingengge inebe henagan aremnogo faget agoromi malaikat mene ekhe inoba lakfei wagasik it inebe telinafe andi.

DANIEL 6:20

A'nogo eluk welagaikhesik, o healhu kwelek aremnogo, at raja ebe siakhogo menlagaikhesik he, weak-weak pogolema singa werek oba a'nogo lagaikhe.

DANIEL 6:23

An hamingmingengge neisena Allah andi re, an nen hat hoba ekhe weak hilingisogo figik, At oba ogo weak hilingitik, igi'lek mene andi re, at elu andi nen he, agoromi malaikat mene ekhe ayonggo fikhesik pelakfisa wagama singa ambe te'met fikhemo yi'nogo ti'nogo ekhe hilingnafi'lego, noe,” iluk yagatikhe.

DANIEL 6:4

A'nogo menfisasikhemo, it ap gubernur omanogo inom, ap it gubernur lak ineabu wokfuluk inoe raja yagasi waga lagaukwa mene aremnogo inom, inomen he inobabut endebat elo'lek hangge meneat he, at Daniel enek he obabut higit logolik fano mondok hilingiti lagaikhe andi nen he, at raja nen afuni o ekhema-ekhema ferinarek welagaikhe kwe omanogo mondogat faget, ”Inoe kain he Daniel logouwagaluk menfagain,” iluk endawimo anggasikhe.

DANIEL 6:7

A'nogo isukwasik it gubernur lak inom, it ineabu werek higithogo inoe enupogot yagasi waga lagaukwa mene aremnogo inom, inebe mondogat at enupogot oba wagaukwasik mel yagatukwa: ”Darius henupogot mene ninoe. Hebe heluk mondok logoino o.

MIKHA 7:7

Ariginik oba nen, nit he nineisena Tuhan nenangorogo logouwok. A'nogo logolik, ninendawimo nen eberogo anggaluk nineisena Allah yerogo logogun. Nen, Aren he, nit ninane holfuluk telninabigin.

BILANGAN 20:16

A'nogo hilingninafunem niren nineisena Tuhan en telninabuageluk ninane hokhorogo yagati lagagu. A'nogo yagatunem ninane esanggo holhikhesik he, agot malaikat mene ekhe ayonggo fesikhesik ninoba lakfei wagaikhemo re, aren o Mesir en wo'ninarek wulibi wagaikhemo waga lagagusik yogondak o kota Kades o ninoe hat were'ma huli-hulimo yoma welago o.

MATIUS 27:46

Mum werek kwelek, jam 3 arat asi lagaikhemo re, at Yesus nen, Eisena Allah yagati logolik, nit ninaneba re, ”Allah Neisena! Allah Neisena! An nenahalok heraknobagegen,” iluk u hak it inaneba ”Eli eli lama sabakhtani,” iluk ane hokhorogoat yagatikhe.

KISAH PARA RASUL 12:11

Longgosikhemo at Petrus obabut hebelagaikhesik he, endawimo mel anggasikhe: ”I. At Herodes omameba fetnarek were'ma, it afuni Yahudi mene mondogaren he, yi'nogo hilingisugun iluk nabok palhu kwelegat he, malaikat Tuhan en eberogoat yonggo pelakfei wagama hele fikhalnafe higi,” iluk futfesikhe.

KISAH PARA RASUL 24:16

A'nogo logolik, nendawimo nen he, weak ekhe hilingiti, iluk nendawimo engginhogo welagi hanogoluk he, Allah elokhoma inom, afuni inelokhoma inom horek logoigeluk nomamerogo hilingiti lagi o.

2 KORINTUS 1:12

Nit fogerakhikhi lago andi ebe yi'nogo nen. Nit it afuni kweangma mene ekhe inanggelekwe logolik, it faget hilingiti lago re endebat hak. Mene re, hit faget enek he, esin mene hilingiti lago. Andi re, afuni kweangma mene inendawimo kagalek mene hilingitarek hak hilingiti'lek. We, at Allah obabut fano a'nogo nen, ninendawinggen fano misigat logolik hilingiti logouwageluk ninobabut wo'nisasikhemo hilingitorek mene andi ninendawimo ebeti logolik, ”Nit fano hilingiti lagoma,” iluk fogerakhikhi lago andi.

2 TIMOTIUS 4:17

A'nogo meneat he, an nen ebe wene furogo yagaisugunem, it endakwe mene inebe mondogat inesanggo holuageluk, ninoe Enupogot an nera'lu logolik, nomametnafesik, mene olomene anini weak mene a'nogo ambelema were'ma telnabu hak, noasu mene telnafe andi.

IBRANI 1:14

Allah agoromi malaikat andi inebe re, ninggi'nogo hilingitarek mene nogo. It inebe inareagun hangge mene, nit Allah nen telninabigin mene halok lebe'nisikhi logouwageluk, aren inayonggo fuluk lakfisa wagarek mene aro.

IBRANI 11:33

It andi mondogat inendawinggen Allah oba himbirik welagaukwa andiba, it o ekhe inom weim yafi logolik, inogogwi kaindek inenupogot mene sebelfisaluk inawi sebelhi lagaukwa. Inobabut higithogo hilingiti lagaukwama, Allah nen he, ”Hit hobuk fano mene wokhisagain,” iluk abok yagaisasikhe mene andi, ebe wanhi lagaukwaat. Mene olomene hangge singa obabut weak mene andi ambe to'motik,

1 SAMUEL 17:37

Nineisena Tuhan nen, an hamingmingengge mene olomene obabut weak mene nen noasigiluk ugunem telnaferek andi hak, ap Filistin mene andi nen noasigiluk ugunem telnabigin aro,” iluk yagatikhemo, at Saul en he, mel yagatikhe: ”Fano, nineisena Tuhan nen enek lebetheoago,” iluk yagatikhe.

1 SAMUEL 26:18

A'nogo isikhesik ane ekhe inom ikhi logolik, ”Neisena, haren nenahalok an hamingmingengge si'narek-mu'narek nikhi lagen? An hamingmingengge nen weak ninggi'nogo mene hilingitimo?