DANIEL 6:20 - Allah Wene Fano Wene Hupla Inane

²⁰ A'nogo eluk welagaikhesik, o healhu kwelek aremnogo, at raja ebe siakhogo menlagaikhesik he, weak-weak pogolema singa werek oba a'nogo lagaikhe.

DANIEL 6:20 ပူးပေါင်းရင်းမြစ်များ

KEJADIAN 18:14

An hineisena Tuhan nen elalin mene hilingisu re elo'lek nogo? Hilingisigin enego. Tugi 9 logombigen hobuk hinoba wesigin, iluk attagat yagahisigi andi hak, wesigin aro. Wagunem, Sara eak abengge takhagain o,” iluk yagatikhe.

1 TAWARIKH 16:11

At omame werek a'nogo oba kino yagati logoni, e hu At hundik-handik fogerati logoni, e hu

MAZMUR 119:112

An he wene Haren menfesigin mene andiba nek hologo hilingiti logogin iluk nendawinggen omamet figirik welagi mene andi re, an nebe legasigin huli andomaba asi lagain o.

MAZMUR 146:2

An nebe neluk logolik oba re Tuhan enek fogerati logogin, nen an nebe logolik oba re neisena Allah faget wuni wati logogin.

MAZMUR 73:23

Meneat he, an he Hat hera'lu horokhogo were'ma, Haren an nenggi ebekwe fetnarek welagen.

YEREMIA 32:17

”Tuhan henupogot mene neisena, Hat Homame Hokho mene a'nogoba pogot inom kweang inom elalhigin. Haren yi'nogo ti'nogo hilingisu lek mene ekhe werek fuk.

DANIEL 3:15

Eberogoat halok, yogondak pinggong omanogo anethugu kwelek an nen tugwi kembu wuti mene andi hineindep awi yagaisogo sagaum iluk fogerasugun a? Hinabira? Hinabit halok he, an nen hit hinebe endu amulok wabunak nunggunem hambokhogo kwelakhinobagaumo re kembu ningginik mene nen an nenggim engge andi elok telhinabu hak anggegep? Mondok elo'lego,” iluk yagaisasikhe.

DANIEL 3:17

Ma re, haren ninebe endu amulok wabunak nunggunem andi kwelakninobagegen halok, nit nineisena Allah fogeratorek mene andi nen, hat homameba endumo kwelakninobagagunem, Aren elok telninabigin aro.

DANIEL 6:16

A'nogo ebetu were'ma, it ap omanogo inambotkwe inoe raja oba logalogo wagaukwasik he, mel yagatukwa: ”Ninoe. Nit afuni Media mene inom, Persia mene inom, wene palek oba louksek hilingitorek higithogo, it inenupogoren wene ero wulak fuluk, hobuk wene oak sagalogo hunogo mene ekhe u lek hak andi nen he, hat hendawimo eberek welagen a? Eberek welagenat anggogo o, ninoe,” iluk yagatukwa.

DANIEL 6:19

A'nogo pelakfuluk, at raja a'nogo ambotkwe aiba wagaikhe. Wagaikhesik, sumburu ninggi'lek, nen afuni nen endawimo konhu mene abirat logolik, o hubanggo nogo endephogo ekhe igi'legat welagaikhe.

DANIEL 6:26

A'nogo arat hilingi'luk, at raja Darius nen he, lisu palogo afuni inunggulenu lombok, ineisok erokwe lombok, inane lombok, o yi awi ti awi welagaikharek mene inoba lakfikhi logolik: ”Hinendawinggen hambukhogo fano logobagaigiluk he, hai wathinafi o,” isikhe.

DANIEL 6:27

”Hit afuni an nen fethinarek welagirek oba welagep mene mondogaren he, Daniel eisena Allah fogeraterek mene andiat hinailorogo welagik, fogeratik, ikhi logoino o. At andi re, hundik-hundik Allah eluk mondok welagarek mene, o wurep kobokhogo andoma afuni arenat ferinarek mondok logogin. Aren ferinarek welagarek mene andi re lek agi'lek, At enggiba mondok-mondok logogun.

HOSEA 12:6

Allah andi re Tuhan ekhe mene-ekhe mene hilingisu hagenek mene a'nogo. At enu re Tuhan andi. At endawimo nen he afuni nen An nobaget fogetnafi logouwak anggikherek.

BILANGAN 11:23

A'nogo yagatikhemo, At nineisena Tuhan nen onggo yagati logolik: ”An nomame we endebat anggikhi lagen a? An nen yagaheti andi eberogo weak-weagat hilinglasigin a? Lega. Ebe hilinglagunemen heilenggen hagain o,” iluk yagatikhe.

LUKAS 1:37

At Allah nen yi mene ti mene hilingisigin he, elogo. Elok hilingisigin enek,” iluk yagatikhemo re,

LUKAS 18:1

A'nogo yagaisasikhesik he, at Yesus nen agoromi ane wanhi lagaukwa mene omanogo samban ikhi logolik inendawimo kamo igi'lek, hundik-handigat ikhi logouwageluk, wene ekhe oba lirogo yagaisikhi logolik he, mel yagaisasikhe:

KISAH PARA RASUL 6:4

Menfisamo, it a'nogo hilingitu kwelek, niren he, samban igik, wene ebe wene andiat yagaisigik, ikhi logogun,” iluk yagaisasukwa.

ROMA 2:7

At Allah nen he, it afuni fena nen inebe fogerinafarek mene inom, agaugwerinafarek mene inom, fili agarek lek mene inom, eise asuogeluk inafe morogo logolik inobabut higit hilingitarek mene halok, inebe ineluk mondok logouwageluk hilinginabigin.

2 KORINTUS 1:10

Nit ninebe mondogat ninoasugun iluk anggasugusi'mo nen, at Allah nenat telninafikhesik he hobuk telninabigin aro. Nit faget hit ninomat samban ikhi lago a'nogoba, hobuk telninafo logogin aro, iluk he ninendawinggen at oba himbiret fuluk welago. Hiren, nit faget samban ugu mondok logogun andiba, at Allah obabut fano nen nit telninafunem he, it afuni ekhe hokhorogoaren ineilenggen nisambik Allah hai wasugun aro.

KOLOSE 4:2

Samban he, Allah hai wati logolik, hinaberali agi'lek hundik-handigat ikhi logolik, hinebe hebelogo logoino o.

2 TIMOTIUS 1:12

A'nogo laknobagai wagaikhemo nikhi lagi andi nen, afuni nen yi enggin ti enggin hilingnafu kwelegat he, nendawinggen sa oba himbirik welagi, iluk nelu andi nen nenggali agi'lek, nendawimo hambukhogo welagi. Aren he, ”An mene yi fetnarek logoino. Fetnarek were'ma, huli an nebeat wesigin o,” iluk, noba fesikhesik nayonggo fesikhe mene andi, onggwarek omameba elok fetnarek logogin o, iluk nendawimo futfikhi lagi.

IBRANI 7:25

A'nogo eluk mondok logolik, nit afuni faget Allah kino yagatu mondok welagarek andi nen he, nit Allah were'ma kuogeluk At oba fa'larik kugunem elok telninabimbik katokhogo fano hilingninabigin andi.

YAKOBUS 1:25

Nit afuni ninenggi hele warek hak were'ma, nineisena Allah nen fano weneba komotninaferek andiba fikhalninaferek. Halok, sa nen wene andi esanggo nek holfuluk he, onggot agarek fuk. We, higithogo futfuluk, oba eberek mondok logolik, wene andi higithogo hilingite halok, yi mene ti mene hilingitunem, Allah nen endawinggen agaiyekhogo lebethikhi logogino.

YUDAS 1:24

Hit nineisena Allah omame logolik elok fethinarek logogin mene a'nogo oba lagunem, hineisok peikhogo warigi'lek fanorogo fethinarek logombik he, at ebe fogerari'lagwiba andoma, wene hinoba figi'legat, hinendawimo hinagaiyek anggugu kwelek, at elokhoma hinobagai lagain mene andi, hai wati logouwogo.