DANIEL 5:4 - Allah Wene Fano Wene Hupla Inane

⁴ A'nogo ninggi logolik, tugwi kembu emas mene inom, perak mene inom, tembaga mene inom, e mene inom, helep mene inom, pugunhogo agauwak hilingitukwa mene omanogo fogeratukwa.

DANIEL 5:4 ပူးပေါင်းရင်းမြစ်များ

1RAJA-RAJA 1:49

A'nogo yagatikhemo, Andonia nen ap inayonggo fesikhe mene omanogo mondogat inesanggo holhukwasik he, inailo hokhorogo agaikhesik, inebe menla'luk inailokwe lombok pugulhukwa.

YESAYA 42:17

It afuni ekhe nen, Tugwi kembu andi re, nit ninawesa o, oba himbirik welago mene, iluk inendawinggen oba himbirik welagaikharek mene andi hobuk inenggali hambik he, nong asugun o,” iluk ikhe.

YESAYA 42:8

An nenu re, Tuhan andi aro. An fogetnafarek andi hak, it afuni ekhe fogerinabuageluk wogisagain lego. Nen, nenu o yi awi ti awi lagarek mene andi, tugwi kembu enggiba fagain legaro.

DANIEL 1:8

Inenu a'nogo salinafikhemo were'ma, Allah nen he, ap Aspenas a'nogo nen at Daniel ebe endawirasimbik endawi hundik hilingiti logouwageluk hilingisogo fesikhe. A'nogo hilingisogo fesikhemo were'ma, at Daniel endawimo nen he, ”An nen raja aiba mene amburu inom, agai anggur amusu ninggerek mene inom nunggunem, nebe weaget fakhigi hanogo,” iluk endawimo anggasikhesik he, ap enupogot agoromi inoe a'nogoba yagati logolik, an namburu inom, nagai inom nunggu mene re we amu mene wo'neti logogun o,” iluk yagatikhe.

DANIEL 4:37

Ma re, yogondak an Nebukadnezar en Allah Enupogot pogoroba mene esinet figik, legeisogo figik, fogeratik, ikhi lagi. Aren he, higithogo hilingitik, eberogoat mene hilingitik, ikhi logolik, afuni inonggwaregen leget fakhaluk foget fakhagarek mene re aren sebelogo pelakfisikhere'ma higi o,” iluk isikhe.

DANIEL 5:23

Haren he, At Tuhan pogoroba mene eilhanem he, leget fakhikhi lagen andi. A'nogo leget fakhikhi logolik, hailo legengge iwak o Tuhan Awi wuri'mo inenggi abisak wanhukwa mene omanogo wani loagaluk yagaisegenma waluk wagaikhama re, hat hebe inom, hagoromi kaindek inom, hagagwi ebe mene inom, hagagwi hamingmingengge mene woginafigin mene inom, hinom iwak andomaba i keralhigik nenggep andi. A'nogo ninggi logolik, hat hebe heluk inom, yi mene ti mene mondogat inom at Allah enggiba werek kwelegat he, At agaukhogo fogerati'lek, tugwi kembu perak mene inom, emas mene inom, tembaga mene inom, posiemanggen mene inom, e mene inom, helep mene inom, agauwak hilingisogo pugunetarek mene ineilenggen isa re elo'lek meneat, inesanggo holu elo'lek meneat, wene futfou elo'legat mene andoma oba fogerati lagen andi o, noe.

DANIEL 5:3

A'nogo yagaisasikhemo, iwak omanogo at oba waluk wagaukwama re, at raja ebe inom, agoromi kaindek inom, agagwi ebe mene inom, agagwi amingmingengge mene inom inebe mondogat i anggur amusu iwak andomaba keralogo nasukwa.

DANIEL 5:5

A'nogo fogeratu were'ma aremnogoat, ap enggi palek, at raja awi hobat oba esage ibili'mo mondok selekse'ma aremnogo lisu palagunem at raja nen eilenggen furogo yerogo welagaikhe.

AMOS 6:7

A'nogo hilingiti legep andi nen, afuni inenggi hele warogo lakfisagarek oba omanogo re hit tak hinenggi hele warogo wokhinarek logoin o. A'nogo wokhinarek lagunem, hiren pesta hilingitik, hinagai hinamburu hokhorogo ninggik, ikhi lagep mene andi re, arat lek asigin o,” iluk ikhe.

HABAKUK 2:19

Hiren he, e mene yagati logoligat he, ”Heluk ame,” igik, helep mene yagati logolik he, ”Menlame,” igik, ikhi lagep andi, it andi nen onggo yagahisogoin nogo? Elokhe fanorogo iluk he, emas mene inom, perak mene inom, ebene labulogo pugunhogo afe halek meneat he, areagun werek lego. A'nogo hilingiti legep andi nen, Allah nen homan hinobagauwak.

KISAH PARA RASUL 17:29

Nit a'nogo at againafuri welago halok he, at ebe hangge nit afuni nen ninendawimo anggaluk, ninenggi nen tugwi kembu emas mene, perak mene, helep mene, hilingisogo wusugun lek higi, iluk futfogoin o.