DANIEL 5:21 - Allah Wene Fano Wene Hupla Inane

²¹ At ebe afuni inoba nen mugusogo wulakfisasukwama, obabut wam obabut hangge hilinglagaikhe. At ebe wam keledai maro mene inom enggama andoma welagik, sapi nen engga ninggerek hak ninggik, hilingiti logolik, enda'ma nogo ugu mondok were'ma henanggaluk pogoroba nen ebene sali pi waga lagaikhe. A'nogo welagaikhesigen, aren ikhi logolik, Ap inenupogot logolik afuni ferinarek welagaikharek andi re, at Allah Lego Mondok welagarek mene enggiba welagaikhare'ma higi. A'nogo enggiba logolik Aren, At andi hak ebe raja logouwak, iluk anggikherek higithogoat ebe kain inoe raja logouwageluk menfisikhere'ma higi o, iluk ambeba nen fakhogo isikhe.

DANIEL 5:21 ပူးပေါင်းရင်းမြစ်များ

AYUB 39:5

Wam keledai maro enggama mene yugunat nikhi logouwagaluk hele warek were'ma sa nen fikhalhikherek nogo?

YEHEZKIEL 17:24

Andiba re yi agayo ti agayo o kweangma welagarek mene mondogaren he An Tuhan a'nogo fut nobagagun. E uan mene re An nen musigin. Horok mene re An nen uanhogo lagauwageluk hilingisigin. E ket fano wiliferek mene re An nen puget fembik iringik mene hilingisogo fagain, nen e iringik meneba re asimit wulak figik, owil ik figik, igin. Iluk An Tuhan nen nane mondogat igi, nen An nane igi mene andi re tiphogo nek hilinglasigin o,” ikhe.

DANIEL 4:14

A'nogo pi wagasik, ane hokhorogo mel ikhe: E ebe andi mugusogo potfisambik he, enggisok palogo lakfisigik, engga lologo pelakfisigik, enggen palogo hesangge-pesangge lakfisigik, ino o. A'nogo hilingiti logolik, yi wam ti wam e eroma weing la'luk nogoikherek mene andoma inom, sue e selebene awi wuthigik werek mene andoma inom, pugulogo wulakfisano o.

DANIEL 4:17

Nit malaikat Allah onggwarek faget tegelek logolik, kagalek welago mene nen wene arat tekhogo ogo mene re andi. Nit a'nogo ogo andi re, it afuni o kweangma yi awi ti awi werek mene nen he, Allah Enupogot yi mene ti mene enggiba welagarek mene andi nen he, ap inenupogot logolik ferinarek logouwageluk wogisikheresik, hobuk waganogo ap ekhe inebe yenggerugwi elo'lek meneat he, inenupogot logouwagaluk wogisikheregat higi, iluk inelu asuageluk a'nogo ogo andi, iluk ugunem yethigi o.

DANIEL 4:22

Henupogot mene noe. E andi ebe mondok uan-awan obakhe hokho mene re omame mondok hokho andi ebe re hat hebe aro. Hat henu werek welagen mene andi hokho arik laga logolik he, pogoroba higit lagagik, hawe a'ma ferinarek welagen mene andi re yi awi ti awi pogot ero-ero wialarik lili'lago andi faget hegen o, noe.

DANIEL 4:25

Noe hat hebe afuni inoba nen mugusogo lakhobagaumo re, yi wam ti wam hinom o leimo andoma logogun. Andoma 7 tahun logolik he, wam sapi nen engga ninggerek andi hak ninggik, enda'ma leimo nogo igik, ugunem, hebene meiso henanggikil hoati logogin. A'nogo nugunem 7 tahun arat logombik enek he, noe haren, Ap inenupogot logolik, afuni ferinarek welagaikharek andi re, At Allah Lego Mondok welagarek mene enggiba welagare'ma higi. A'nogo enggiba logolik Aren, at andi hak enupogot logouwak, iluk anggikherek higithogoat inenupogot logouwageluk menfisikhere'ma, higi o, iluk hambeba nen fakhogo igin o.

DANIEL 4:26

At malaikat andi nen ikhi logolik he, e andimi andi kweang elema herakfisoagaluk ikhe andi ebe re, haren he, o yi awi ti awi mondogat Allah Enupogot mene enggiba welagaikharek, iluk hambeba nen fakhogo imbik oba nen, hobuk henupogot logogin aro.

DANIEL 4:34

At Nebukadnezar a'nogo hilinglagaikhesik welagaikhesigen, hobuk mel isikhe: ”A'nogo werek kwelek 7 tahun logouwagaluk isikhe higithogoat welagagisik, neilenggen pogoroba liakfigirik were'ma, nobabut ambotkwe hebelagaikhe. Nobabut a'nogo hebelagaikhemo, Allah Enupogot eluk mondok welagarek mene fogeratik, esinet figik, igi. A'nogo fogerati logolik mel igi: Allah Henupogot mondok logolik, afuni inebe hobugalep ta'larik lagu kwelek andoma ferinarek mondok logoino o.

DANIEL 4:35

Afuni inunggulenu lombok o kweangma welagaikharek mene mondogat elo'lek enego. Hat Allah re, malaikat pogoroba mene inom, afuni kweangma mene inom mondogat hendawimo anggikhi lagen higithogo hilingfisikhi lagen, neisena. Hat hendawimo anggikhi lagen mene hilingisigiluk ugunem, afuni ekhe nen, Ninggi'nogo hilingisigiluk, iluk ailo legengge heinok wokhabumo re elo'lego neisena, iluk fogerati.

DANIEL 4:37

Ma re, yogondak an Nebukadnezar en Allah Enupogot pogoroba mene esinet figik, legeisogo figik, fogeratik, ikhi lagi. Aren he, higithogo hilingitik, eberogoat mene hilingitik, ikhi logolik, afuni inonggwaregen leget fakhaluk foget fakhagarek mene re aren sebelogo pelakfisikhere'ma higi o,” iluk isikhe.

DANIEL 5:18

At Allah Lego Mondok werek mene a'nogo nen hat heisena Nebukadnezar ebe kain enupogot logouwagaluk menfesikhesik afuni at enggiba ferinarek logouwagaluk wogotik, enu hokho were'ma fogerati logouwagaluk hilingisogo figik, isikhe andi.