DANIEL 4:9 - Allah Wene Fano Wene Hupla Inane

⁹ Beltsazar. Ap wene hobuk hilinglasigin mene faget yagaisagarek mene inoe yi. Nagore. Hat he afuni ekhe nen, Nineisena tegelek mondok welagarek mene ebe yi aro iluk fogeratarek mene a'nogo areagun hendawimo peterogo were'ma re, yi wene ti wene ekhe hat heilhanem hinago welagarek mondok lek andi re an nelu o. Ma re, an nen nabi higi mene tindelogo yagahesigin andi re, hesanggo holimbik, ’Ebe ti'nogo hilinglasigin mene faget hegenma o,’ iluk yagane'no.

DANIEL 4:9 ပူးပေါင်းရင်းမြစ်များ

KEJADIAN 41:38

A'nogo isukwasik at raja Firaun nen agoromi mel yagaisasikhe: ”At Yusuf Allah Areagun endawimo logolik yagatunem ili'logo andi nen, yabu andi aren higit hilingisigin werek andi hangge ap ekhe hunogoat mene koma mene herasugun anggegep. Mondok lego,” iluk yagaisasikhe.

YESAYA 33:18

Hiren ap inobabut kwanirogo hilingitarek mene nen weak kwanirek mene hilingiti lagaikha mene omanogo faget ebethikhi logolik he ap wenasuogeluk higithogo wenati'lek taganet figik, kilo taganet figik, yi mene ti mene onggo mondogat taganhogo waletik, hilingiti logolik lalninafi lagaikha mene omanogo re wa'lagaikha nogo a, iluk ebethikhi logogun.

YESAYA 54:14

Hat he katokhogo hilingitu mene amboloba wurogo hobagagin, hamel-mel mene inom sebelogo ferinarek werek mene inom andomaba nen eil uanhogo hilinghobagagin.

YEHEZKIEL 17:23

Tom mondok uan mene it Israel mene were'ma andoma An nen taunget fagain. Andoma nen asimit wilibimbik, enggen iti logogin, a'nogo hilingiti logolik he e laik mondok fano mene asigin. Andi nen yi rue ti rue ogolabi werek mene mondogat he e andiba inawi wusi kwikhi logogun, Nen e andi a'ma kunmo andoma kuluk logogun.

YEHEZKIEL 28:3

Haren anggikhi logolik, an he mondok nalongsek logolik hibilik hebelek nagun welagi, nen Daniel he sebelek hangge iluk anggikhi logolik he, yi wene ti wene andoma hat helokhoma hinago mene ekhe werek lek anggikhi lagen.

DANIEL 1:20

A'nogo yagaisasikhemo yabu hilingitu werek kwelek, at raja wene yi wene ti wene hilinglagunem, ”Ebe ti'nogo hilinglasigin mene faget hilinglaga,” igik, futfouwagaluk senggerogo yagatik, ikhi logouwageluk, at agoromi o ekhema-ekhema aren awe a'ma ferinarek welagarek oba andoma mondogaren yagasuageluk yagaisikhi lagaikhe lombok, onggo yagatunem inobabut palhi lagaikhe mene re, it ap hobuk hilinglasigin mene yagaisagarek mene inom, ap wesagun yi mene ti mene elalin hilingitarek mene inom, onggo yagati lagaukwa mene andi, we, elo'lek hangge. Meneat he, it Daniel agaila'lak inom a'nogo nek he inendawinggen mondok kagalek logolik, yi wene ti wene inelu mene yagati lagaukwa mene andi nek he, mondok fano enggi sepuluh kali ba hakhogo yagatunem, isikhi lagaikhe.

DANIEL 2:47

A'nogo yagaisasikhesik, Daniel mel yagatikhe: ”Daniel. Afuni nen hunogo mene faget, Nineisena ebe yi aro, iluk fogeratarek mene andi, elo'lego. Mene re, we hat heisena Allah andi nek he, mondok esin lego mene werek. Ap raja-raja nen afuni inawe a'ma ferinarek welagaikharek mene andoma re, At enggiba nek welagaikhare'ma o. Haren he, wene hinago mene andi, Ebe yi'nogo hilinglasigin mene faget hegenma, iluk fakhogo yaganeten andi nen, Allah nen yi wene ti wene hinago mene fakhogo eberogoat yagaisikhere'ma higi, iluk futfigi o,” iluk yagatikhe.

DANIEL 2:48

A'nogo yagatikhesik, Daniel ebe kain enu lego logouwagaluk menfesikhe. A'nogo menfesikhesik, yi mene ti mene mondok fano mene hokhorogo wogotik, it ap inendawinggen kagalek mene at enupogot aiba welagaukwa mene inoe logouwagaluk menfigik, o propinsi Babel oba andoma gubernur logouwagaluk menfigik, isikhe.

DANIEL 4:18

Beltsazar nagore. An nabi higi re, a'nogo andi o. A'nogo higirik, ap inendawinggen kagalek mene yi wene ti wene inelu mene an nen ferinarek welagirek oba yoma nen he, ’Ebe yi'nogo hilinglasigin mene faget hegenma o,’ iluk yaganesu mondok elo'legat agama re, hat enek he, afuni ekhe nen, ’Nineisena tegelek mondok welagarek mene ebe yi aro,’ iluk fogeratarek mene a'nogo areagun hendawimo peterogo were'ma re, elok yaganesigin were'ma yogondak yaat yaganom o,” iluk yagatikhe.

DANIEL 4:5

A'nogo meneba nen, nenggi ekhe sambul he nogo igirek oba nogogunemen he, an nabikanggo ekhe mondok inailo asu hak mene higirik, nendawinggen mondok fite.

DANIEL 4:8

A'nogo wagaikhasik oba nen, hobuk ap enu Daniel igik, Beltsazar an nandugwi enu higithogo agarek mene a'nogo noba waga. At Daniel andi re it ekhe nen, Nineisena tegelek mondok welagarek mene ebe yi aro, iluk fogeraterek mene a'nogo areagun endawimo peterogo welagarek mene andi oba, an nen nabi higi mene pilingisogo yagati logolik mel yagatiat:

DANIEL 5:11

Andi re o kerajaan neisena haren ferinarek welagen oba yoma re ap ekhe, Neisena ebe yi aro, iluk fogeraterek mene areagun endawimo mondok peterek mene ekhe werego. Ap andi re hat heisena nen ferinarek welagaikhe aremnogoba re ungguloak mondok kwe hurik were'ma, yi wene ti wene futfikheresik endawinggen kagalek logolik, afuni nen he, Nineisena ebe yi aro, iluk fogeratarek mene nen endawimo kagalogo yagatunem hangge yagaisikherek mene werego. A'nogo ikherek andi nen he, hat heisena nen at andi ebe ap wene hobuk hilinglasigin mene yagaisagarek mene inom, wesagun yi mene ti mene elalin hilingitarek mene inom, yi wene ti wene awene inelu mene inom, hesagal awene inelu mene inom, inoe kain logouwagaluk menfesikhe mene ebe werek andi nen he, hendawinggen hambukhogo logoin o.

1 SAMUEL 4:8

Eberogoat weaget ninabugun o! Halok he, it ineisena dewa fogeratarek mene omame hokho andi nen ninoasinogoluk sa nen telninabigin anggegep? It ineisena fogeratarek mene andi nen endamat ap Mesir mene o leimo afuni le'ma nen wulil tagalogo inoatikhe lek nogo? Eberogoat inoatikhe aro.