DANIEL 4:4 - Allah Wene Fano Wene Hupla Inane

⁴ An naiba istana fanoma logolik, neluk nenggi werekhogo fanorogo nek welagi.

DANIEL 4:4 ပူးပေါင်းရင်းမြစ်များ

YESAYA 56:12

Lugu-lugwi palik inap andoma nen ikhi logolik, ”Nit anggur hokhorogo nambik ninoba homorogo logouwogen we'ni o! Yogondak fano welagoba nen hobit enek he mondok fanorogo logogun o, iluk agarek,” isikhe.

YEREMIA 48:11

Tuhan ane ikhi logolik, ”O attagen engge Moab he aselei mene nen ane yingiti'legengge fanorogo nek werek. Athe hele warogo huginabi lagaikharek oba andoma ekhe waluk lagaikharek lek. At he, i anggur agai elesophogo hinago fuluk i oak amu meneba keralhi'lek were'ma anggur agai a'nogo amben sang-pang eti logolik enduk fano welagarek andi hangge werek.

YEHEZKIEL 28:17

Hebeba mondok fano andiba re honggwarek legeisogo fakhikhi lagen, nen henu lego andiba re haren hilingiti lagen mene andoma kembu-kembu aple hilingiti lagen. Andi faget he An nen, hat hebe kweangma hulambet hobagagin, nen it raja-raja amu mene omanogo inelu asuageluk he An nen hilingisiginat,” iluk ikhe yagaom.

YEHEZKIEL 29:3

Tuhan Lego Mondok welagarek mene a'nogo nen wene hilingisuageluk ikhe mene yi hat raja Mesir mene yagahesuageluk mimingnafi logolik yi'nogo ikhe, ”An yi re hat haselei mene welagi o, buaya hokho mene i laut obakhe tulem pourek welagen mene yi re. Hat hane nen weregap hikhi logolik i Nil andi an nagai o, an nen elalhigi mene ikhi lagen.

DANIEL 2:11

Ninoe. Haren wene onggo u mondok elo'lek mene egen o. Nit afuni mene re, at ekhe nen a'nogo yagahesugun mene ekhe welagarek mondok lego. We, it tugwi kembu inamungwarengge mene andi nek he, elok yagahesu meneat he, nit afuni ninanggele'ma welagaikharek mondok lego,” iluk yagatukwa.

DANIEL 4:19

A'nogo yagatikhemo, at Daniel enu ekhe Beltsazar ikhi lagaukwa mene a'nogo nen wene andi esanggo holhikhesik youk lagaikhesik he, ailo mondok agaikhemo inukhogoat endawimo ebetu welagaikhe. A'nogo were'ma, at raja Nebukadnezar en mel yagatikhe: ”Beltsazar, an nabi higi mene andi faget inom, ebe yi'nogo hilinglasigin mene faget hegenma iluk yaganesigin andi faget inom, nailo e, iluk anggagun o,” iluk yagatikhe. A'nogo yagatikhemo, at Beltsazar en he, ”Noe. Hat habiba hilinglagunem yethegen andi ebe re it haselei mene inoba hilinglasumo re fano, noe hat hoba hilinglasi nogo.

DANIEL 5:8

A'nogo yagaisasikhemo, ap inendawinggen mondok kagalek mene at raja oba wagaukwa mene omanogo ekhe nen lisu palek mene andi enu salhik, ebe yi'nogo hilinglasigin mene faget lisu palek werek, iluk yagatik, u mondok elo'lek agaikhe.

ZEFANYA 1:12

Linggene andi sambul An nen esage ibilogo re o Yerusalem fasimbik it afuni Yerusalem mene inendawimo nen anggikhi logolik, ”At Tuhan nen he yi'nogo ti'nogo hilingisu lek hak iluk anggigik, inendawimo seramet figik, it inebeba hilingik mene faget higit hilingik welago iluk anggigik, anggagarek mene andoma re wene inoba fisagain o.