DANIEL 4:30 - Allah Wene Fano Wene Hupla Inane

³⁰ mel igi: ”O kota Babel yi, egi, nailo e. Ninghogo wurik engge yi ambi! iluk An nebe nalong welagirek mene a'nogo inom, nomame hokho logolik, an nenggiba ferinarek welagirek mene a'nogo inom, nanggiluk hokho were'ma fogetnafarek a'nogo inom enek asuageluk an nen o Babel ari ibu kota logouwageluk wuti mene lek nogo?” iluk igi.

DANIEL 4:30 ပူးပေါင်းရင်းမြစ်များ

KEJADIAN 10:10

Attak-attak ap inenu werek logolik wene melalinafunem it kerajaan aren mene re Babel inom, Erekh inom, Akad inom, o sili andem he, o Babylonia kweang oba andoma welagaikhe.

ESTER 1:4

A'nogo kabogesi wagaukwama re, tugi falfaligen inukhogo a'nogo re at raja nen angge yi mene ti mene awiloba werek engge omanogo inom, awi kerajaan andiba obabut fano mondok hilingik welagaikhe mene omanogo inom, andungdang hilingik welagaikhe mene omanogo inom.

MAZMUR 104:1

Allah neisena, an nendawinggenma nen fogethafi lagi. Neisena Allah Hat hebe esin mondok mene! Hat hasu laberek logou hak he, Hat hombakbak hilingik welagen mene inom, hebenengge li'loukhogo welagen mene inom, andomaba hilingik welagen, nen Hat hebere haselegen huli'liphogo welagen.

MAZMUR 49:20

agarek mene ogo re, at andi re ombalak lagaukwaba andoma inombo'ne lambik o mum oba andoma mondok-mondok logogin aro.

MAZMUR 73:8

Inane asegen waganogo weagerinabugun mene nek hilingitarek, Inonggwarek fogerakhikhi logolik, enggin mene inoba fogoin iluk inailo asu hak mene nek yagaisagarek.

AMSAL 11:2

Afuni wonoget fakhagarek mene andi re inenu weagerogo fisagarek, afuni inendawinggen sebelek mene andi re hebelogo nek hilingitarek.

AMSAL 16:18

Wonoget fakhagarek oba re ambisangma al perelinaferek, nen foget fakhagarek oba re ambisangma re talorogo pagarek.

AMSAL 29:23

Ap legeisogo fakhikherek mene andi re hobuk sebelasigin, nen ap obabut sebelek mene re hobuk fogerasugun.

YESAYA 13:19

O kerajaan Babel oba andoma nen o sili mondok fano mene it afuni andoma werek mene nen inagaiyek hagarek aiba a'nogo re An Tuhan nen o Sodom inom Gomora inom weaget fesigi hak weaget fagainat.

YEHEZKIEL 29:3

Tuhan Lego Mondok welagarek mene a'nogo nen wene hilingisuageluk ikhe mene yi hat raja Mesir mene yagahesuageluk mimingnafi logolik yi'nogo ikhe, ”An yi re hat haselei mene welagi o, buaya hokho mene i laut obakhe tulem pourek welagen mene yi re. Hat hane nen weregap hikhi logolik i Nil andi an nagai o, an nen elalhigi mene ikhi lagen.

DANIEL 4:31

A'nogo an raja nane oan ugu kwelek aremnogo ane ekhe pogoroba nen mel yaganete: ”Nebukadnezar henupogot mene yi. Hat faget wene yi'nogo werek andi holin o. Hat henupogot logolik, o ekhema-ekhema henggiba werek mene a'nogo re, hat hoba nen waganogo it ekhe inoba agama werego.

HABAKUK 1:11

A'nogo mabenet fisa kuluk he, o sogoi weak-weak funhogo lagarek andi hak, it inebe inonggwarek inomameba himbirik welagaikharek inap andi weak-weak hela logoin o,” iluk yagaisasikhe.

1 KORINTUS 10:31

an nen yi'nogo yagahisak. Sumburu inom, i inom ninggik, yi mene ti mene hilingitik, a'nogo mondogat ikhi logolik he, afuni nen Allah fogerasuagelugat hilingiti logoino o.

1 PETRUS 5:5

Nen, andi hagat he, hit ap alage nagoromi. It ekhe nen Allah aneba mel isukwa: ”Afuni inonggwaregen fogerakhugunem, Allah nen inoasigeluk abit isikherego. Meneat he, inonggwarek inendawinggen sebelek logogun halok, endawirinaferego,” iluk lisu palogo fesukwama werek andi nen, hiren inaluendek inawe a'ma kuluk inane hologo hilingiti logoino o. A'nogo hilingiti logolik hit mondogat he, hinonggwaregen fogerakhigi'lek inawe a'ma logolik, hit ekhe nen it ekhe inamingmingengge welagik, iren hit hinamingmingengge welagik, ikhi logolik lebet-lebet ikhi logoino o.

WAHYU 14:8

A'nogo ikhesi'mo nen ombo'ne re, at malaikat ekhe wagasik, mel ugunem nesanggo holhi: ”Afuni ekhe nen it ekhe lugulugwi palik a'luk, agasabu nen pailak fakfisikhi logouwageluk, anggur enggen amusu wogisagarek andi hak, it afuni o kota Babel mene agasabu nen afuni inunggulenu lombogen pailak fakfisikhi logouwageluk, inendawimo kagalharek mene a'nogo, inebe arat wolelenggen tagalagaikha yi, weing!” iluk ugunem holhi.

WAHYU 16:19

A'nogo ugunem he, o sili hokho a'nogo kweang pakhogo henagan minggilogo hilinglagik, afuni inunggulenu lombok Allah ebe inonggot mene inawi sili lombok mondogat sanik-sanokhogo wolelenggen tagalagik, ugunem, Allah nen he, ”An na'mage hokho anggur amusu hinago hak a'nogo, at o Babel hokho a'nogo wogosigin,” iluk abok yagatikhe mene andi endawimo ebetesik, wogeti laga higi.

WAHYU 17:5

Nen, wene ebe hinago mene elhaba lisu yi'nogo palek: ”Afuni kweangma mene yanani nilik nikharek mene inom, inobabut weak mondok hilingitarek mene inom, mondogat inagaisa enu Babel kain yi,” iluk lisu palek welaga yethigi.

WAHYU 18:10

Obaget le a'nogo aga logolik, ”At weagetfikhemo heinet wari'logo andi, nit ninom weagetninafunem heinet wathanogo,” iluk inailo nen inebe yatma mendek logolik, le yi'nogo aga lagaikha: ”At Allah nen, hit afuni o Babel mene hinomame hokho a'nogo re, we, misigam fagerat wene hinoba fuluk weagethinafe andi, eige, hweing,” iluk le aga lagaikha isigi.

WAHYU 18:21

A'nogo ugunem holhiri'mo nen ombo'ne re, at malaikat omame hokho mene ekhe wagasik helep hokho yi mene ti mene sagalharek mene hangge hambokhogo i laut yenggele'ma hugisikhi logolik mel ikhe: ”At Allah nen hit afuni o kota Babel mene, yi'nogoat omamerogo hambokhogo pelakhinobagagin o. A'nogo pelakhinobagaumo hobuk afuni nen ineilenggen hisogoin mondok lego.