DANIEL 4:27 - Allah Wene Fano Wene Hupla Inane

²⁷ Andi nen he, henupogot mene noe. An nen komothafi mene andi hologo higithogo hilingiti logoino. Weak hilingiti lagen mene herakfisaluk he, fanorogo nek hilingitik, higithogo nek hilingitik, afuni inangge lek inelagaik mene hendawirinafik, ikhi logoino o. A'nogo hilingiti logogin halok he, hat hobuk fanorogo logogin o,” iluk yagatikhe.

DANIEL 4:27 ပူးပေါင်းရင်းမြစ်များ

KEJADIAN 11:4

A'nogo heratukwasik he, mel isukwa: ”Nit ninebe o kweangma yi awi ti awi pugulhi'lek logolik ninenu werek logouwogen he, o kota ekhe ket mene halhi logolik, o ekhe uan-awan mene sep hun-hun pogoroba wurik lagauwogo,” iluk isukwa.

1RAJA-RAJA 21:29

”Haren he, ap Ahab an neilhanem endawinggen sebel fakhikhe andi hegen a? A'nogo hilingite andi nen he, An nen at ebe eluk werek kwelek, wene weak mene andi oba fagain lego. We, at amlogo logogin andem oba, againafuri inom inoba lakfei wesigin o,” iluk yagatikhe.

MAZMUR 119:46

Haren wene yi'nogo hilingiti logoino ti'nogo hilingiti logoino iluk yaganisasigin mene andi re, an nen it raja-raja omanogo inoba fageti logogin, an he nenggali asigin lek.

AMSAL 11:2

Afuni wonoget fakhagarek mene andi re inenu weagerogo fisagarek, afuni inendawinggen sebelek mene andi re hebelogo nek hilingitarek.

AMSAL 16:6

Ap Allah ba nek eberek werek mene halok he inaweak legaphogo fisagain, nen ap inendawinggen Tuhan oba tibetfuluk werek mene re weak mene anggele'ma nen inagap telogo fisagain.

AMSAL 28:13

Ap sa nen aweak endawimo hinago werek halok he at hobuk fano mene ekhe helagain mondok lek, nen ap sa nen aweak fakhogo fembik herakfisagain halok he, Tuhan nen endawi hundik hilingiti logogin.

YESAYA 10:13

Raja Asyur mene andi re ane nen weregap hikhi logolik yi'nogo ili'logo, ”Mondogat andoma re, an nomame welagi mene a'nogoba hilingisigin. An he nendawinggen mondok wenggelek nagun logolik, nelu mondok mene welagi. Andi nen he it inunggulenu amu mene faget huli-huli warek mene andoma leget figik, nen, iren andogorogo fakhagarek mene andoma teligik igin o. Nen it inogogwi ferinarek welagaikharek mene andoma re no banteng eisogen sebelisugunem hakhogo al perelogo fisagain.

YESAYA 47:10

Haren kwanirek mene hilingiti logolik andoma a'ma fano welagi iluk anggikhi lagen, Hat hobabut hilingiti lagen mene andoma re fut fili'lagwi lek anggikhi lagen. Hebelek welagen andiba inom helu mondok welagen andiba inom nonghonget hobagali'lagwi, haren anggikhi logolik he ap amu mene re an higit mene ekhe werek lek anggikhi lagen.

YESAYA 47:8

Andi faget he, hat hagaiyek anggikhi lagen mene faget enek murok lagendek mene yi sa! An nane hesanggo holin o, Haren anggikhi logolik, neluk yi fano liokhogo logogin anggikhi lagen, hat higit mene ekhe werek anggikhi lagen lek. Haren anggikhi logolik, an he hobuk sogwe asigin iluk mel anggikhi lagen legat, nen haren tagomangge mene re hobuk alomat lasugun iluk mel ebeti lagen legat.

YEREMIA 29:7

Hiren yabu hilingiti logolik he o An nen hukhinabi lagagiba andoma fano logobagaigeluk hilingiti logoino. O kota-kota andoma inawene faget An noba samban ikhi logoino, andi re kota-kota andoma sik pik igin halok he hirogo hinebe sik pikhogo wialasugun o.

YEREMIA 38:20

Andi ikhemo an nen onggo ikhi logolik, ”Lego, neisena hat he it inenggimo hobagagun lek. Neisena haren he Tuhan nen hilingi'no ikhe mene andoma hilingi'nogen kino yagaheti lagi o. Nen hat a'nogo hilingisigin halok he wene ekhe mene ekhe mene andoma mondogat hilinglarik lagunem he neisena hat hebe hoasugun lego.

YEHEZKIEL 18:7

Aren he eranhogo wene igik, afuni inangge teligik, ikherek legat. Afuni inangge endawi lirengge fisogo logouwak hobuk onggo fagain iluk wogetu mene omanogo weak-weak ambotkwe wogisikherek. Afuni inamburu nele were'ma inamburu wogisigik, nen afuni inasu laberugu mene le'ma inasu wogisigik, ikherek.

YEHEZKIEL 29:3

Tuhan Lego Mondok welagarek mene a'nogo nen wene hilingisuageluk ikhe mene yi hat raja Mesir mene yagahesuageluk mimingnafi logolik yi'nogo ikhe, ”An yi re hat haselei mene welagi o, buaya hokho mene i laut obakhe tulem pourek welagen mene yi re. Hat hane nen weregap hikhi logolik i Nil andi an nagai o, an nen elalhigi mene ikhi lagen.

YEHEZKIEL 29:9

Mesir kweang oba andoma hobuk afuni inareng mondok terenghogo hilingi'mo asigin. Andiba re hiren An Tuhan nebe hinelu asugun,” iluk ikhe. Tuhan nen ikhi logolik, ”Hat raja Mesir mene yi! Haren ikhi logolik, i Nil he an nagai o, an nen hilingitigi mene ikhi lagen.

YOEL 2:14

Hineisena Tuhan Allah nen he, wene hinoba feigeluk endawimo ebete mene andi sebelogo fuluk, hobuk endawimo hunogoat mene ebesimbik, hokhorogo fanothinabigin logou hago. A'nogo fanothinafe halok, hiren anggur inom, gandum inom, hineisena Tuhan Allah faget elok fisikhi logogun aro.

AMOS 6:13

Hit hinonggwarek foget fakhikhi logolik, niren Lodebar omame leget fesugu iluk ikhi lagep. Nen, hiren nekhengge hinane ikhi logolik, ”Nit he, o Karnaim pin kwi logoin he ninomame elogat welago,” iluk ikhi lagep.

YUNUS 3:9

A'nogo hilingitunem he, nineisena Allah a'mage ninoba fikhesik ninoasigiluk ninabok palhesik werek andi, herakfisambik endawit ninabigin a? Lega, sa elu,” iluk wene ero wulafukwa.

HABAKUK 1:11

A'nogo mabenet fisa kuluk he, o sogoi weak-weak funhogo lagarek andi hak, it inebe inonggwarek inomameba himbirik welagaikharek inap andi weak-weak hela logoin o,” iluk yagaisasikhe.

ZEFANYA 2:15

A'nogo o kota mondok inagaiyekhogo logolik fani-fanorogo logogun anggagarek mene andoma inoba a'nogo hilinglasigin. Afuni andoma logogun mene nen anggikhi logolik he, it inawi kota andi re kota amukwe o kweangma yoma werek mene nen he kota andi nek hokho mene werek anggagarek awi a'nogo. Oba nen he o andoma afuni le'ma we yi mene ti mene enggama mene nek he andoma inawi wurogo logogun! Afuni o kota andi kwe laga logogun mene nen he ineilenggen haluk youk laluk he inamel-mel eti logogun.

MATIUS 3:8

Halok he, hinendawimo ebetfuluk, weak hilingiti lagep mene andi herakfisaluk, hinobabut hebela'luk hilingisu meneat higithogo hilingiti logoino o.

LUKAS 11:41

Halok he, hit mene yi mene ti mene piring elonggoma fikhi lagep mene andi, afuni inagarek lek mene sumburogo wogisegep halok he, hit faget yi mene ti mene mondogat fenakwe sobalek logou hak fano logogin o.

KISAH PARA RASUL 24:25

A'nogo holek werek kwelek, higithogo hilingiti logogun wene andi inom, inendawinggen sebelek logogun wene andi inom, hobuk Allah nen afuni inanema waganogo wene inoba figik, kotik, igin wene andi inom, yagaisugunem, Feliks ailo agaikhe. Ailo agaikhesik he, ”Yogondak wene arat egen o. Hobuk ugun mene higit aga halok he, wolheagain o,” iluk ambotkwe lakfesikhe.

KISAH PARA RASUL 26:20

Wene andi, attak it afuni Yahudi mene o Damsyik andoma welagaukwa mene yagaisasigi. Hobuk o Yerusalem lambik logolik, it andoma mene yagaisigik, o propinsi Yudea mene mondogat yagaisigik, isigisik, it endakwe mene yagaisilik nikhi lagi. A'nogo yagaisilik nikhi logolik he, weak hilingiti lagep mene herakfisambik hinobabut hebelasimbik hinelokhe Allah wogo'no o. Hinelokhe Allah wogosimbik he, hinobabut afuni inobabut hebela'luk hilingitarek hagat hilingiti logoino o, iluk yagaisikhi lagi.

KISAH PARA RASUL 8:22

Hat hobabut he, it ekhe inoba pou ikhi lagen andi, wam amise awi ale weak andi hangge hendawimo peterek werek. Were'ma, weak hilingisigeluk hendawimo ebeti lagen andi nen, hele hangge warogo fetharek werek andi, hobabut futfigi. Weak hilingisigeluk egen andi, herakfisaluk, hobabut hebela'no. Hebelasumo re, hat hendawimo anggegen andi ninoe Tuhan Yesus sebelogo legetfisoageluk ayonggo feino o,” iluk yagatikhe.

2 KORINTUS 5:11

It andi nen he, ninoe Enupogot ebe ninailorogo logogun iluk futfikhi logolik he, afuni nen wene andi futfouwageluk inendawimo kagalogo yagaisilik nikhi lago. Nit ninobabut hilingiti lago andi re, at Allah eilhanem weinam andi hak, hit hinendawimo nen nit futninobagakhi logogun anggikhi lagio.

GALATIA 5:13

Nerugwi nagaila'lak. Hit hinale'ma logouwageluk Allah nen hinayonggo fesikhemo welagep. A'nogo meneat he, hinendawimo nen he, ”An nale'ma welagi,” iluk, afuni inobabut inetogat logolik hilingitarek mene inobabut waganogo hesanggeat hilingiti logogup. Athe, wene Allah nen komotninafikhe wene a'nogo mondogat lambukhogo wene misigat yi nek esin hangge isikhe andi: ”Hit hinonggwarek hinebe hinendawinggen hundik welagep andi hak, it afuni ekhe hinom welagep mene hinendawinggen hundik logoino o,” iluk isikhemo lisu palogo fesukwa andi nen he, afuni ekhe inebe hinendawirogo logolik hit-hit lebet-lebet ikhi logoino o.

GALATIA 5:22

Nen, e enggen iterek hak, Allah Areagun afuni inendawimo logolik inobabut hilingitarek he, ebe yi. Afuni ekhe inebe inendawinggen hundik welagik, inendawimo inagaiyek anggigik, afuni ekhe inom lioksek welagik, inafe morogo welagik, inobabut enago welagik, inobabut fano welagik, inobabut lombokhogo welagik,

GALATIA 5:6

Andi nen he, nit Kristus Yesus ninom hundik logolik, ninagap ninenggalimo mene palek mene inom, it ekhe palek lek mene inom, ninom higit welago. Halok, andi faget penesugun lek. We, esin he, ninendawinggen Kristus oba himbirik logolik, afuni ekhe ninendawirinaforek andiba enegat ari'logo.

EFESUS 4:28

Hit ekhe nen yogot wanhi lagep mene halok, hobuk a'nogo wanhi'lek logolik, it inenggi lek mene leberisikhi logouwogeluk, hinonggwarek yabu hinenggi omamerogo wanhi logoino o.

ULANGAN 24:13

We, at angge andi hup fisogo nogo ikhi logouwagaluk, o hubagi'lek werek kwelek ambotkwe wogoti logoino. A'nogo wogoti logogun halok, aren hai wathinafunem he, nineisena Tuhan Allah agaiyek hit hinoba fikhi logogin o.

ULANGAN 32:27

A'nogo meneat he, Israel inaselei mene, fogerakhogoin nabit anggigi, An nen hilingitu kwelek meneat he, it inendawimo weak ebeti logolik, Allah againafuri andi, niren mabenetfisogo, iluk inendawimo angganogo, iluk Allah nenat isikhe.

ULANGAN 8:17

Andi nen he, hiren he, nit ninonggwarek ninomameba nen heragaisogo ninebe kain nineilmo wulalhak hilingirikhi lago, iluk hinendawimo anggagubo.

1 PETRUS 4:8

Wene esin hangge re, hit-hit nendawi-hendawirogo hilingiti logolik, ekhe nen ekhe weagetfagain mene sebelogo mondok legetfogoin andi nen, hit-hit hinerugwi hinagaila'lak hinom nendawi-hendawirogo mondok hilingiti logoino o.