DANIEL 4:25 - Allah Wene Fano Wene Hupla Inane

²⁵ Noe hat hebe afuni inoba nen mugusogo lakhobagaumo re, yi wam ti wam hinom o leimo andoma logogun. Andoma 7 tahun logolik he, wam sapi nen engga ninggerek andi hak ninggik, enda'ma leimo nogo igik, ugunem, hebene meiso henanggikil hoati logogin. A'nogo nugunem 7 tahun arat logombik enek he, noe haren, Ap inenupogot logolik, afuni ferinarek welagaikharek andi re, At Allah Lego Mondok welagarek mene enggiba welagare'ma higi. A'nogo enggiba logolik Aren, at andi hak enupogot logouwak, iluk anggikherek higithogoat inenupogot logouwageluk menfisikhere'ma, higi o, iluk hambeba nen fakhogo igin o.

DANIEL 4:25 ပူးပေါင်းရင်းမြစ်များ

MAZMUR 103:19

Nineisena Tuhan ebe pogoroba logolik, yi'nogo hilingi'ni ti'nogo hilingi'ni iluk melalinafu were'ma, yi afuni ti afuni ekhe mene-ekhe mene mondogat he, at a'ma nek welagarek.

MAZMUR 106:20

Iren he Allah Legeisogo Mondok fagarek mene a'nogo agamhogore, no sapi engga ninggerek mene a'nogo inom higirap etukwa.

MAZMUR 75:7

Afuni inawene pilingisogo ayo wurinafu mene andi re abel timur fikhiren ogo barat fikhiren ogo, selatan fikhiren ogo wesigin lek enggere.

MAZMUR 83:18

It andi re mondok-mondok andoma inenggalirogo hilingfisamo re inailorogo logombik, youk la'lak inebe wa'lakhoago.

YEREMIA 27:5

”An Nomame Hokho meneba inom, nen Nalong welagi mameba inom pogot kweang inom, afuni inom, ineluk werek engge andoma mondogat elalhigi mene andoma re ap ekhe An nelokhoma fano hilingiri'lago halok he at andiat wogosigin o.

DANIEL 2:21

Arenat ti sambul hibi asigin ti sambul salim asigin iluk inom, nen yi wene ti wene agarek oba asuageluk inom kagalogo fikherek oba hilinglagik, it ap inenu werek logouwageluk Aren liakfisigik, sebelfisigik, ikherek. Aren ogore afuni inendawinggen kagalek mene hilingfisigik, yi wene ti wene elok futfikhi logouwagaluk hilinginafik, ikherek.

DANIEL 2:37

Henupogot mene noe. Hat hebe yi afuni ti afuni inogogwi raja andomaba nen he hat enek he raja henu lagarek mene welagen. A'nogo welagen andi re At Allah pogoroba mene nen hat henupogot welagik, yi afuni ti afuni henggiba welagik, homame hokho welagik, afuni nen fogethafik, ikhi logouwagaluk menhobagaikhemo welagen o, noe.

DANIEL 2:47

A'nogo yagaisasikhesik, Daniel mel yagatikhe: ”Daniel. Afuni nen hunogo mene faget, Nineisena ebe yi aro, iluk fogeratarek mene andi, elo'lego. Mene re, we hat heisena Allah andi nek he, mondok esin lego mene werek. Ap raja-raja nen afuni inawe a'ma ferinarek welagaikharek mene andoma re, At enggiba nek welagaikhare'ma o. Haren he, wene hinago mene andi, Ebe yi'nogo hilinglasigin mene faget hegenma, iluk fakhogo yaganeten andi nen, Allah nen yi wene ti wene hinago mene fakhogo eberogoat yagaisikhere'ma higi, iluk futfigi o,” iluk yagatikhe.

DANIEL 4:16

A'nogo herakfisamo were'ma, at obabut afuni mene andi wam obabut hangge hilinglasimbik, 7 tahun logouwago.

DANIEL 4:17

Nit malaikat Allah onggwarek faget tegelek logolik, kagalek welago mene nen wene arat tekhogo ogo mene re andi. Nit a'nogo ogo andi re, it afuni o kweangma yi awi ti awi werek mene nen he, Allah Enupogot yi mene ti mene enggiba welagarek mene andi nen he, ap inenupogot logolik ferinarek logouwageluk wogisikheresik, hobuk waganogo ap ekhe inebe yenggerugwi elo'lek meneat he, inenupogot logouwagaluk wogisikheregat higi, iluk inelu asuageluk a'nogo ogo andi, iluk ugunem yethigi o.

DANIEL 4:2

Allah lego mondok welagarek mene a'nogo nen, at ebe futfouwageluk hilingitik, elalin mene hilingitik, ikherek mene a'nogo nen an faget hilingite mene nendawimo namolo anggigirik yagahisagain o.