DANIEL 4:19 - Allah Wene Fano Wene Hupla Inane

¹⁹ A'nogo yagatikhemo, at Daniel enu ekhe Beltsazar ikhi lagaukwa mene a'nogo nen wene andi esanggo holhikhesik youk lagaikhesik he, ailo mondok agaikhemo inukhogoat endawimo ebetu welagaikhe. A'nogo were'ma, at raja Nebukadnezar en mel yagatikhe: ”Beltsazar, an nabi higi mene andi faget inom, ebe yi'nogo hilinglasigin mene faget hegenma iluk yaganesigin andi faget inom, nailo e, iluk anggagun o,” iluk yagatikhe. A'nogo yagatikhemo, at Beltsazar en he, ”Noe. Hat habiba hilinglagunem yethegen andi ebe re it haselei mene inoba hilinglasumo re fano, noe hat hoba hilinglasi nogo.

DANIEL 4:19 ပူးပေါင်းရင်းမြစ်များ

KEJADIAN 31:35

Elokhoma agaikhe le'ma at Rahel en eisena yagati logolik, ”Hunai. Hat wagunem an helokhoma menla'luk hebe wokhafi legengge re, an wena'nesi fuk. An namep tugi hundik-hundik weri'logo mene a'nogo wagu nen hurek welagi,” iluk yagatikhe. Nen at Laban a'nogo hera fulongorogo heratikheba nen, elokhoma agaikhe lek.

KEJADIAN 32:18

Yoma hagot Yakub mene o, oe hat wokhesigiluk lakfei wagasik, at ebe hobuk ninombo'ne weri'logo o, iluk yaga'no,” iluk yagatikhe.

KEJADIAN 40:12

A'nogo yagatikhemo, at Yusuf en he, mel yagatikhe: ”Hat habi hegen andi ebe yi'nogo: Anggur agole henagan nen hilingik hegen andi ebe re, o lingge ninenggi henagan logogun mene faget hegen o.

1RAJA-RAJA 18:7

A'nogo laga logolik, at Obaja a'nogo ebekhalem lagunemen he, Elia emberek ambi agaukwa. Emberek a'nogo ambi agaukwasik he, Elia ebe arat futfesikhesik, eindep awi yagaisogo fogeratikhesik he, mel yagatikhe: ”Hat eberogoat Elia ara?” iluk heinok wokhasikhemo,

KELUARAN 32:32

Neisena, it weak hilingita mene andi haren sagalogo herakfisambik hendawimo fano ame o. A'nogo hilingiti'lek halok, an nenu afuni ineluk mondok logogun mene inenu buku ba lisu palek welagarek oba palek mene andi terogo lakfisano o,” iluk yagatikhe.

YEREMIA 29:7

Hiren yabu hilingiti logolik he o An nen hukhinabi lagagiba andoma fano logobagaigeluk hilingiti logoino. O kota-kota andoma inawene faget An noba samban ikhi logoino, andi re kota-kota andoma sik pik igin halok he hirogo hinebe sik pikhogo wialasugun o.

YEREMIA 4:19

Eige, an nendawimo ou mondok hikhi logolik he, enggin ikhi logolik logou re elo'lek nabi'lago o. Trompet futhugunem ane ugu mene inom weim abolok ugunem inom nesanggo holhaluk he an nendawinggenma mondogat abolok ugunem, an nebe hambuget haluk logou re elo'lek agunem welagi andi.

DANIEL 1:7

It alage andem a'nogo wenaginafikhesik he, inenu ket mene salinabik lagaikhe. Daniel enu Belsazar salhik, Hananya enu Sadrakh salhik, Misael enu Mesakh salhik, Azarya enu Abednego salhik, isikhe.

DANIEL 2:26

A'nogo yagatikhemo, at raja nen Daniel enu ekhe Beltsazar ikhi lagaukwa mene a'nogo oba mel yagatikhe: ”Haren an nabi higi mene andi ebe pilingisogo yaganetik, ebe yi'nogo hilinglasigin mene faget hegenma, iluk yaganetik, umo eloga?” iluk heinok wokhasikhe.

DANIEL 2:37

Henupogot mene noe. Hat hebe yi afuni ti afuni inogogwi raja andomaba nen he hat enek he raja henu lagarek mene welagen. A'nogo welagen andi re At Allah pogoroba mene nen hat henupogot welagik, yi afuni ti afuni henggiba welagik, homame hokho welagik, afuni nen fogethafik, ikhi logouwagaluk menhobagaikhemo welagen o, noe.

DANIEL 4:24

Hat habikanggo yethegen andi ebe inom, Allah Enupogot mene nen noe hat hebe hilinghabigin mene faget wene ero ikhe mene ebe re yi'nogo:

DANIEL 5:12

Ap andi re ungguloa'ma mondok kwe hurik nen endawinggen mondok kagalek logolik yi wene ti wene mondogat elu hilingi'mo re, inabi hagarek mene, Ebe yi'nogo hilinglasigin mene faget hegenma iluk yagaisigik, ebe hinago mene fakhogo yagaisigik, yi wene ti wene onggo u mondok elo'lek mene elok yagaisigik, ikherek mene enu Daniel ikhi lagaukwa mene re, at enupogoren Beltsazar salhikhe agun andi werego. Ma re, aren lisu palek mene andi, Ebe yi'nogo hilinglasigin mene faget palek werek, iluk yagahesuagen he, wolhan o,” iluk yagatikhe.

DANIEL 5:18

At Allah Lego Mondok werek mene a'nogo nen hat heisena Nebukadnezar ebe kain enupogot logouwagaluk menfesikhesik afuni at enggiba ferinarek logouwagaluk wogotik, enu hokho were'ma fogerati logouwagaluk hilingisogo figik, isikhe andi.

DANIEL 5:19

A'nogo wogotikhe andi nen, at ebe kain were'ma, afuni mondogat, inunggulenu lombok, ineisok erokwe lombok, inane lombok, at ebe inailo nen inoagelekwe abolok ikhi lagaukwa. Aren afuni ekhe inoasigin anggaluk halok, inebe mondok inoati lagaikhe. Nen, telinabigin anggaluk halok, telogo fisikhi lagaikheat. Nen, aren, afuni ekhe inebe sebelfisagain anggaluk halok, sebelfisigik, legetfisagain anggaluk halok legeisogo fisigik, ikhi lagaikheat.

DANIEL 7:15

An nabikanggo a'nogo yethigi mene andi faget nailo agarik he, nendawi firogo logolik menenei uan horok ebetu welagi.

DANIEL 7:28

A'nogo yethigimo, ”Ebe yi'nogo hilinglasigin mene faget hegenma o,” iluk yaganete mene lisu palogo figi mene ebe re, igi andi. Mene re, at andi nen a'nogo yaganetemo, nailo agarik nelokhonggen heiselhi meneat he, wene andi mondogat afuni ekhe yagaisigi'lek nendawimo agagi andi.

DANIEL 8:27

A'nogo yaganetemo nen he an nebe nomame lek agarik noba ou agama lingge miren hakhogo ou wanhu welagi. A'nogo ou wanhu welagarik nebe menla'luk he, nambotkwe yabu raja eabu mene omanogo hilingiti. Oba nen an nabikanggoba higi mene omanogo faget menenei hokhorogo ebeti logolik ebe furogo nelu asu lek hak hilingik welaga mene andi faget noba lebelekhogo welagi.

HABAKUK 3:10

Hebe wagunem, tom en eilenggen healuk he abolok igik, pogoroba nen i kweangma houwalanghogo pelabi wagik, i kweang elema nen eindep ane hokho mene igik, i ha'labu esinggen foinalogo hugesi lagai wagik, ikherek.

1 SAMUEL 1:15

A'nogo yagatikhe meneat he, at Hana nen mel yagatikhe, ”Neisena. An anggur amusu ninggi'legat. Nen, lugulugwi paluogeluk nenggarek mene ekhe ninggi'legaro. We, an nendawimo mondok weak logolik, nendawinggen warikhi lagi mene andi mondogat pilingisogo nineisena Tuhan yagati lagi o, neisena.

1 SAMUEL 24:8

At Daud agoromi inendawinggen a'nogo sebelhikhesik he, Saul ebe wa'ni, iluk yagaisasikhe lek. A'nogo hilingitikhemo at Saul ebe menla'luk oumo a'nogo herakfuluk he, pikhit lagaikhe.

1 SAMUEL 26:15

A'nogo yagatikhemo Daud en onggo ikhi logolik he, ”Abner ahwi, it afuni Israel mene inoba nen he harenek he, ap mondok along hagun welagen nogo abi, hat he nenahalok heisena raja andi faget kagalek welagen lek? We ap horok yogondak andemat ap hinoasugun mene hinawi tenda sale'ma kwi wagaikha andi o.

1 SAMUEL 3:17

A'nogo yagatikhemo, at Eli nen he, ”Nineisena Tuhan nen wene ninggi'nogo mene yagahete. Yagahete mene andi mondogat an yaganom o. Haren an yaganeti'lek ekhe hinaten halok he, nineisena Allah nen wene eberogoat enggin mene hoba fagain o,” iluk yagatikhe.