DANIEL 4:14 - Allah Wene Fano Wene Hupla Inane

¹⁴ A'nogo pi wagasik, ane hokhorogo mel ikhe: E ebe andi mugusogo potfisambik he, enggisok palogo lakfisigik, engga lologo pelakfisigik, enggen palogo hesangge-pesangge lakfisigik, ino o. A'nogo hilingiti logolik, yi wam ti wam e eroma weing la'luk nogoikherek mene andoma inom, sue e selebene awi wuthigik werek mene andoma inom, pugulogo wulakfisano o.

DANIEL 4:14 ပူးပေါင်းရင်းမြစ်များ

AYUB 24:20

At onggwarek agaisa nen ogore mondogat onggot agaba nen he, imbalo nen he at agap palhigik nunggu werek. At enu re afuni nen ogo ekhe ebet hogoin lek, At he afuni nen e mugusogo lakfagarek higit alomat lakhikhe anggikhi logogun.

YEREMIA 27:5

”An Nomame Hokho meneba inom, nen Nalong welagi mameba inom pogot kweang inom, afuni inom, ineluk werek engge andoma mondogat elalhigi mene andoma re ap ekhe An nelokhoma fano hilingiri'lago halok he at andiat wogosigin o.

YEREMIA 51:6

An nen Babel aniniba hilingiti laga mene a'nogo inom, nen at obabut hilingiti laga mene inom ambisangma higithogo unggum oba fagain sambul a'nogo re, yogondak yiat hilinglaga. Ma re at aweagen wasugun sambul andi re hirogo hinoasinogo hinonggwarek hinagap telogo re o Babel en heise wulibi lani o.

YEREMIA 51:9

Ap pok mene o andoma werek mene ekhe nen ekheba ikhi logolik,” Niren he Babel telugun iluk hilingito, oba nen he aninurato! Enggere niren o kweang ari herakfuluk nit ninaggweang lombok logoin andi re fano. Tuhan nen Babel oba unggum mondok omamerogo wogetesik mondok wolelenggenhogo hilingfikhe o, ikhi logogun,” ikhe.

YEHEZKIEL 31:10

Andi faget he An Tuhan Lego Mondok welagirek mene a'nogo nen, e erembul pogot halianggen oba tipsek agayo andiba asigin mene yagaheti lagi. E andi ekhe inom uan aga logolik ekhe inom wonoget fakhili'lago.

DANIEL 2:21

Arenat ti sambul hibi asigin ti sambul salim asigin iluk inom, nen yi wene ti wene agarek oba asuageluk inom kagalogo fikherek oba hilinglagik, it ap inenu werek logouwageluk Aren liakfisigik, sebelfisigik, ikherek. Aren ogore afuni inendawinggen kagalek mene hilingfisigik, yi wene ti wene elok futfikhi logouwagaluk hilinginafik, ikherek.

DANIEL 3:4

ap ekhe raja wene ero wulafunem yagaisilik nikherek mene nen ane hokhoba mel yagaisasikhe: ”Hit ap o ekhema-ekhema nen wagep mene inom, hinunggulenu lombok wagep mene inom, hinane lombok wagep mene inom, nogogwi hinalabok e, iluk hai wathinafi o. Yogondak at raja nen wene ero wulafe mene yi hinesanggo holino o. Aren he mel ikhe:

DANIEL 4:12

Nen, e andi engga fano mondok mene re, enggen mondok hokhorogo enggin weak si'nogouk kwani itunem he, afuni o kweangma yi awi ti awi welagaikharek mene higithogo ninggi logou hak were'ma higi. A'nogo were'ma, yi wam ti wam e andi eroma kunmo wengik welagik, sue e andi enggibene awi wusi wagik, ikhi lagaikha higi. Yi mene ti mene eluk welagarek mene e andi enggen elok ninggi logou hak were'ma yethigi.

DANIEL 4:23

Nen, haren ap malaikat mene ekhe pogoroba nen pi wagasik, mel ugunem hegenat andi: E yi ebe musimbik he legetfisano o. A'nogo meneat he e andimi nek he, posiemanggen oba inom, hele tembaga meneba inom, homagaisogo fembik he, meiso henanggikil ebene watu were'ma, wam, sapi, domba inom seberogo o leimo andoma nikhi logolik, 7 tahun logouwageluk herakfisano o, iluk ugunem hegen andi.

DANIEL 4:29

Andi re tugi 12 nen welagagisigen, an naiba o istana Babel a'nogo o tum ambolkwe meneba taman fanorogo pugunse'ma andoma lagik-wagik ikhi logolik,

DANIEL 5:20

A'nogo meneat he, at onggwaregen, An elok, iluk foget fakhiki logolik, ungguloak helep mondok hilingitik, afuni inoba wiik-weakhogo hilinginafik, ugunem, Allah nen he, Hat henupogot logogin lek, iluk futfesikhesik, afuni inalilingge korogo wokhagarek andi hak, at enu laga lagaikhe mene a'nogo oba nen korogo wokhasikhe aro.

DANIEL 5:21

At ebe afuni inoba nen mugusogo wulakfisasukwama, obabut wam obabut hangge hilinglagaikhe. At ebe wam keledai maro mene inom enggama andoma welagik, sapi nen engga ninggerek hak ninggik, hilingiti logolik, enda'ma nogo ugu mondok were'ma henanggaluk pogoroba nen ebene sali pi waga lagaikhe. A'nogo welagaikhesigen, aren ikhi logolik, Ap inenupogot logolik afuni ferinarek welagaikharek andi re, at Allah Lego Mondok welagarek mene enggiba welagaikhare'ma higi. A'nogo enggiba logolik Aren, At andi hak ebe raja logouwak, iluk anggikherek higithogoat ebe kain inoe raja logouwageluk menfisikhere'ma higi o, iluk ambeba nen fakhogo isikhe.

MATIUS 3:10

E ero lombok enggen fano mene iti'lek halok, mugusogo endumo lakfisageluk posie e omanggen oba lego werego,” iluk yagaisasikhe.

MATIUS 7:19

Yi e ti e enggen fano iterek lek mene andi re, ero mugusogo endumo mondok lakfisagarego.

LUKAS 3:9

E ero lombok enggen fano mene iti'lek halok, mugisogo endumo lakfisoageluk posie e omanggen oba fangsek mondok werego,” iluk yagaisasikhe.

WAHYU 10:3

mene olo mene hangge enu singa andi mene ane kwe ikherek andi hak ane hokhorogo ugunem, wene onggo re, unggunggu ebe 7 nen mene inane pakhogo yagati lagaikha.

WAHYU 18:2

A'nogo pi wagasik ane hokhorogo mel yagatikhe: ”O Babel hokho andi arat wolelenggen tagalagaikhe! Afuni ekhe nen anggur enggen amusu wogisugunem naluk lugulugwi palharek andi hak, he kain yanani nikherek mene a'nogo agasabu lagagunem, ”Fakneani,” iluk, afuni inunggulenu lombok mondogat inom, ap kaindek inenupogot kweangma mene inom, yagaisugunem, iren pailak fakfikhi lagaikha andi. Nen, at he andi agasabu lagagunem fakhoageluk obabut hilingiterek andiba, afuni kweangma mene yi mene ti mene onggo ha awatarek mene ineilmo werek hilingirikhi lagaikhaat. A'nogo hilingiti lagaikha meneat he, yogondak arat wolelenggen tagalagaikha yi, hweing! A'nogo wolelenggen tagalagaikhama re, Iblis agoromi inom, munggwarengge obabut weak mene inom, ”Sue andi mene nagain lek iluk agaiseratarek mene mondogat inom, it inaiba hilinglaga o,” iluk yagatikhe.