DANIEL 4:13 - Allah Wene Fano Wene Hupla Inane

¹³ A'nogo yethigirik nendawimo ebetu were'ma nen he, ap malaikat misigenek mene tegelek mondok logolik kagalek welagarek mene pogoroba nen pi wagunem yethigi.

DANIEL 4:13 ပူးပေါင်းရင်းမြစ်များ

AYUB 12:24

It ap inogogwi melalinafu mene omanogo re inendawinggen nong-honget fisugunem he, iren o koma laga-lago iluk mel halek-legengge hesangge leil warik nikharek.

MAZMUR 103:20

Hit Allah agoromi malaikat hinomame hokho mene, At ane hologo hilingiti lagep mene omanogo hinebe mondogaren, At Tuhan andi nek fogerati logoino.

MAZMUR 89:7

O pogoroba andoma re, Tuhan hebe higit mene ekhe werek lego, nen it pogoroba ineluk welagaikharek mene andoma Hat hinom higit mene ekhe werek legaro.

DANIEL 4:10

An nebe nogo igirek oba logolik, nabikanggo oba re, o kweangma yi awi ti awi yoma tulem e ekhe fulelhesik mondok uan-awan agayo lagagunem neilenggen yethigi o.

DANIEL 4:17

Nit malaikat Allah onggwarek faget tegelek logolik, kagalek welago mene nen wene arat tekhogo ogo mene re andi. Nit a'nogo ogo andi re, it afuni o kweangma yi awi ti awi werek mene nen he, Allah Enupogot yi mene ti mene enggiba welagarek mene andi nen he, ap inenupogot logolik ferinarek logouwageluk wogisikheresik, hobuk waganogo ap ekhe inebe yenggerugwi elo'lek meneat he, inenupogot logouwagaluk wogisikheregat higi, iluk inelu asuageluk a'nogo ogo andi, iluk ugunem yethigi o.

DANIEL 4:23

Nen, haren ap malaikat mene ekhe pogoroba nen pi wagasik, mel ugunem hegenat andi: E yi ebe musimbik he legetfisano o. A'nogo meneat he e andimi nek he, posiemanggen oba inom, hele tembaga meneba inom, homagaisogo fembik he, meiso henanggikil ebene watu were'ma, wam, sapi, domba inom seberogo o leimo andoma nikhi logolik, 7 tahun logouwageluk herakfisano o, iluk ugunem hegen andi.

DANIEL 4:5

A'nogo meneba nen, nenggi ekhe sambul he nogo igirek oba nogogunemen he, an nabikanggo ekhe mondok inailo asu hak mene higirik, nendawinggen mondok fite.

DANIEL 7:1

An Daniel, ap Belsyazar afuni Babel mene inoe raja agaikhesik oba, tahun attak ferinarek welagaikhe andem oba, nenggi ekhe sambul nabikanggo yethasigisik he, nabikanggo yethasigi mene andi lisu palogo fesigi mene ebe re, yi: Sogoi o mo ero fikhiren, erembul fikhiren, i elesi fikhiren, ambut fikhiren, aninirogo funha waga logolik, i laut hokho yenggelek a'nogo abologet hugunem he, ha'labu hokho mene hilingitunem higi.

DANIEL 7:17

mel ikhe: ”Singa hangge mene inom, paik inum hangge mene inom, posi hangge mene inom, ebe enggaminogo mondok hokhondek mene yethegen andi ebe re, hobuk o kweangma yoma ap inogogwi kaindek raja inebe 4 en weinam asimbik ferinarek logogun mene faget hegen.

DANIEL 7:23

A'nogo higimo nen ebe furogo nelu a'le e, iluk anggugunem, at a'nogo nen mel yaganete: ”Singa hangge mene inom, paik inum hangge mene inom, posi hangge mene inom, ebe 3 mene weinam agasik oba nen ekhe weinam aga mene andi ebe re, ap raja inebe 3 mene hunogo tomogat o kweangma yoma weinam asimbik oba nen ekhe weinam asigin meneat hegen o. Afuni nen sumburu haumhogo nenggarek hak, ap enupogot andi nen, afuni o kweangma yi awi ti awi welagaikharek mene, inoarik laga logolik, fena eisogen al perelinabigin mene hegen andi.

DANIEL 8:13

Andi nen an holhunemen malaikat ekhe nen ekheba ikhi logolik, ”Inabikanggo hangge meneba hegen mene andoma re ki huli nen abirengge andoma weinam asigin nogo? Ki huli nen weak hokhorogo hilingitu mene a'nogo legerasuogeluk yi mene ti mene fuluk nolhu mene erorasugun nogo? Ki huli it tentara pogoroba mene inom nen iren wene kabogeti logolik hilingitarek aiba a'nogo inom sebelogo fikhi logolik enek logogun nogo?” iluk ikhi laga.

ZAKHARIA 14:5

Hit he, punu andi pire pelanget lasumo re fanggong kwe andi nen heise logoin. Hit he attak hun Uzia afuni Yehuda mene faget raja mendek were'ma it inombalak o lugul inailo nen heise lagaukwa a'nogo hak, hilingisugun. A'nogo hilingisumo re, an Neisena Tuhan Allah ebe re malaikat inebe mondogat inom seberogo wesugun.

MATIUS 25:31

At Yesus nen a'nogo yagaisasikhesik he, wene ekhe mel yagaisasikhe: ”An abat ta'lasi wagagi a'nogo, afuni nen fogetnafu kwelek it malaikat pogoroba mene andi mondogat ninom wesimbik, an fogetnafu kwelek kain nenupogot welagirek oba logolik,

MARKUS 1:24

”Yesus aiba Nasaret mene yi! Haren ninggi'nogo hilingninabigeluk wagen. Nit weagetninabigeluk wagen a? Hat hebe re, Allah onggwarek faget menhobagaikhesik lakhobagai wagama wagen andi, an nen futhobagagi o,” iluk ane hokhorogoat yagatikhe.

LUKAS 4:34

”Yesus Nasaret mene yei! Haren ninggi'nogo hilingnabigeluk wagen! Nit weaget ninabigeluk wagen a? Hat hebe re, Allah onggwarek faget menhobagaikhesik lakhobagai wagama wagen andi, an nen futhobagagi,” iluk ane hokhorogo yagatikhemo,

ULANGAN 33:2

”Nineisena Tuhan ebe it malaikat inebe 10.000 mene inom, tom Sinai ba nen o mo henogo lagai wagarek andi hak, o Edom higit andoma wagasik, mo linggene yaterek andi hak, at enggi ebekwe higit endu ibilik logolik, tom Paran oba nen againafuri inoba ombak-bak tilelogo lakfei waga.

YUDAS 1:14

Omanggum Adam huliba nen ta'larik waga lagaukwasik, huli 7 ba mene huli, at Henokh ta'lagaikhe mene nen, it afuni andi wene inoba fagain mene faget mel isikhe: ”Yethani. Ninoe Enupogot a'nogo nen agoromi at onggwaregen yonggo pelakfisa wagarek mene inebe mondok hokhorogoat woginarek pi wesigin o.

WAHYU 14:10

afuni nen, i inom lek, we anggur enggen amusu nek ale weak mene hinatarek andi hak, Allah a'mage hit endawithinafi'lek, wene ninghogo hinoba fagain o. A'nogo hinoba fembik, nit malaikat Allah faget welagorek mene inom, Domba Eak a'nogo inom, nineilhanem hinebe, endu inom, hendali al hangge amben weak mene enu belerang inom, ninggerek oba andoma lakhinobagaumo heinet watu mondok logogun o.