DANIEL 4:12 - Allah Wene Fano Wene Hupla Inane

¹² Nen, e andi engga fano mondok mene re, enggen mondok hokhorogo enggin weak si'nogouk kwani itunem he, afuni o kweangma yi awi ti awi welagaikharek mene higithogo ninggi logou hak were'ma higi. A'nogo were'ma, yi wam ti wam e andi eroma kunmo wengik welagik, sue e andi enggibene awi wusi wagik, ikhi lagaikha higi. Yi mene ti mene eluk welagarek mene e andi enggen elok ninggi logou hak were'ma yethigi.

DANIEL 4:12 ပူးပေါင်းရင်းမြစ်များ

AYUB 12:24

It ap inogogwi melalinafu mene omanogo re inendawinggen nong-honget fisugunem he, iren o koma laga-lago iluk mel halek-legengge hesangge leil warik nikharek.

AYUB 14:7

E halok he, ebe mukfugunem andimiba nen asimit fuleluk enggi talherek.

AYUB 14:9

oba nen he, omanggen i min meneba lagaresik, hobuk asimit fulelogo engga weinam agarek.

RATAPAN 4:20

Iren ap raja Tuhan nen wenago mene a'nogo seneta, ap iren anggikhi logolik nineluk wo'nisa mene, nen nit ninaselei mene inoba nen aren telninabu mene. iluk anggikhi lago mene a'nogo re iren seneta.

YEHEZKIEL 17:23

Tom mondok uan mene it Israel mene were'ma andoma An nen taunget fagain. Andoma nen asimit wilibimbik, enggen iti logogin, a'nogo hilingiti logolik he e laik mondok fano mene asigin. Andi nen yi rue ti rue ogolabi werek mene mondogat he e andiba inawi wusi kwikhi logogun, Nen e andi a'ma kunmo andoma kuluk logogun.

YEHEZKIEL 31:17

Iren he at hondo'luk he kweangma ap wa'la'luk lagaikhare'ma andoma lambik, it attak pisukwa mene omanogo inom kabogesugun. Nen attak e andi andimiba hurek welagaukwa mene omanogo yi awi ti awi inunggulenu inap inanggelekwe andoma saga ilogoin.

DANIEL 4:14

A'nogo pi wagasik, ane hokhorogo mel ikhe: E ebe andi mugusogo potfisambik he, enggisok palogo lakfisigik, engga lologo pelakfisigik, enggen palogo hesangge-pesangge lakfisigik, ino o. A'nogo hilingiti logolik, yi wam ti wam e eroma weing la'luk nogoikherek mene andoma inom, sue e selebene awi wuthigik werek mene andoma inom, pugulogo wulakfisano o.

MARKUS 13:32

At Yesus nen a'nogo yagaisasikhesik wene ekhe mel yagaisasikhe: ”Hilinglasigin andi, o yi sambul, jam tiba hilinglasigin iluk, nit mondogat ninonggot enek. It malaikat Allah nen yonggo pelakfisa wagarek mene omanogo inonggorat. Nen an nebe at Allah amlogo meneat he, nonggoraro. We an neisena alegat elu o.

MARKUS 4:32

A'nogo meneat he, kibi wundat inom, ekhe mene inom, yatunem, fulelheresik he, obakhe endebat hak lagaikherek. Meneat he, kibi-kibi andi nek he, feik lakfugunem obakhe mondok hokhoat lagaikheresik he, enggi hokho talogo engga hokho agunem, sue tarogo nikherek mene we'luk he, kuna'ma andoma awi elok wusi wagarek andi hangge aro,” iluk yagaisasikhe.

LUKAS 13:19

”Allah nen awe a'ma fisikherek andi ebe re, kibi-kibi enggen hangge o. Ap ekhe nen kibi-kibi awi ekhe waganogo eabumo feik lakfesikhemo re, fulelhikhesik he, ero e hangge hokhoat hilinglagaikhemo, sue tarogo nikherek mene nen enggi talek oba awi wusi wagaikhe andi fageraro,” iluk yagaisasikhe.